1 पतरस 1:8 - Garhwali

^8-9 अर तुमुन यीशु तैं नि देखि, अर ना ही वेतैं अभि दिखद्‍यां, मगर फिर भि तुम वे पर बिस्वास करद्‍यां, अर वेसे प्यार भि करद्‍यां, मगर सुणा, न्याय का दिन पर उ तुमरा बिस्वास का द्‍वारा ही तुमरि आत्मा तैं बचालु। अर यू बड़ु आनन्द तुमतै भरपूर कैरी द्‍यालु, जैको बखान हम अभि नि कैरी सकद्‍यां, किलैकि यू वु आनन्द च जु कि पिता परमेस्वर की महान आसीस से भरपूर होलु।

गढवली नयो नियम

⁸ तुम ल यीशु मसीह तैं कभी नि देखि, पर फिर भि तुम मसीह बट्टी प्रेम करदा अर वे पर विश्वास भि करदा। इलै, तुम आनन्द अर महिमा बट्टी भौत खुश छा जै तैं शब्दों द्वारा नि बतये जै सकद।

1 पतरस 1:8 ပူးပေါင်းရင်းမြစ်များ

मत्ती 10:37

“अगर कुई मनखि अपणा ब्वे-बाब तैं मिसे जादा प्यार करदु, त वु मेरु चेला होण का लैख नि च। अर ठिक उन्‍नि अगर कुई अपणा नौना या नौनि तैं मिसे जादा प्यार करदु, त उ भि मेरु चेला होण का लैख नि च।

यूहन्ना 14:15

फिर यीशु न चेलों खुणि इन भि बोलि, “अगर जु तुम मि बटि प्यार करद्‍यां, त मेरी आज्ञाओं तैं भि मणिल्या।

यूहन्ना 14:21

अर जु कुई मेरी आज्ञाओं तैं स्वीकार कैरिके वेका मुताबिक चलदु च, उई मि बटि प्यार करदु। अर जु मि बटि प्यार करदु, वे बटि मेरु पिता भि प्यार करदु। अर मि भि वे बटि प्यार करलु, अर अपणु दरसन वेतैं दिखौलु।”

यूहन्ना 14:24

पर जु कुई मि बटि प्यार नि करदु, उ मेरा वचन तैं भि नि मणदु। अर जु वचन तुम सुणद्‍यां, उ मेरु ना बल्किन मा जै पिता न मितैं भेजि च वेको च।

यूहन्ना 16:22

इन्‍नि तुम भि अभि दुख मा छाँ, पर मि तुमतै फिर से मिललु, तब तुमरा मन मा खुशी को कुई ठिकाणु नि रालु। अर तुमरि ईं खुशी तैं कुई भि तुम बटि छिनी नि सकदु।

यूहन्ना 20:29

यीशु न वेकू बोलि, “क्या तू इलै बिस्वास कनि, किलैकि तिन मितैं देखियाली? पर धन्य छिन ऊ लोग, जु बिन दिख्यां बिस्वास करदिन।”

यूहन्ना 8:42

तब यीशु न ऊंकू बोलि कि, “अगर परमेस्वर तुमरो पिता होन्दु, त तुम मि बटि प्यार करदा, किलैकि मि परमेस्वर मा बटि ही निकळि के इख अयूं छौं। अर मि अपणी तरफा बटि नि अयूं, पर वेन ही मितैं भेजि च।

खास चेलों 16:34

तब जेलर ऊंतैं अपणा घौर लि गै अर ऊंकी दावत कैरी, अर परमेस्वर पर बिस्वास कैरिके जेलर न अर वेका घौर का सब लोगु न बड़ी खुशी मणै।

रोमियों 14:17

किलैकि पिता परमेस्वर का राज को मतलब खाण-पीण नि च, बल्किन मा वेकी नजर मा धरमी जीवन जीण से च। अर वेकी पवित्र आत्मा का द्‍वारा भलै करण, शान्ति से रौण, अर बड़ी खुशी से अपणु जीवन जीण से च।

रोमियों 15:13

अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।

1 कुरिन्थि 16:22

अगर कुई प्रभु से प्यार नि करदु, त वे पर असगार लगु। हे हमरा प्रभु अऽ।

2 कुरिन्थि 1:22

अर वेन इन दिखौणु खुणि कि हम वेका छां, अपणा पवित्र आत्मा का दान तैं बयना का रुप मा हमरा मनों मा देई, ताकि इन साबित हो कि वेको करार जरुर पूरु होलु।

2 कुरिन्थि 12:4

जब मि स्वर्ग मा उठये ग्यों त उख मिन इन्दरि बातों तैं सुणी जौं को बखान नि किये जै सकदु, अर पिता परमेस्वर न मितैं ऊं बातों तैं बतौण की इजाजत नि दिनी।

2 कुरिन्थि 4:18

इलै हमरि नजर दिखैण वळी चीजों पर नि लगि छिन, बल्किन मा हमरि नजर त ऊं चीजों पर लगीं छिन जु कि दिखैणी नि छिन, किलैकि जु चीज दिखेन्दी छिन वु कुछ देर खुणि ही छिन, मगर जु चीज दिखेन्दी नि छिन ऊ सदनि खुणि बणि रौनदिन।

2 कुरिन्थि 5:7

अर हम दुनियां की बातों का मुताबिक ना, बल्किन मा यीशु मसीह पर बिस्वास कैरिके अपणु जीवन जीण छां।

2 कुरिन्थि 9:15

अर हमरा प्रभु यीशु का खातिर पिता परमेस्वर को धन्यवाद हो, जैको बखान हम शब्दों मा नि कैरी सकद्‍यां।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

इफिसुस 3:19

अर मि इन चान्दु, कि तुम लोग मसीह का वे प्यार तैं जाणि सैका, जु कि मनखि की सोच-समझ से भैर च, अर पूरि हद तक तुम मा पिता परमेस्वर का गुण ऐ जा।

इफिसुस 6:24

अर जु लोग हमरा प्रभु यीशु मसीह से कभि नि खतम होण वळु प्यार करदिन, ऊं सभ्यों पर परमेस्वर की किरपा होणी रौ। आमीन।

फिलिप्पी 1:25

अर मितैं ईं बात पर पूरु यकीन च अर मि जणदु छौं, कि मि ज्यून्द रौलु अर तुमरा दगड़ा मा रै के तुमरि मदद करलु, ताकि तुम बिस्वास मा और भि जादा मजबूत ह्‍वे जा अर खुशी मणै सैका।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

फिलिप्पी 4:4

हे मेरा दगड़्यों, प्रभु मा हमेसा आनन्दित रा, अर मि फिर से बोन्‍नु छौं कि आनन्दित रा।

इब्रानी 11:1

हे मेरा भै-बैंणो, सुणा, अब मि तुमतै बतै देन्दु की बिस्वास क्या च, बिस्वास ऊं बातों पर पक्‍कु यकीन च जौं बातों की आस हम रखदा छां, मगर वु दिखेन्दी नि छिन।

इब्रानी 11:27

अर बिस्वास का द्‍वारा ही वेन राजा का गुस्सा तैं कुछ नि समझि, बल्किन मा मिस्र देस छोड़ि दिनी अर मजबूत बणयूं रै, किलैकि वेन नि दिखैण वळा परमेस्वर तैं देखि छौ।

1 पतरस 1:6

अर या ही तुम खुणि बड़ा आनन्द कि बात च, हालांकि, तुमतै अभि बन्‍नि-बन्‍नि अजमैसों की वजै से दुख-तकलीफ झिलण पोड़ीनी छिन, पर यू सब त कुछ ही बगत खुणि च।

1 पतरस 2:7

इलै तुम लोग जु कि यीशु मसीह पर बिस्वास करद्‍यां, तुम खुणि वु एक भौत कीमती ढुंगा का जन च, पर जु लोग बिस्वास नि करदिन ऊं खुणि वु एक साधारण ढुंगा का जन च, जैका बारा मा इन लिख्यूं च कि, “जै ढुंगा तैं मिस्‍त्रियों न फुंन ढोळि छौ, उई कुणों को खास ढुंगो बणि गै,”

1 पतरस 5:4

अर जब परधान चरवाह यीशु परगट होलु, त तुमतै वु मुकुट मिललु जैकी सान कभि खतम नि होलि।