1 पतरस 2:1 - Garhwali

¹ इलै हे मेरा भै-बैंणो, अपणा जीवनों मा बटि हरेक किसम कि बुरै, छल-कपट अर ढोंग तैं, अर एक-दुसरा बटि जलन रखण अर दुसरो तैं बदनाम करण छोड़ि द्‍या।

गढवली नयो नियम

¹ इलै, हर प्रकार का बुरा बरतौ बट्टी छुटकारा पै। दूसरों तैं धोखा नि द्या, कपटी नि बणा। दूसरों बट्टी नि फुकया; दुसरा लुखुं का विरुद्ध बुरी बात नि बोला।

1 पतरस 2:1 ပူးပေါင်းရင်းမြစ်များ

मत्ती 15:7

हे ढोंगि लोगु, तुमरा बारा मा यशायाह रैबर्या न एकदम ठिक भविष्यबाणी कैरी छै। अर वेन बोलि छौ कि,

मत्ती 23:28

अर इन्‍नि तुम भि दुसरा लोगु का समणि खुद तैं धरमी होण को बड़ु दिखावा करद्‍यां, पर भितर बटि तुम बड़ा ढोंगि अर बुरै से भोर्यां छाँ।

मत्ती 24:51

तब वेको मालिक वेतैं कड़क से कड़क सजा दयालु, अर ज्वा जगा ढोंगि लोगु खुणि ठैरैईं च वेतैं भि उखि रखै जालु। अर उख सिरफ रुंण, अर दांतों तैं कड़गिटाण ही होलु।”

मत्ती 7:5

अरे ढोंगि, पैलि अपणा आंख बटि वे जांठा तैं त निकाळ, तब जैके तू अपणा भै की आंख को तिण अच्छी तरौं देखि के निकाळि सकलि।

मरकुस 12:15

पर यीशु ऊंका मन का कपट तैं जाणि गै इलै वेन ऊंकू बोलि, “तुम मितैं किलै अजमौणा छाँ? मेरा पास चांदी को एक सिक्‍का ला, अर मितैं दिखा।”

लूका 11:44

अर हाय च तुम पर, किलैकि तुम त ऊं कबरों का जन छाँ जौं को कुई अता-पता नि च, अर लोग बिन जणयां ऊंका मथि चलदिन।”

लूका 12:1

अर जब यीशु शास्‍त्री का इख बटि ऐ गै, त यीशु तैं मिलणु खुणि बिजांम लोगु की भीड़ इकट्‍ठा ह्‍वे गै, अर लोगु की संख्या इथगा छै, कि वु एक-दुसरा पर फरक्योंणा छा। तब यीशु न सबसे पैलि अपणा चेलों कू बोलि कि, “सुणा, फरीसी लोगु का ढोंग रुपी खमीर से चौकस रा।

लूका 6:42

अरे, जब तेरा ही आंख मा जांठु च, त तू कनकै अपणा भै कू बोलि सकदी कि, ‘भैजी, ला मि तुमरि आंखा बटि तिण निकाळि द्‍यूं?’ हे ढोंगि, पैलि अपणा आंखा बटि वे जांठा तैं त निकाळ। तब जैके तू अपणा भै की आंख को तिण अच्छी तरौं देखि के निकाळि सकलि।”

यूहन्ना 1:47

यीशु न नतनएल तैं अपणी तरफा औन्द देखि के वेका बारा मा बोलि, “देखा, यू सच्‍चु इस्राएली च जैमा कुई कपट नि च।”

रोमियों 1:29

किलैकि ऊ हरेक किसम की बुरै से भरपूर छिन जन कि, दुष्‍टता, लालच करण, खार खाण, खून करण, झगड़ा करण, लोगु की छुईं एक-दुसरा मा लगौण,

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

1 कुरिन्थि 5:8

अर तुम जु यीशु मसीह पर बिस्वास करद्‍यां, इलै हरेक किसम कि बुरै अर दुसमनी तैं छोड़ि द्‍या, किलैकि यां मा तुमरि कुई भलै नि च। त आ, हम ईं सच्‍चि शिक्षा को पालन कैरा, अर वु भि बड़ी इमानदारी से।

2 कुरिन्थि 12:20

अर मितैं ईं बात की डौऽर च कि कखि इन नि हो कि जब मि तुमरा बीच मा औंऽऽ, त जन मि चान्दु तुमतै उन नि पौं, अर जन तुम मिसे चन्द्‍यां उन तुम मितैं नि पा। अर मितैं इन भि डौऽर च कि तुमरा बीच मा झगड़ा करण वळा, खार खाण वळा, जल्दी नाराज होण वळा, अपणु ही भलु चाणा वळा, बदनाम करण वळा, झूठ्‍ठी बात फैलाण वळा, बड़ु मोन करण वळा, अर दंगा करण वळा लोग मौजूद छिन।

इफिसुस 4:31

अर अपणा-अपणा जीवनों बटि हरेक किसमे की कड़वाहट, नाराज होण वळु सभौ, गुस्सा करण, चिलाण, गळी देण, इन्दरि भौत सरी बुरै तैं अफ बटि दूर कैरा।

1 थिस्सलुनीकी 2:3

अर जब हम तुमतै सिखौन्द्‍यां, त यां को मतलब यू नि च कि हम यू सब झूठ्‍ठी बातों से या गळत इरादों से करद्‍यां, अर ना ही इन इच्छा से कि तुमतै ठगि के चलि जां

1 तीमुथियुस 3:11

अर उन्‍नि बिस्वासी समुदाय की सेवा मा मदद करण वळो की जनानियां भि इन अच्छु जीवन बिता, ज्यां से की लोग ऊंको आदर-सम्मान कैरा। अर ऊ कै पर दोष लगौण वळी नि हो बल्किन शान्त सभौ की अर सब बातों मा बिस्वासयोग्य हो।

तीतुस 2:3

अर ठिक उन्‍नि बुड्ड़ी जनानि तैं भि समझौ कि ऊंको चाल-चलन पवित्र हो, अर ऊ दुसरो पर दोष लगौण वळी ना हो, अर ना ही दरोळया, पर अच्छी बात सिखौण वळी हो।

इब्रानी 12:1

हे मेरा भै-बैंणो, हम इन्द्रया ही भौत सा लोगु का बारा मा जणदा छां, जु कि बिस्वास का बारा मा हमतै हौसला देन्दा छिन। इलै अब हम पक्‍कु बिस्वास बणै के रखा, ठिक उन्‍नि जन एक खिलाड़ी अपणा बाटा मा औण वळी रुकावट तैं दूर करदु, ठिक इन्‍नि हम भि सब पापों तैं छोड़ि द्‍या अर सबर रखी के हरेक किसम की परेसानी तैं झेली के परमेस्वर का पिछनै चलण वळा बणा।

याकूब 1:21

इलै सब बुरी आदतों तैं अर सब बुरा कामों तैं छोड़ा, अर परमेस्वर को जु वचन तुमतै सुणये गै, वेतैं तुम दीन सभौ को बणि के स्वीकार कैरा। किलैकि यू ही वचन तुमतै छुटकारु दे सकदु।

याकूब 3:14

पर अगर जु तुम अपणा मन मा कै से भौत खार खन्द्‍यां अर मतलबी होनद्‍यां, त बड़ु मोन नि कर्यां अर सच्‍चै तैं नकारी के झूठ्‍ठ नि बुलयां।

याकूब 4:11

हे मेरा भै-बैंणो, एक-दुसरा का खिलाप मा नि बोला। अगर कुई अपणा बिस्वासी भै-बैंणो का खिलाप बुल्दु, या ऊं पर इळजाम लगौन्दु, त उ परमेस्वर का नियम-कानून पर इळजाम लगौन्दु अर अगर जु तुम नियम-कानून पर इळजाम लगौन्द्‍यां, त तुम नियम-कानून का पालन करण वळा नि छाँ, बल्किन मा तुम अफि ही न्याय करण वळा बणि ग्यां।

याकूब 4:5

अर तुम क्या सोचद्‍यां कि ज्वा बात पवित्रशास्‍त्र मा लिखीं च वा सुद्‍दी च? “ज्वा आत्मा पिता परमेस्वर न मनखि तैं देई, कखि वा आत्मा वे बटि दूर नि ह्‍वे जौ, वेका खातिर वेतैं जलन होन्दी।”

याकूब 5:9

हे मेरा भै-बैंणो, तुम एक-दुसरा पर नि कुड़कुड़ावा, ताकि तुम पर इळजाम नि लगये जौ। सुणा, न्याय करण वळु प्रभु द्‍वार पर ही च।

1 पतरस 2:16

अर आजाद होयां लोगु का जन जीवन ज्या, पर याद रखा की अपणी आजादी को इस्तेमाल बुरा कामों तैं छिपाणु खुणि नि कैरा, बल्किन मा परमेस्वर का सेवकों की तरौं जीवन ज्या।

1 पतरस 2:22

अर पवित्रशास्‍त्र मा वेका बारा मा इन लिख्यूं च कि, “वेन कुई पाप नि कैरी, अर ना ही वेका गिच्‍चा बटि कुई छल की बात निकळि।”

1 पतरस 3:10

किलैकि पवित्रशास्‍त्र मा इन लिख्यूं च कि, “जु अपणा जीवन से प्यार करदु हो, अर अच्छा दिन दिखण चान्दु हो, त उ मनखि अपणी जीब तैं बुरै करण से रोको, अर अपणा गिच्‍चा बटि छल कि बात नि बोलो।

1 पतरस 4:2

अर अब हम अपणा बच्यां जीवन तैं ईं दुनियां की इच्छा का मुताबिक ना, बल्किन मा परमेस्वर की मनसा का मुताबिक चला।

1 पतरस 4:4

अर अब ऊं लोगु तैं बड़ु ताजुब होन्दु, किलैकि अब तुम इन्द्रया बुरा कामों मा अपणा दगड़्यों को साथ नि देन्द्‍यां, त इलै तुमरा दगड़्या तुमरो अपमान करदिन।

दिब्य दरस 14:5

अर ऊंन कभि झूठ्‍ठ नि बोलि अर वु निरदोष छिन।