1 यूहन्ना 5:3 - Garhwali

³ किलैकि परमेस्वर को प्यार यां मा ही च कि हम वेकी आज्ञाओं को पालन कैरा, अर वेकी आज्ञा को पालन करण कुछ जादा कठिन नि च।

गढवली नयो नियम

³ पिता परमेश्वर बट्टी प्रेम कनु कु चिन्ह यो च, कि हम वेकी आज्ञाओं को पालन कैरा; अर वेकी आज्ञा मनण कठिन नि छिनी।

1 यूहन्ना 5:3 ပူးပေါင်းရင်းမြစ်များ

मत्ती 23:4

अर वु नियम-कानूनों का गरा बोझ तैं बणै के लोगु का कन्धों पर लादि देन्दिन जैतैं उठौण बड़ु कठिन च, पर नियम-कानून को पालन कनकै करण चयेणु ईं बात खुणि वु दुसरा लोगु की मदद नि करदिन।

यूहन्ना 14:15

फिर यीशु न चेलों खुणि इन भि बोलि, “अगर जु तुम मि बटि प्यार करद्‍यां, त मेरी आज्ञाओं तैं भि मणिल्या।

यूहन्ना 15:10

अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्‍नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या।

यूहन्ना 15:14

“अर अगर जु तुम मेरी आज्ञाओं का मुताबिक चलिल्या, त तुम मेरा दगड़्या छाँ।

रोमियों 7:12

इलै नियम-कानून पवित्र छिन, अर आज्ञा भि पवित्र अर धरमी बणौणु खुणि भली छिन।

रोमियों 7:22

किलैकि मि पिता परमेस्वर का नियम-कानून की वजै से अपणा जमीर मा भौत खुश होन्दु।

इब्रानी 8:10

मगर प्रभु इन भि बुल्दु कि, ऊं दिनों का बाद मि इस्राएल का घौर बटि जु करार करलु, उ यू च कि मि अपणा नियम-कानूनों तैं ऊंका जमीर मा डललु, अर ऊंका दिलों मा ऊंतैं लिखी द्‍यूलु, अर मि ऊंको परमेस्वर होलु अर ऊ मेरा लोग होला।

1 यूहन्ना 2:3

अर अगर जु हम वेकी आज्ञाओं को पालन करद्‍यां, त यां से इन पता चलदु कि हमुन पिता परमेस्वर तैं जाण्यालि।

2 यूहन्ना 1:6

अर प्यार को मतलब इन च कि हम परमेस्वर की आज्ञाओं को पालन कैरा। अर या वा ही आज्ञा च जिं का बारा तुमुन पैलि बटि सुणी छौ अर तुमतै वेका मुताबिक ही चलण चयेणु।