1 यूहन्ना 5:11 - Garhwali

¹¹ अर वा गवै या च कि परमेस्वर न हमतै सदनि को जीवन दिनी, अर वु जीवन हमतै वेका पुत्र का द्‍वारा मिलदु।

गढवली नयो नियम

¹¹ अर व गव्है या च, कि पिता परमेश्वर ल हम तैं अनन्त जीवन दियुं च अर उ पिता परमेश्वर का नौंना यीशु मसीह का द्वारा च।

1 यूहन्ना 5:11 ပူးပေါင်းရင်းမြစ်များ

मत्ती 25:46

तब अधरमी लोगु तैं सदनि को दण्ड मिललु, मगर धरमी लोग सदनि का जीवन मा जाला।”

यूहन्ना 1:19

जब यहूदियों का मुख्यों न यरूशलेम नगर बटि पुरोहितों अर लेवियों तैं यूहन्‍ना का पास वे बटि यू पूछणु कू भेजि, “तुम कु छाँ?” तब वेकी गवै या च।

यूहन्ना 1:4

यू वचन जीवन देण वळु छौ अर यू जीवन ही मनखियों खुणि उज्याळु लेके ऐ।

यूहन्ना 10:28

अर मि ऊंतैं सदनि को जीवन देन्दु छौं। अर फिर ऊ कभि नास नि होलि अर कुई भि ऊंतैं मि मा बटि छिनी नि सकदु।

यूहन्ना 12:50

अर मि जणदु छौं, कि वेकी आज्ञा सभ्यों तैं सदनि का जीवन की तरफा लेके जान्दी। इलै जु कुछ भि मि बोन्‍नु छौं, जन मेरा पिता न मितैं सिखै, उन्‍नि मि बोन्‍नु छौं।”

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

यूहन्ना 19:35

अर इन इलै ह्‍वे, ताकि पवित्रशास्‍त्र मा लिख्यूं वचन पूरु ह्‍वे जौ। अर वु वचन इन च कि, “वेकी कुई भि हड्‍डी तुड़ै नि जालि।” अर पवित्रशास्‍त्र का एक हैंकी जगा मा इन भि लिख्यूं च कि, “जैतैं ऊंन भालळ मारी, वु लोग वेतैं दिखला।” अर जैन यू सब होन्दु देखि, वेन ही या गवै देई अर वेकी गवै सच्‍चि च। अर उ खुद ही जणदु च, कि उ सच्‍च ही बोन्‍नु च। अर वेन या गवै इलै देई, ताकि तुम भि बिस्वास कैरा।

यूहन्ना 3:36

अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

यूहन्ना 4:36

अर लवै करण वळो तैं ध्याड़ि मिलणी च। अर लोगु तैं सदनि को जीवन मिलु, वां खुणि ऊ फसल बटोळ्दीन, ताकि बुतण वळा अर लवै करण वळा दुई मिली के खुशी मणै सैका।

यूहन्ना 4:4

तब यीशु तैं सामरिया का मुलक बटि ही जाण पोड़ि।

यूहन्ना 5:21

जन कि पिता मुरदो तैं उठौन्दु अर ऊंतैं जीवन देन्दु च, ठिक उन्‍नि पुत्र भि जैतैं चान्दु ऊंतैं जीवन देन्दु।

यूहन्ना 5:26

किलैकि जन पिता खुद जीवन देण वळु च, ठिक उन्‍नि वेन पुत्र तैं भि यू अधिकार दियूं च, कि उ भि जीवन दे सैको।

यूहन्ना 6:40

किलैकि मेरा पिता की मनसा या च, कि जु पुत्र तैं दिखदु अर वे पर बिस्वास करदु, उ सदनि को जीवन पौ अर मि वेतैं आखिरी का दिन मा ज्यून्दु कैरी द्‍यूं।”

यूहन्ना 6:47

मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, सदनि को जीवन वेकू च।

यूहन्ना 6:68

फिर शमौन पतरस न वेतैं जबाब देई, “हे प्रभु, हमुन कै मा जाण? किलैकि सदनि को जीवन देण वळी बात त तुम मा ही छिन।

रोमियों 5:21

इलै जन पाप न मौत का द्‍वारा अपणु राज बणै के रखी, ठिक उन्‍नि पिता परमेस्वर की महान किरपा भि राज कनि च, ताकि हम वेका समणि सच्‍चा साबित ह्‍वे सैका। अर हमरा प्रभु यीशु मसीह का द्‍वारा हमतै सदनि को जीवन मिली सैको।

रोमियों 6:23

किलैकि पाप की ध्याड़ि मौत च, मगर जु लोग प्रभु यीशु मसीह पर बिस्वास करदिन, ऊं पर पिता परमेस्वर दया कैरिके सदनि को जीवन देन्दु।

1 तीमुथियुस 1:16

पर तभि भि परमेस्वर न मि पर अपणी दया कैरी। अर यीशु मसीह मा सौणे की कथगा ताकत च इन दिखौण खुणि वेन मि जन सबसे बड़ा पापि तैं चुणी, अर अपणा काम खुणि इस्तेमाल कैरी। ताकि जु लोग सदनि को जीवन जीणु खुणि यीशु पर बिस्वास करदिन, ऊं सब लोगु खुणि मि एक उदारण बणि जौं।

तीतुस 1:2

अर यू सब मि इलै कनु छौ, ताकि परमेस्वर का लोग ईं आस मा रा, कि ऊंतैं सदनि को जीवन मिली सैको। अर परमेस्वर कभि झूठ्‍ठ नि बुल्दु, दुनियां की शुरुवात से पैलि वेन ही हम खुणि सदनि को जीवन देणो को करार कर्युं च।

1 यूहन्ना 2:25

अर जु करार वेन हमरा दगड़ा मा कर्युं च, उ करार सदनि को जीवन च।

1 यूहन्ना 4:10

अर हमुन पिता परमेस्वर से प्यार नि कैरी, पर सच्‍चु प्यार त इन च कि वेन हम से प्यार कैरी। अर हमरा पापों बटि माफी देणु खुणि अपणा पुत्र तैं भेजि।

1 यूहन्ना 4:9

अर जु प्यार परमेस्वर हम बटि करदु, उ वेन हम पर कुछ इनकै दिखै कि वेन अपणा इकलौता पुत्र यीशु मसीह तैं हम खुणि ईं दुनियां मा भेजि, ताकि हम वेका द्‍वारा सदनि को जीवन पा।

1 यूहन्ना 5:10

अर जु मनखि परमेस्वर का पुत्र यीशु पर बिस्वास करदु, वेन अपणा दिल मा वीं गवै तैं स्वीकार कैरियाली। अर जु मनखि परमेस्वर पर बिस्वास नि करदु वेन वेतैं झूठ्‍ठु ठैरैयालि, किलैकि वेन परमेस्वर की वीं गवै पर बिस्वास नि कैरी ज्वा वेन अपणा पुत्र का बारा मा दे छै।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।

1 यूहन्ना 5:7

किलैकि पवित्र आत्मा सच्‍चै को आत्मा च।

3 यूहन्ना 1:12

अर सब लोग दिमेत्रियुस भै की तारीफ करदिन, अर उ परमेस्वर की सच्‍चै का मुताबिक ही अपणा जीवन तैं चलौन्दु। अर मि भि ईं बात को गवा छौ अर तू जणदी छै कि मेरी गवै सच्‍चि च।

यहूदा 1:21

खुद तैं पिता परमेस्वर का प्यार मा और भि जादा मजबूत बणै के रखा। अर सदनि का जीवन तैं पौणु खुणि हमरा प्रभु यीशु मसीह की दया को इंतजार कैरा।

दिब्य दरस 1:2

अर मिन पिता परमेस्वर का वचन अर यीशु मसीह का बारा मा जु कुछ भि देखि, ऊं सब बातों की गवै देन्दु।

दिब्य दरस 22:1

अर वेका बाद वे स्वर्गदूत न मितैं जीवन देण वळी गाड दिखै, ज्वा की साफ काँच की तरौं छै, अर या गाड परमेस्वर अर यीशु की राजगद्‍दी बटि निकळि के बुगणी छै।