1 यूहन्ना 4:15 - Garhwali

¹⁵ अर जु कुई इन स्वीकार कैरी देन्दु, कि यीशु मसीह परमेस्वर को पुत्र च, त परमेस्वर वेमा वास करदु अर उ परमेस्वर का दगड़ा मा वास करदु।

गढवली नयो नियम

¹⁵ जु कुई यु मणी लींद, कि यीशु पिता परमेश्वर को नौंनो च त पिता परमेश्वर वेमा रौंदो, अर उ पिता परमेश्वर मा रौंदो।

1 यूहन्ना 4:15 ပူးပေါင်းရင်းမြစ်များ

मत्ती 10:32

अर यीशु न अपणा खास चेलों कू इन भि बोलि, “जु मनखि लोगु का समणि मितैं स्वीकार करलु, मि भि वे मनखि तैं स्वर्ग मा रौण वळा पिता का समणि स्वीकार करलु।

लूका 12:8

अर यीशु न बोलि मि तुमतै बतै देन्दु कि, “जु मनखि लोगु का समणि मितैं स्वीकार करलु, वेतैं मनखि को पुत्र भि परमेस्वर का स्वर्गदूतों का समणि स्वीकार करलु।

यूहन्ना 6:56

इलै जु कुई मेरु बदन तैं खान्दु अर मेरु ल्वे तैं पीन्दु च, उ मि मा अर मि वेमा बसदु छौं।

खास चेलों 8:37

[अर फिलिप्पुस न वेतैं पूछी, “अगर तुम पूरा मनळ बिस्वास करद्‍यां, त तुम बपतिस्मा ले सकद्‍यां।” अर वेन जबाब दिनी, “हाँ, मि बिस्वास करदु छौं, कि यीशु मसीह ही परमेस्वर को पुत्र च।”]

रोमियों 10:9

अर अगर जु तुम अपणा गिच्‍चा से ईं बात तैं स्वीकार करद्‍यां कि, “यीशु ही प्रभु च,” अर अपणा मन से बिस्वास करद्‍यां कि पिता परमेस्वर न यीशु मसीह तैं मुरदो मा बटि ज्यून्द कैरी, त तुमतै बचयै जालु।

फिलिप्पी 2:11

अर पिता परमेस्वर की बडै करणु खुणि हरेक जीब स्वीकार कैरो, कि यीशु मसीह ही प्रभु च।

1 यूहन्ना 2:23

अर जु पुत्र तैं स्वीकार नि करदु, वेका पास पिता परमेस्वर भि नि च। पर जु मनखि पुत्र तैं स्वीकार करदु, वेका पास पिता परमेस्वर भि च।

1 यूहन्ना 2:24

अर जब बटि तुमुन बिस्वास कैरी, तब बटि तुमुन जु कुछ भि सुणी तुम वेमा बणयां रा। अर जु कुछ भि तुमुन सुणी अगर जु तुम वेमा बणयां रैल्या, त पुत्र अर वेका पिता मा बणयां रैल्या।

1 यूहन्ना 3:23

अर या ही त पिता परमेस्वर की आज्ञा च, कि हम वेका पुत्र प्रभु यीशु मसीह पर बिस्वास कैरा। अर ज्वा आज्ञा खुद वेन देई वेका मुताबिक हम एक-दुसरा बटि प्यार कैरा।

1 यूहन्ना 3:24

अर जु मनखि पिता परमेस्वर की आज्ञा को पालन करदु, उ पिता परमेस्वर का दगड़ा मा अर परमेस्वर वेका जीवन मा वास करदु। अर ईं बात को पता हमतै पवित्र आत्मा का द्‍वारा चलदु, जु कि पिता परमेस्वर न हमतै दियूं च।

1 यूहन्ना 4:12

अर कैन भि परमेस्वर तैं कभि नि देखि, पर अगर जु हम एक-दुसरा से प्यार करद्‍यां, त पिता परमेस्वर हम मा वास करदु, अर वेको प्यार हम मा सिद्ध ह्‍वे जान्दु।

1 यूहन्ना 4:2

अर तुमतै पिता परमेस्वर का पवित्र आत्मा का बारा मा इनकै पता चलण? कि ज्वा आत्मा इन स्वीकार कैरी देन्दु कि यीशु मसीह ईं दुनियां मा एक मनखि का रुप मा ऐ, त समझि जा कि वा आत्मा पिता परमेस्वर कि तरफा बटि च।

1 यूहन्ना 5:1

हे मेरा दगड़्यों, जु मनखि इन बिस्वास करदु कि यीशु ही मसीह च, वेको जनम परमेस्वर की तरफा बटि ह्‍वे, अर जु मनखि जीवन देण वळा तैं प्यार करदु, त उ वेका पुत्र से भि प्यार करदु।

1 यूहन्ना 5:5

अर कु च उ जु ईं दुनियां पर जीत हासिल कैरी सकदु? हरेक उई मनखि जु ईं बात पर बिस्वास करदु कि यीशु, परमेस्वर को पुत्र च।

2 यूहन्ना 1:7

किलैकि ईं दुनियां मा भौत सा धोखा देण वळा लोग निकळि के ऐ गैनी। अर वु ईं बात तैं स्वीकार नि करदिन, कि यीशु मसीह एक मनखि का रुप मा ईं दुनियां मा ऐ। अर यू उई च जु कि धोखा देण वळु, अर यीशु मसीह को दुसमन च।