1 यूहन्ना 4:17 - Garhwali

¹⁷ अर यां से ही प्यार हम मा सिद्ध ह्‍वे ताकि न्याय का दिन पर हमतै हिम्मत मिलु, किलैकि जन यीशु च ठिक उन्‍नि हम भि ईं दुनियां मा छाँ।

गढवली नयो नियम

¹⁷ यां बट्टी ही प्रेम हम मा पूरा हवे कि, न्याय का दिन हम तैं हिम्मत मिलो की उ हम तैं दंड नि द्यो, किलैकि मसीह का जन हम दूसरों बट्टी प्रेम करदां अर ईं दुनिया मा मसीह ही जन रौंदयां।

1 यूहन्ना 4:17 ပူးပေါင်းရင်းမြစ်များ

मत्ती 10:15

अर मि तुमतै सच्‍चि मा बतै देन्दु, कि जन हालत सदोम अर अमोरा की खराब ह्‍वे छै, वे नगर की हालत वेसे भि खतरनाक खराब होलि।”

मत्ती 10:25

अगर एक चेला अपणा गुरु का जन अर एक नौकर अपणा मालिक का जन ह्‍वे जौ, त वे खुणि इथगा भि काफी च। अर जब ऊं लोग न घौर का मालिक खुणि ही बालजबूल बोलियालि, त वेका घौर का लोगु खुणि क्या कुछ नि बुलला?”

मत्ती 11:22

पर मि तुमतै बतै देन्दु, कि न्याय का दिन सूर अर सैदा नगर का लोगु की दसा से भि जादा खतरनाक तुमरि होलि।

मत्ती 11:24

पर मि तुमतै बतै देन्दु, कि न्याय का दिन सदोम नगर का लोग की दसा से भि जादा खतरनाक तुमरि होलि।”

मत्ती 12:36

मि तुम बटि बोन्‍नु छौं कि न्याय का दिन पर हरेक मनखि तैं वेकी बुलिं बेकार बातों को हिसाब-किताब देण पोड़लु।

यूहन्ना 15:20

“इलै मिन जु तुम बटि बोलि, वेतैं याद रखा कि, ‘नौकर अपणा मालिक से बड़ु नि होन्दु।’ इलै जब ऊंन मितैं सतै त उ तुमतै भि सताला, ठिक उन्‍नि अगर ऊंन मेरी बात माणी त वु तुमरि बात भि मणला।

यूहन्ना 17:22

अर जन आदर-सम्मान तुमुन मितैं देई, उई मिन ऊंतैं दियाली ताकि जन हम दुई एक छां, ठिक उन्‍नि ऊ भि एक ह्‍वे जा।

रोमियों 8:29

किलैकि पिता परमेस्वर जौं लोगु तैं दुनियां की शुरुवात से भि पैलि बटि जणदु, ऊं खुणि वेन इन योजना बणै कि वु सब लोग वेका पुत्र यीशु मसीह का जन ह्‍वे जा, ताकि उ सब लोगु मा सबसे पैलु बणि जौ, अर वेका बाद सब वेका भै-बैंणा ह्‍वे जा।

इब्रानी 9:27

अर जन एक बार मुरण अर वेका बाद न्याय को परगट होण मनखियों खुणि जरुरी च।

याकूब 2:13

किलैकि जु दया नि करदु, वेको न्याय भि बिन दया को किये जालु। पर जु दया करदु, न्याय का दिन पर वेतैं जीत मिलली।

याकूब 2:22

अर तुमुन देखियाली, कि अब्राहम का बिस्वास न वेका कामों का दगड़ा मा मिली के इन कैरी, कि वेका ऊं कामों का द्‍वारा वेको बिस्वास पूरु ह्‍वे गै।

2 पतरस 2:9

अर यू बात ही हमतै इन दिखौन्दिन कि प्रभु परमेस्वर जणदु च कि जु लोग वेकी भक्‍ति करदिन, उ ऊंतैं कनकै भौत सा संकट से भैर निकळदु, अर बुरा लोगु तैं दण्ड देण खुणि कनकै न्याय का दिन तक रखदु।

2 पतरस 3:7

मगर परमेस्वर का वे ही वचन का द्‍वारा आज को यू आसमान अर या धरती आग का द्‍वारा भसम करणु खुणि रखै गै, अर न्याय का दिन तक याने कि भक्‍ति नि करण वळा लोगु का नास होण तक यू इन्‍नि रखै जाला।

1 यूहन्ना 2:28

हे मेरा प्यारा बच्‍चों, यीशु मसीह की संगत मा एक ह्‍वेके बणयां रा। अर अगर जु तुम इन करिल्या, त जब यीशु मसीह परगट होलु त तुमतै खुद पर सरम नि आली, बल्किन मा तुमतै बड़ी हिम्मत मिलली।

1 यूहन्ना 2:5

मगर कुई मनखि पिता परमेस्वर की आज्ञा को पालन करदु, त उ अपणा पूरा दिल से वेसे प्यार करदु। अर यां से इन पता चलदु कि हमरु पिता परमेस्वर का दगड़ा मा कथगा सच्‍चु रिश्ता च।

1 यूहन्ना 2:6

अर अगर कुई मनखि इन बुल्दु, कि मेरु पिता परमेस्वर का दगड़ा मा एक अच्छु रिश्ता च, त वेको इन फरज बणदु की वेको चाल-चलन भि ठिक उन्‍नि हो जन यीशु मसीह को छौ।

1 यूहन्ना 3:1

सुणा, पिता परमेस्वर न हम बटि भौत जादा प्यार कैरी, ईं वजै से ही आज हम खुणि वेकी औलाद बुले जान्दु अर हम छैई भि छां। अर ईं दुनियां का लोग पिता परमेस्वर तैं नि जणदिन, इलै वु हमतै भि नि पछ्याणदिन।

1 यूहन्ना 3:3

अर हरेक उ मनखि जैन यीशु मसीह पर या आस रखी च, उ खुद तैं उन्‍नि पवित्र बणै के रखदु जन मसीह पवित्र च।

1 यूहन्ना 3:7

हे मेरा प्यारा बच्‍चों, ध्यान रखा कखि कुई तुमतै भरमै नि द्‍यो। अर जैको चाल-चलन खरु च उई मनखि पिता परमेस्वर की नजर मा धरमी च, ठिक उन्‍नि जन यीशु मसीह वेकी नजर मा धरमी च।

1 यूहन्ना 4:12

अर कैन भि परमेस्वर तैं कभि नि देखि, पर अगर जु हम एक-दुसरा से प्यार करद्‍यां, त पिता परमेस्वर हम मा वास करदु, अर वेको प्यार हम मा सिद्ध ह्‍वे जान्दु।