1 यूहन्ना 4:19 - Garhwali

¹⁹ अर हम लोग इलै प्यार करद्‍यां, किलैकि पैलि परमेस्वर न हम से प्यार कैरी।

गढवली नयो नियम

¹⁹ पिता परमेश्वर ल हम बट्टी प्रेम कैरी इलै हम पिता परमेश्वर अर एक दूसरों बट्टी प्रेम करद्यां।

1 यूहन्ना 4:19 ပူးပေါင်းရင်းမြစ်များ

लूका 7:47

इलै मि त्वे बटि बोन्‍नु छौं, कि ईं जनानि न जु भौत सरा पाप कर्यां छा, उ सब पाप माफ ह्‍वे गैनी। किलैकि ईं न मि बटि भौत प्यार कैरी, पर जैको कम माफ किये गै, उ प्यार भि कम करदु।”

यूहन्ना 15:16

अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

1 यूहन्ना 4:10

अर हमुन पिता परमेस्वर से प्यार नि कैरी, पर सच्‍चु प्यार त इन च कि वेन हम से प्यार कैरी। अर हमरा पापों बटि माफी देणु खुणि अपणा पुत्र तैं भेजि।

1 यूहन्ना 4:20

अर अगर कुई इन बुल्दु कि, “मि परमेस्वर से प्यार करदु,” मगर दुसरा लोगु से उ नफरत करदु हो, त ईं बात तैं जाणि ल्या कि इन्द्रयो मनखि झूठ्‍ठों च। किलैकि जौं लोगु तैं वेन अपणा समणि देखि, ऊं से उ प्यार नि कैरी सकणु च। अर जै परमेस्वर तैं वेन कभि नि देखि, त वेसे उ कनकै प्यार कैरी सकलु।