1 पतरस 1:10 - Garhwali

¹⁰ अर बचयै जाण का बारा मा पुरणा जमना मा परमेस्वर का रैबर्यों न भौत लगन लगै के खोजबीन कैरी, अर वेतैं जनण की कोसिस भि कैरी। अर ऊंन वीं किरपा का बारा मा भविष्यबाणी कैरी, ज्वा कि तुम पर होण वळी छै।

गढवली नयो नियम

¹⁰ यु उद्धार कुछ इन छो जैका बारा मा पिता परमेश्वर का तरपां बट्टी बुल्ण वला और जादा जनण चांणा छा। ऊंल भविष्यवाणी कैरी की कन पिता परमेश्वर तुम तैं बचांणु कु तुम्हरा प्रति दयालुता ल काम करलो जैका तुम योग्य नि छा। ऊंल उत्तरों तैं खुजांणु कु ध्यान लगै के अध्ययन कैरी अर भौत कोशिश भि कैरी।

1 पतरस 1:10 ပူးပေါင်းရင်းမြစ်များ

मत्ती 13:17

मि तुम बटि सच्‍च बोन्‍नु छौं, किलैकि परमेस्वर का भौत सा रैबर्या अर धरमी लोग यों सब कामों तैं दिखण चान्दा छा जौं तुम आज दिखणा छाँ, मगर ऊंन नि देखि सैकी। अर जौं बातों तैं तुम सुनणा छाँ ऊं बातों तैं वु सुनण चान्दा छा, मगर ऊंन नि सुणी सैकी।

मत्ती 26:24

अर जन कि पवित्रशास्‍त्र मा मनखि का पुत्र का बारा मा लिख्यूं च, वेका मुताबिक वेकी मौत को होण जरुरी च। मगर हाय च वे मनखि पर जैका द्‍वारा मनखि को पुत्र पकड़वै जान्दु, वे मनखि खुणि त भलु यू ही छौ कि वेको जनम ही नि होन्दु।”

लूका 10:24

मि तुमतै बतै देन्दु, कि परमेस्वर का भौत सा रैबर्या अर राजाओं न चै कि ऊ यू सब देखा, जौं तैं तुम दिखणा छाँ मगर वु देख नि सकिनी। अर जौं बातों तैं तुम सुनणा छाँ, ऊं बातों तैं वु सुनण चान्दा छा, मगर ऊंन नि सुणी सैकी।”

लूका 24:44

तब यीशु न ऊंकू बोलि, “यू मेरी वु बात छिन जब मि तुमरा दगड़ा छौ, तब मिन तुमकु बोलि छौ कि यू जरुरी च कि जथगा भि बात मूसा का द्‍वारा लिख्यां नियम-कानूनों मा, अर रैबर्यों की किताबों मा लिखीं छिन, इख तक की जु बात भजनों की किताबों मा भि मेरा बारा मा लिख्यूं छिन, ऊ सभ्यों को पूरु होण जरुरी च।”

यूहन्ना 5:39

“तुम पवित्रशास्‍त्र को मनन करद्‍यां, किलैकि तुम लोग समझद्‍यां, कि ये मा तुमतै सदनि को जीवन मिलदु, पर यू ही शास्‍त्र मेरी गवै देन्दिन।

यूहन्ना 7:52

तब ऊंन नीकोदिमुस तैं जबाब देई कि, “क्या तू भि गलील का मुलक को रौण वळु छैई? पवित्रशास्‍त्र मा खुजै के देख ले, कि गलील का मुलक बटि कुई भि परमेस्वर को रैबर्या परगट नि ह्‍वे सकदु।”

खास चेलों 10:43

अर परमेस्वर का सब रैबर्या वेकी गवै देन्दिन, कि जु कुई वे पर बिस्वास करदु ऊंका पाप वेका नौ का द्‍वारा माफ किये जाला।”

खास चेलों 17:11

बिरीया नगर का यहूदी लोग थिस्सलुनीकी नगर का यहूदी लोगु से भौत जादा भला छा। अर यों लोगु न परमेस्वर का वचन तैं बड़ी इच्छा से स्वीकार कैरी, अर हर दिन पवित्रशास्‍त्र मा खुज्याणा रैनी कि जु कुछ भि पौलुस बतौणु च वु सब बात इन्‍नि लिखीं छैई भि छिन, कि ना।

खास चेलों 28:23

तब ऊंन पौलुस का दगड़ा मा बात-चित करणु खुणि एक दिन ठैरै। अर जब उ दिन ऐ, त भौत सा लोग वे घौर मा जमा ह्‍वेनि, जै घौर मा पौलुस रुक्युं छौ। तब पौलुस ऊंतैं यीशु का बारा मा, मूसा का दियां नियम-कानूनों का बारा मा, अर रैबर्यों की किताबों बटि समझौण लगि गै, अर वेन परमेस्वर का राज का बारा मा भि अपणी गवै दे, अर यू सब बिंगौन्द-बिंगौन्द सुबेर बटि रुमुक ह्‍वे गै।

खास चेलों 7:52

अर तुमरा पितरों न परमेस्वर का कै रैबर्यों तैं नि सतै? अर जौं रैबर्यों न वे धरमी मनखि का औण का बारा मा पैलि ही बतैयालि छौ ऊंतैं भि ऊं लोगु न जान से मारी दिनी। अर ऊंका मुताबिक तुमुन वे धरमी मनखि तैं बिस्वासघात कैरिके पकड़वै अर वेतैं जान से मरवै के तुम वेका हत्यारा ह्‍वे ग्यां।

इब्रानी 11:13

अर पिता परमेस्वर न जु करार ऊंका दगड़ा मा कैरी वु ऊंका जीवन मा पूरु नि ह्‍वे, मगर एक बगत औण पर वु मोरि गैनी। फिर भि ऊंन बड़ी खुशी से इन स्वीकार कैरी कि, एक दिन वु करार जरुर पूरु होलु। अर ऊंन इन माणी कि हम लोग ईं दुनियां मा मुसाफिर छां, अर हमरु ठिकणा इख कुछ दिनों तक ही च।

इब्रानी 11:40

किलैकि परमेस्वर न ऊं खुणि यीशु मसीह तैं भेजण की योजना पैलि बटि बणै के रखी छै, ताकि हम सब लोग ऊंका दगड़ा मा एक ह्‍वेके रा अर वेका लैख बणि जां।

1 पतरस 1:11

अर परमेस्वर का ऊं रैबर्यों मा मसीह को आत्मा छौ, जु कि यीशु मसीह का दुख-तकलीफो का बार मा पैलि बटि ऊंतैं बतौणु छौ। अर परमेस्वर का ऊं रैबर्यों न इन जनण की पूरि कोसिस कैरी, कि मसीह को आत्मा ऊंतैं क्या-क्या दिखौणु च, अर ऊंन सब बातों तैं जनण कि कोसिस कैरी, कि ऊ सब दुनियां मा कब अर कनकै होलि।

1 पतरस 1:13

इलै हे मेरा भै-बैंणो, चौकस रा, अर अपणी-अपणी अकल को इस्तेमाल कैरा, अर तयार रा। अर परमेस्वर की वीं किरपा पर यकीन रखा, ज्वा कि यीशु मसीह का परगट होण का बगत पर तुम पर होण वळी च।