1 यूहन्ना 4:5 - Garhwali

⁵ इन्द्रया झूठ्‍ठा लोग दुनियां की बातों का बारा मा ही बतौन्दिन, अर दुनियां का लोग ऊंकी सब बातों तैं मणदिन, किलैकि वु लोग ईं दुनियां का छिन।

गढवली नयो नियम

⁵ उ झूठा संदेश दींणवला दुनिया का छिनी, उ दुनिया की बातों तैं बुल्दींनि, अर दुनिया का लोग वेकी सुणदींनि।

1 यूहन्ना 4:5 ပူးပေါင်းရင်းမြစ်များ

लूका 16:8

तब सेठ मनखि न वे अधरमी कर्ता-धर्ता की पुलबै कैरी, किलैकि वेन बड़ी चकड़ैति से काम कर्युं छौ।” अर यीशु न बोलि, “ईं दुनियां का लोग अफ दगड़ा का लोगु से लेण-देण का मामला मा आत्मिक लोगु से जादा चकडै़त होनदिन।

यूहन्ना 17:14

अर मिन तुमरो वचन ऊंतैं सुण्यालि, इलै दुनियां का लोगु न ऊं बटि बैर कैरी, किलैकि जन मि दुनियां को नि छौं, ठिक उन्‍नि ऊ भि दुनियां का नि छिन।

यूहन्ना 17:16

अर जन मि ईं दुनियां को नि छौं, ठिक उन्‍नि ऊ भि ईं दुनियां का नि छिन।

यूहन्ना 3:31

“अर जु स्वर्ग बटि औन्दु उ सभ्यों मदि महान च। अर जु दुनियां बटि औन्दु उ दुनियां को ही च, अर दुनियां की ही बात तैं बुल्दु, पर जु स्वर्ग बटि औन्दु उ सभ्यों मदि महान च।

यूहन्ना 8:23

तब यीशु न ऊंकू बोलि, “तुम मूड़ी का रौण वळा छाँ, पर मि मथि को छौं। अर तुम ईं दुनियां का छाँ, पर मि ईं दुनियां को नि छौं।

2 तीमुथियुस 4:3

किलैकि इन्द्रयो बगत आलु, कि लोग सच्‍चा उपदेस तैं सुनण पसन्द नि करला। अर अपणा मन की बुरी इच्छाओं का मुताबिक खुद खुणि इन्द्रया उपदेस देण वळो तैं इकट्‍ठा करला, जु कि इन्दरि बात ऊंतैं सिखाला जु ऊंतैं सुनण मा अच्छी लगदी हो।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।