1 पतरस 3:18 - Garhwali

^18-19 हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।

गढवली नयो नियम

¹⁸ मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

1 पतरस 3:18 ပူးပေါင်းရင်းမြစ်များ

मत्ती 27:19

अर जब पिलातुस न्याय आसन पर बैठयूं छौ, त वेकी घरवळी न वेका पास इन रैबार भेजि कि, “तुम वे धरमी मनखि का मामला मा हाथ नि डलयां, किलैकि ब्याळि राति मिन वेका बारा मा सुपन्या देखि, अर वेकी वजै से आज मि भौत दुख झेली।”

मत्ती 27:24

जब पिलातुस न देखि कि कुई फैदा नि होणु, बल्किन मा हल्‍ला और भि जादा होणु च, त वेन पाणि ले अर भीड़ का समणि अपणा हाथ ध्वेके बोलि, “ये निरदोष मनखि का ल्वे मा मेरु कुई हाथ नि च येका बारा मा तुम ही जाणा।”

यूहन्ना 16:10

अर धरमी बणण का बारा मा इलै, किलैकि मि पिता मा जाणु छौं, अर तुम मितैं फिर नि दिखल्या।

खास चेलों 22:14

वेन मिकू बोलि, ‘हमरा पितरों का परमेस्वर न त्वेतै पैलि बटि चुण्यालि छौ, ताकि तू वेकी मनसा अर बातों तैं जाणि सैकी, अर वे धरमी मनखि तैं देखि सैकी,

खास चेलों 3:14

हाँ, तुम लोगु न वे पवित्र अर धरमी मनखि तैं नकारी दिनी, अर पिलातुस बटि वे हत्यारा मनखि बरअब्बा खुणि बिन्ती कैरी, कि तुम लोगु खुणि वेतैं छुड़ै जौ।

रोमियों 1:4

अर वेतैं पवित्र आत्मा की ताकत से मुरदो मा बटि ज्यून्द किये गै। अर इन कैरिके पिता परमेस्वर न साबित कैरी, कि हमरु प्रभु यीशु मसीह वेको पुत्र च।

रोमियों 4:25

अर यीशु मसीह ही च जु कि हमरा अपराधों का खातिर मरणु खुणि पकड़वै गै, अर पिता परमेस्वर न वेतैं मुरदो मा बटि ज्यून्द कैरी, ताकि हम वे पर बिस्वास कैरिके धरमी ठैरैये जा।

रोमियों 5:2

अर वेका द्‍वारा बिस्वास से हम परमेस्वर की बड़ी किरपा पौण खुणि पिता परमेस्वर कि छतरछाया मा रै सैका। अर ईं बड़ी किरपा मा हम अब बणयां रा, अर पिता परमेस्वर को आदर-सम्मान मा हिस्सा पौणु की आस पर गर्व कैरा।

रोमियों 8:11

अर पिता परमेस्वर न यीशु मसीह तैं मुरदो मा बटि ज्यून्द कैरी, अर वेकी पवित्र आत्मा तुम लोगु मा वास करदी, त जन वेन यीशु मसीह तैं मुरदो मा बटि ज्यून्द कैरी, उई तुमरा नास होण वळा सरील तैं भि अपणा पवित्र आत्मा का द्‍वारा मुरदो मा बटि ज्यून्द करलु। अर इन वु इलै करलु, किलैकि वेकी पवित्र आत्मा तुम मा भि वास करदी।

रोमियों 8:3

किलैकि पिता परमेस्वर न वु काम कैरिके दिखै दिनी, जु काम नियम-कानूनों न नि कैरी सैकी, अर सरील की इच्छा मा ऊंतैं पूरु करण बड़ु कठिन छौ। इलै वेन ये काम तैं पूरु करणु खुणि अपणा पुत्र तैं ईं दुनियां मा एक मनखि का रुप मा भेजि, ताकि एक पापि सरील तैं लेके उ पाप का दण्ड तैं अपणा मथि ले ल्यो, अर हमतै माफी मिली जौ।

2 कुरिन्थि 1:24

अर हम लोगु को मतलब यू नि च कि हम ही तुमरा मालिक छां, अरे हम त केवल तुमरा आनन्द मा साझी छां अर हमरि पूरि कोसिस च कि तुम यीशु मसीह पर अपणु पूरु बिस्वास बणै के रखा।

2 कुरिन्थि 13:4

अर या बात सच्‍च च कि जब यीशु मसीह तैं क्रूस पर चड़ये गै, त उ कमजोर लगणु छौ। मगर या बात भि सच्‍च च कि पिता परमेस्वर न वेतैं अपणी महान ताकत से मुरदो मा बटि ज्यून्द कैरी, अर अब वु सदनि खुणि ज्यून्द च। अर ठिक उन्‍नि हम भि कमजोर मनखि छां, मगर हमरु रिश्ता यीशु मसीह का दगड़ा मा भौत गैरु च, इलै तुमतै अनुसासन मा लौणु खुणि मि पिता परमेस्वर की ताकत को इस्तेमाल करलु।

2 कुरिन्थि 5:21

किलैकि परमेस्वर न हम पापि लोगु की वजै से यीशु मसीह तैं बलिदान होणु खुणि दे दिनी, ताकि यीशु मसीह जैन कुई भि पाप नि कैरी छौ वेका द्‍वारा हम परमेस्वर की नजर मा धरमी साबित ह्‍वे जा।

गलातियों 1:4

अर तुम यू जाणि ल्या, कि वे ही यीशु न हमरा पापों का खातिर खुद तैं बलिदान होणु खुणि दे दिनी, ताकि इन कैरिके वु हमरा पिता परमेस्वर की मनसा का मुताबिक हमतै आज ईं दुनियां की बुरी बातों से आजाद कैरो।

गलातियों 3:13

अर मसीह न हमतै नियम-कानूनों का असगार से छुड़ै, अर क्रूस पर चैड़ि के हमरा पापों को असगार खुद पर ले दिनी, किलैकि लिख्यूं च, “जु कुई भि क्रूस पर चड़ये जालु वे पर परमेस्वर को असगार लग्यूं च।”

इफिसुस 3:12

अर यीशु मसीह पर बिस्वास करण की वजै से ही हम लोग यकीन कैरिके, अर बिन डऽरयां पिता परमेस्वर का समणि ऐ-जै सकद्‍यां।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

इब्रानी 10:10

अर परमेस्वर की मनसा का मुताबिक यीशु मसीह का सरील तैं एक ही बार हमेसा खुणि बलि चड़ये गै अर इन होण से वेन हमतै पवित्र कैरियाली।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।

इब्रानी 9:26

अर अगर ज्वा इन बात ही रौन्दी, त यीशु तैं दुनियां की शुरुवात से अभि तक बार-बार दुख उठौण पोड़दु, मगर वेन खुद तैं आखिरी का दिनों मा एक ही बार सदनि खुणि परगट कैरियाली, ताकि अपणा बलिदान का द्‍वारा उ पाप तैं मिटै सैको।

इब्रानी 9:28

ठिक उन्‍नि यीशु मसीह भि भौत सा लोगु का पापों तैं उठौणु खुणि एक ही बार बलिदान ह्‍वे। पर जब उ फिर से वापस आलु त उ मनखि का पापों तैं माफ करणु खुणि ना, बल्किन मा ऊंतैं छुटकारा देणु खुणि आलु जु कि वेको इंतजार कना छिन।

याकूब 5:6

जु लोग तुमरा खिलाप मा नि छा, ऊं धरमी मनखियों पर इळजाम लगै के तुमुन ऊंतैं मौत की सजा देई।

1 पतरस 4:1

अर हम जणदा छाँ, कि यीशु मसीह न अपणा सरील मा दुख तैं झेली, इलै हमतै भि वेका जन ही विचार रखण चयेणा, अर हरेक दुख तैं झिलणु खुणि तयार रौण चयेणु, किलैकि जैन शरीर मा दुख झेली उ पाप करण छोड़ि देन्दु।

1 पतरस 4:6

अर ईं वजै से ही यीशु मसीह का पिछनै चलण वळा लोगु न वेका बारा मा शुभ समाचार को परचार कैरी, जु कि अब मोरि गैनी, अर भले ही पिता परमेस्वर न ऊंको न्याय कैरी अर वु सब भि आम मनखियों की तरौं ही मोरि गैनी, मगर पिता परमेस्वर का पवित्र आत्मा न ऊंतैं सदनि को जीवन दिनी।

1 यूहन्ना 1:9

अर अगर हम अपणा-अपणा पापों तैं माणी द्‍या, त उ हमरा पापों तैं माफ करलु अर हमतै सब बुरै से शुद्ध भि करलु, किलैकि पिता परमेस्वर भरोसा का लैख अर सच्‍चु च।