1 पतरस 2:24 - Garhwali

²⁴ अर यीशु न हमरा सब पापों तैं अपणा सरील मा ले अर क्रूस कि मौत तैं सै, ताकि हम अपणा पापों खुणि मोरि जां, अर परमेस्वर की नजर मा अच्छा कामों खुणि जीवन ज्या। अर वेका मार खाण से ही तुम खूब होयां।

गढवली नयो नियम

²⁴ जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

1 पतरस 2:24 ပူးပေါင်းရင်းမြစ်များ

मत्ती 27:26

तब पिलातुस न ऊंकी मांग का मुताबिक बरअब्बा तैं छोड़ दिनी, अर यीशु तैं कोड़ा लगवैनि अर क्रूस पर चड़ौणु खुणि ऊंका हाथों मा सौंप दिनी।

मत्ती 5:20

अर मि तुमतै बतै देन्दु, कि अगर जु तुम परमेस्वर की नजर मा धरमी जीवन जीण को काम, शास्‍त्री अर फरीसी दल का लोगु से जादा नि करिल्या, त तुम परमेस्वर का राज मा नि जै सकद्‍यां।’”

मत्ती 8:17

अर इन इलै ह्‍वे, ताकि उ वचन पूरु ह्‍वे जौ जु कि यशायाह रैबर्या न बोलि छौ। अर उ वचन इन च कि, “वेन हमरि कमजोरियों तैं ले लिनी, अर इख तक कि हमरि बिमारियों तैं भि अफ पर ले लिनी।”

मरकुस 15:15

तब पिलातुस न भीड़ तैं खुश करण की इच्छा से बरअब्बा तैं ऊं लोगु खुणि छोड़ दिनी, अर यीशु तैं कोड़ा मरवै के रोमी सिपयों का हवाला करवै दिनी, ताकि वु यीशु तैं क्रूस पर चड़ै द्‍या।

लूका 4:18

“प्रभु की आत्मा मि मा च, किलैकि वेन गरीबों तैं शुभ समाचार सुनाणु कू मितैं चुण्यूं च। अर बन्धियों तैं छुटकारा का बारा मा, अर अन्धों तैं फिर से दिखण का बारा मा परचार करणु खुणि, अर सतयां लोगु तैं छुटकारा देणु खुणि वेन मितैं भेजि च।

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

यूहन्ना 19:1

येका बाद पिलातुस न यीशु तैं लि जैके कोड़ा मरवैनी।

खास चेलों 10:35

अर हरेक वु मनखि जु की परमेस्वर पर अपणी पूरि सरदा रखदु अर भलै का काम करदु, अब वु चै कैं भि जाति को किलै नि हो परमेस्वर वे मनखि तैं स्वीकार करदु।

खास चेलों 10:39

अर जु काम यीशु न यहूदी लोगु का देस मा अर यरूशलेम नगर मा करिनी, ऊं सब कामों का गवा हम छां। अर लोगु न वेतैं क्रूस पर मरवै दिनी,

खास चेलों 13:29

“अर जब यीशु का बारा मा लिखीं सब बात पूरि ह्‍वे गैनी, त ऊं लोगु न ही वेतैं क्रूस बटि उतारि के एक कबर मा रखी दिनी।

खास चेलों 5:30

अर तुम लोगु न यीशु तैं क्रूस पर चड़वै के मार दिनी, पर हमरा पितरों का परमेस्वर न वे ही यीशु तैं मुरदो मा बटि ज्यून्दु कैरी।

रोमियों 6:11

ठिक इन्‍नि तुम भि अपणा पापि सभौ तैं मारी द्‍या, पर पिता परमेस्वर खुणि अफ तैं यीशु मसीह का द्‍वारा ज्यून्दु समझा।

रोमियों 6:13

अर नऽ त खुद तैं पाप करणु खुणि सौपा, किलैकि या बात तुम खुणि भली नि च, कखि इन नि हो कि तुम फिर से गळत काम करण लगि जा। इलै खुद तैं पिता परमेस्वर का सुपुर्द कैरी द्‍या, जु कि मुरदो तैं ज्यून्द करण की ताकत रखदु। अर इन तुम इलै कैरा, ताकि उ तुमरा जीवनों का द्‍वारा भलै का काम कैरी सैको।

रोमियों 6:16

अर क्या तुम नि जणद्‍यां, जब तुम खुद तैं एक गुलाम की तरौं दुसरो का सुपुर्द कैरी देन्द्‍यां, तब तुम उई काम करद्‍यां, जन तुमरो मालिक चान्दु। अर ठिक उन्‍नि जु मनखि पाप की सेवा करदु वेका बदला मा वे खुणि मौत रखी च, अर जु मनखि पिता परमेस्वर की आज्ञा को पालन करदु वांका बदला मा वे खुणि सदनि को जीवन रख्युं च।

रोमियों 6:2

नऽ रे ना इन नि ह्‍वे सकदु। जब एक बार हम पाप करणु खुणि मुरयां मनखि का जन ह्‍वे ग्यां, त फिर हम पाप का अधीन मा कनकै रै सकद्‍यां?

रोमियों 6:22

पर अब पिता परमेस्वर न तुमतै पापों से छुटकारु देके अपणु चेला बणैयालि, अर ईं बात को तुमतै यू फैदा च कि अब तुमरो मन पवित्र ह्‍वे गै। अर ना केवल पवित्र मन, बल्किन मा वेका दगड़ा-दगड़ि तुमतै सदनि को जीवन भि द्‍यालु।

रोमियों 6:7

किलैकि जु मनखि मोरि गै वु पाप बटि छुटी गै।

रोमियों 7:6

मगर अब हम लोग पुरणा नियम-कानून खुणि जौन हमतै बन्धी बणै के रख्युं छौ, अब हम वां खुणि मोरि ग्यां। अर अब हम पुरणा तरीका से ना, बल्किन मा पवित्र आत्मा की मनसा का मुताबिक पिता परमेस्वर की सेवा करणा छां।

1 कुरिन्थि 15:3

अर सच्‍चै को जु वचन यीशु मसीह का द्‍वारा मितैं बतये गै, उई मिन तुमतै बतै। अर पवित्रशास्‍त्र मा वु वचन इन लिख्यूं च कि, “मसीह हमरा पापों खुणि मरे गै।”

2 कुरिन्थि 6:17

अर परमेस्वर यू भि बुल्दु कि, “ऊंका बीच मा बटि भैर निकळा, अर खुद तैं ऊं से अलग कैरा, अर ऊं सब अशुद्ध चीजों से दूर रा, तब मि तुमतै अपणा पास रखलु।”

गलातियों 3:13

अर मसीह न हमतै नियम-कानूनों का असगार से छुड़ै, अर क्रूस पर चैड़ि के हमरा पापों को असगार खुद पर ले दिनी, किलैकि लिख्यूं च, “जु कुई भि क्रूस पर चड़ये जालु वे पर परमेस्वर को असगार लग्यूं च।”

इफिसुस 5:9

किलैकि जै मनखि का जीवन मा परमेस्वर को उज्याळु च, उ हरेक तरौं की भलै करण मा, अर सच्‍चै से धरमी जीवन जीण की कोसिस करदु।

फिलिप्पी 1:11

अर यीशु मसीह का द्‍वारा परमेस्वर की नजर मा धरमी जीवन जीणु खुणि हर गुण से भरपूर ह्‍वे जा, ताकि तुमरा जीवनों का द्‍वारा परमेस्वर की बडै अर तारीफ हो।

कुलुसी 2:14

अर जु लेख नियम का मुताबिक हमरा खिलाप मा लिख्यां छा, ऊंतैं यीशु न रद्‍द कैरी दिनी अर क्रूस पर किलों का द्‍वारा छिदै के वेन हम पर लग्यां इळजामो तैं हटै दिनी।

कुलुसी 2:20

हे मेरा भै-बैंणो, तुमरा पापि सभौ तैं यीशु मसीह का दगड़ा क्रूस पर मरे गै, इलै अब बुरी ताकतों को तुम पर कुई अधिकार नि च। अर मितैं इन बता कि अब तुमरो सभौ इन्द्रयो किलै होणा छाँ? अरे, तुम त इन जीवन जीण छाँ जन कि ईं दुनियां का नियम तुम खुणि ही बणयां हो,

कुलुसी 3:3

किलैकि अब तुमरो पापि सभौ खतम ह्‍वे गै। अर अब तुमरो जीवन मसीह का द्‍वारा पिता परमेस्वर मा हिफाजत से रख्युं च, अर ये जीवन तैं लोग देखि नि सकदिन।

इब्रानी 10:10

अर परमेस्वर की मनसा का मुताबिक यीशु मसीह का सरील तैं एक ही बार हमेसा खुणि बलि चड़ये गै अर इन होण से वेन हमतै पवित्र कैरियाली।

इब्रानी 10:5

इलै जब यीशु मसीह ईं दुनियां मा औण वळु छौ, त वेन अपणा बारा मा इन बोलि जन कि पवित्रशास्‍त्र मा भि लिख्यूं च कि, “हे मेरा परमेस्वर, तुमुन बलिदान अर भेंट नि चै, पर तुमुन मि खुणि एक सरील तयार कैरी।

इब्रानी 12:13

जन कि पवित्रशास्‍त्र मा भि लिख्यूं च कि, “ठिक बाटा पर चला” तब जु लोग तुमरा पिछनै चलदा छिन, याने कि जु लोग बिस्वास मा कमजोर अपंग मनखि का जन छिन, वु पिछनै नि हटला, बल्किन मा बिस्वास मा मजबूत ह्‍वे जाला।

इब्रानी 7:26

अर यीशु मसीह वु पुरोहित च जैमा कुई कपट नि च अर वु पवित्र अर निरदोष च, अर स्वर्ग मा वेतैं हम सब लोगु से जादा आदर-सम्मान दिये जान्दु, किलैकि वु हम पापि लोगु का जन नि च।

इब्रानी 9:28

ठिक उन्‍नि यीशु मसीह भि भौत सा लोगु का पापों तैं उठौणु खुणि एक ही बार बलिदान ह्‍वे। पर जब उ फिर से वापस आलु त उ मनखि का पापों तैं माफ करणु खुणि ना, बल्किन मा ऊंतैं छुटकारा देणु खुणि आलु जु कि वेको इंतजार कना छिन।

याकूब 5:16

इलै तुम एक-दुसरा का समणि अपणा-अपणा पापों तैं मणिल्या, अर एक-दुसरा खुणि प्रार्थना कैरा, ताकि तुम बिमारियों मा बटि खूब ह्‍वे जा। किलैकि जु मनखि परमेस्वर की नजर मा धरमी च वेकी प्रार्थना का द्‍वारा भौत कुछ ह्‍वे सकदु च।

1 यूहन्ना 2:29

किलैकि हम सभ्या का सभि जणदा छां, कि यीशु मसीह उई करदु जु पिता परमेस्वर की नजर मा सही च। अर हम यू भि जणद्‍यां, कि जथगा भि लोग वेकी नजर मा धरमी छिन ऊ सब पिता परमेस्वर की औलाद छिन।

1 यूहन्ना 3:7

हे मेरा प्यारा बच्‍चों, ध्यान रखा कखि कुई तुमतै भरमै नि द्‍यो। अर जैको चाल-चलन खरु च उई मनखि पिता परमेस्वर की नजर मा धरमी च, ठिक उन्‍नि जन यीशु मसीह वेकी नजर मा धरमी च।

दिब्य दरस 22:2

अर या गाड वे नगर का बाटा का बीचों-बीच बुगणी छै। अर गाड का दुई छालों पर जीवन का डाळा लग्यां छा, जौं पर बारामास बारह किसम का फल लगदिन। अर यों डाळों का पत्ता देस मा रौण वळा लोगु का रोग दूर करणु खुणि छिन, अर ऊंका फल जीवन देणु खुणि छिन।