1 पतरस 2:16 - Garhwali

¹⁶ अर आजाद होयां लोगु का जन जीवन ज्या, पर याद रखा की अपणी आजादी को इस्तेमाल बुरा कामों तैं छिपाणु खुणि नि कैरा, बल्किन मा परमेस्वर का सेवकों की तरौं जीवन ज्या।

गढवली नयो नियम

¹⁶ तुम कु इन कुई भि नि च जु तुम तैं उ कन से रोक साको जु तुम कन चदयां किलैकि तुम हमारा प्रभु यीशु मसीह का द्वारा पैली ही आजाद करे ग्यां। पर बुरा काम कनु कु यु तैं एक बहाना नि बणा। पर तुम तैं अपड़ा कामों का द्वारा दिखांण चयणु च कि तुम सच मा पिता परमेश्वर का सेवक छा।

1 पतरस 2:16 ပူးပေါင်းရင်းမြစ်များ

मत्ती 23:13

तब यीशु न ऊंकू बोलि, “हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, किलैकि तुम दुसरा लोगु खुणि परमेस्वर का राज को द्‍वार बन्द कना छाँ, अर नऽ त तुम खुद वेमा जाणा छाँ, अर ना ही ऊंतैं जाण देणा छाँ जु कि वेमा जाण का हकदार छिन।

यूहन्ना 15:22

“अर अगर जु मि नि औन्दु अर परमेस्वर की बातों तैं ऊंतैं नि बतौन्दु त वु दोषी नि ठैरदा, पर अब जब ऊंन सुण्यालि त दोषी ठैरणो को ऊंमा कुई बहाना नि च।

रोमियों 6:18

अर तुम लोग तैं पाप की गुलामी से छुटकारु मिली गै, ताकि तुम पिता परमेस्वर की नजर मा एक धरमी जीवन जी सैका अर वेको सेवक बणि जा।

रोमियों 6:22

पर अब पिता परमेस्वर न तुमतै पापों से छुटकारु देके अपणु चेला बणैयालि, अर ईं बात को तुमतै यू फैदा च कि अब तुमरो मन पवित्र ह्‍वे गै। अर ना केवल पवित्र मन, बल्किन मा वेका दगड़ा-दगड़ि तुमतै सदनि को जीवन भि द्‍यालु।

1 कुरिन्थि 7:22

अर अगर जु तू गुलाम छैई, अर जब तिन प्रभु यीशु पर बिस्वास कैरी छौ, त पिता परमेस्वर न तेरा दगड़ा मा इन बरतौ नि कैरी, जन एक गुलाम का दगड़ा मा किये जान्दु। अर अगर तू आजाद छैई, अर प्रभु यीशु मसीह पर बिस्वास करदी, त तू मसीह को गुलाम छैई।

गलातियों 5:1

अर या आजादी हमतै यीशु मसीह का द्‍वारा मिली च ताकि हम आजादी का जीवन तैं जी सैका। इलै अपणा बिस्वास तैं मजबूत बणै के रखा, अर नियम-कानूनों का बोझ तैं फिर से अपणा कन्धों पर नि उठा।

गलातियों 5:13

हे मेरा भै-बैंणो, तुमतै आजादी को जीवन जीणु खुणि बुलये गै। अर ईं आजादी को इस्तेमाल तुम अपणा सरील की इच्छा तैं पूरि करणु खुणि नि लगा, बल्किन मा ईं आजादी को इस्तेमाल प्यार से एक-दुसरे की सेवा करण मा लगा।

इफिसुस 6:6

अर यू सब कुछ तुम मनखियों तैं खुश करणु या दिखौणु खुणि ना, पर यीशु मसीह का सेवकों की तरौं तन-मन से परमेस्वर की मनसा का मुताबिक कैरा।

कुलुसी 3:24

किलैकि तुमतै पता च, कि येका बदला मा प्रभु तुमतै अपणी विरासत मा से द्‍यालु जैको करार वेन कैरी। अर तुम लोग हमरा प्रभु यीशु मसीह की सेवा करद्‍यां,

1 थिस्सलुनीकी 2:5

अर तुम जणदा छाँ, कि हमुन कभि भि तुमतै खुश करणु खुणि तुमरि चापलूसी नि कैरी, अर ना ही लालच कैरिके तुमरा समणि बहाना मरनि। अर यों सब बातों को गवा परमेस्वर च।

याकूब 1:25

पर जु मनखि परमेस्वर का नियम-कानून पर ध्यान देन्दु, अर ऊंतैं सुणी के भूली नि जान्दु, बल्किन मा पालन करदु तब उ अपणा हरेक काम मा आसीस पौन्दु। किलैकि नियम-कानून उत्तम अर आजाद करण वळा छिन।

याकूब 2:12

जौं लोगु को न्याय आजाद करण वळा नियम-कानूनों का मुताबिक होण, ऊं लोगु का जन तुमरो बोल-चाल अर चाल-चलन हो।

2 पतरस 2:19

अरे, यू झूठ्‍ठा लोग खुद त बुगणा छिन, अर दुसरो तैं बचौण की बात कना छिन। किलैकि इन्द्रया लोग त आजादी दिलौण को करार करदिन, जब कि यू खुद बुरै का गुलाम छिन।

यहूदा 1:4

किलैकि भौत सा लोग इन छिन, जु कि हम बिस्वासी लोगु का बीच मा चुपचाप से घुसी के ऐ गैनी। अर यू लोग पिता परमेस्वर की भक्‍ति नि करदिन, अर हमरा पिता परमेस्वर की किरपा को गळत फैदा उठे के वेको इस्तेमाल भोग-बिलास मा करदिन। अर यू झूठ्‍ठा लोग हमरा यीशु मसीह तैं नकारी देन्दिन, जु की एकमात्र मालिक अर प्रभु च, पर यों लोग खुणि पैलि बटि दण्ड ठैर्युं के रख्युं च।