1 पतरस 2:19 - Garhwali

¹⁹ अगर कुई नौकर जणदु हो कि वेको मालिक वेका दगड़ा अन्यो कनु च, मगर फिर भि उ मनखि दुख तैं सौ, त ईं बात तैं देखि के पिता परमेस्वर वेतैं आसीस द्‍यालु।

गढवली नयो नियम

¹⁹ किलैकि जु हम दुःख सौंदा चाहे हमारी कुई गलती न हो, पर हम भस इलै सौंदा किलैकि हम जंणदा कि पिता परमेश्वर सभि कुछ जंणदु च, त पिता परमेश्वर हम बट्टी खुश हूंद।

1 पतरस 2:19 ပူးပေါင်းရင်းမြစ်များ

लूका 6:32

“अगर तुम ऊं ही लोगु बटि ही प्यार करद्‍यां? जु तुम बटि प्यार करदिन, त कौन सा तुमुन भौत बड़ु काम कैरियाली? किलैकि पापि मनखि भि त इन्‍नि करदिन।

यूहन्ना 15:21

अर यू सब वु मेरा बानो तुमरा दगड़ा मा करला, किलैकि जै परमेस्वर न मितैं भेजि च, वेतैं वु लोग नि जणदिन।

खास चेलों 11:23

अर बरनबास एक अच्छु बिस्वासी, पवित्र आत्मा से भरपूर अर एक भलु मनखि छौ। अर जब उ अन्ताकिया नगर मा पौंछी, अर लोगु पर होईं परमेस्वर की किरपा तैं देखि के बड़ु आनन्दित ह्‍वे, अर वेन ऊंतैं ईं बात की शिक्षा दिनी कि वु सब लोग पूरा मन से प्रभु मा बणयां रा, अर एक बड़ी भीड़ प्रभु पर बिस्वास करण लगि गै।

रोमियों 13:5

अर अधिकारी लोग कखि कुई दण्ड नि दे द्‍या, ईं डौऽर की वजै से ऊंका अधीन मा नि रौण, बल्किन मा ऊंका अधीन मा इलै रौण किलैकि हमरु जमीर भि ईं बात की गवै देन्दु कि हमतै ऊंका अधीन मा रौण चयेणु।

1 कुरिन्थि 15:10

बल्किन मा पिता परमेस्वर न मि पर अपणी किरपा कैरी, इलै आज मि भि एक खास चेला छौं। अर ज्वा किरपा वेन मि पर कैरी वा बेकार नि गै, किलैकि मिन दुसरा खास चेलों से जादा मेनत कैरी। अर सच्‍चै त या च कि या मेनत पिता परमेस्वर की वीं किरपा न कैरी ज्वा कि मेरा दगड़ा मा च।

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

2 कुरिन्थि 8:1

हे मेरा भै-बैंणो, अब मि तुमतै पिता परमेस्वर की वीं किरपा का बारा मा बतौण चाणु छौं, ज्वा वेन मकिदुनिया मुलक मा रौण वळा बिस्वासी समुदाय का लोगु का जीवनों मा कैरी।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

इब्रानी 10:2

अगर पिता परमेस्वर की भक्‍ति करण वळा लोग सच्‍चि मा शुद्ध ह्‍वे जान्दा, त वु खुद तैं पाप खुणि दोषी मैसूस नि करदा अर बलिदान करण भि बन्द ह्‍वे जान्दु।

1 पतरस 2:20

अर अगर जु तुम गळत काम करण की वजै से मार खन्द्‍यां अर दुख तैं चुपचाप से सौन्द्‍यां, त या मा तुमरि तारीफ कि कुई बात नि च, पर अगर जु तुम भला काम करण का बाद भि दुख सौन्द्‍यां, त ईं बात का बदला मा पिता परमेस्वर तुमतै आसीस द्‍यालु।

1 पतरस 4:15

अर तुमतै इन्द्रया काम नि करण चयेणा ज्या से कि कुई तुम पर दोष लगौ जन कि, हत्या करण, चोरी करण, या बुरै का काम अर ना ही दुसरा लोगु का कामों मा दखल द्‍या।