1 यूहन्ना 3:7 - Garhwali

⁷ हे मेरा प्यारा बच्‍चों, ध्यान रखा कखि कुई तुमतै भरमै नि द्‍यो। अर जैको चाल-चलन खरु च उई मनखि पिता परमेस्वर की नजर मा धरमी च, ठिक उन्‍नि जन यीशु मसीह वेकी नजर मा धरमी च।

गढवली नयो नियम

⁷ प्रिय नौंनो कैका भरमांण मा नि अयां; जु धार्मिकता को काम करदो, उ ही यीशु का जन धर्मी च।

1 यूहन्ना 3:7 ပူးပေါင်းရင်းမြစ်များ

मत्ती 5:20

अर मि तुमतै बतै देन्दु, कि अगर जु तुम परमेस्वर की नजर मा धरमी जीवन जीण को काम, शास्‍त्री अर फरीसी दल का लोगु से जादा नि करिल्या, त तुम परमेस्वर का राज मा नि जै सकद्‍यां।’”

खास चेलों 10:35

अर हरेक वु मनखि जु की परमेस्वर पर अपणी पूरि सरदा रखदु अर भलै का काम करदु, अब वु चै कैं भि जाति को किलै नि हो परमेस्वर वे मनखि तैं स्वीकार करदु।

रोमियों 2:13

किलैकि नियम-कानून तैं सुनण वळा परमेस्वर की नजर मा धरमी नि गिणै जाला, बल्किन मा वु लोग धरमी गिणै जाला जु लोग नियम-कानून का मुताबिक चलण वळा छिन।

1 कुरिन्थि 6:9

हे मेरा भै-बैंणो, धोखा मा नि रा। क्या तुम नि जणद्‍यां इन्द्रया लोग परमेस्वर का राज का वारिस नि होला जन कि, अन्यो करण वळा, गळत सम्बन्ध रखण वळा, मूरत पूजा करण वळा, दुसरि जनानि पर गळत नजर रखण वळा, हवस रखण वळा, अर ना ही वु बैख जु कि कै दुसरा बैख का दगड़ा मा गळत सम्बन्ध रखदिन,

इफिसुस 5:6

अर कुई भि मनखि तुमतै बेकार की बातों मा नि फंसौ, किलैकि यों बातों का खातिर ही परमेस्वर को गुस्सा आज्ञा नि मनण वळा लोगु पर पोड़दु।

इफिसुस 5:9

किलैकि जै मनखि का जीवन मा परमेस्वर को उज्याळु च, उ हरेक तरौं की भलै करण मा, अर सच्‍चै से धरमी जीवन जीण की कोसिस करदु।

फिलिप्पी 1:11

अर यीशु मसीह का द्‍वारा परमेस्वर की नजर मा धरमी जीवन जीणु खुणि हर गुण से भरपूर ह्‍वे जा, ताकि तुमरा जीवनों का द्‍वारा परमेस्वर की बडै अर तारीफ हो।

इब्रानी 1:8

मगर अपणा पुत्र का बारा मा उ इन बुल्दु, “हे परमेस्वर तुमरि राजगद्‍दी सदनि तक बणि रौ, अर तुमरा राज मा न्याय सच्‍चै का सासन से किये जौ।

याकूब 1:22

अर तुम परमेस्वर का वचन तैं केवल सुनण वळा ही ना, बल्किन मा वेतैं सुणी के वेको पालन करण वळा भि बणा। किलैकि जु वचन तैं सुणी के वेको पालन नि करदु, उ खुद तैं धोखा देणु च।

याकूब 2:19

तुम इन बिस्वास करद्‍यां की एक ही परमेस्वर च, य त भौत ही अच्छी बात च। पर याद रखा कि खबेस भि ईं बात तैं मणदिन अर थरथरे जनदिन।

1 पतरस 2:24

अर यीशु न हमरा सब पापों तैं अपणा सरील मा ले अर क्रूस कि मौत तैं सै, ताकि हम अपणा पापों खुणि मोरि जां, अर परमेस्वर की नजर मा अच्छा कामों खुणि जीवन ज्या। अर वेका मार खाण से ही तुम खूब होयां।

1 यूहन्ना 2:1

हे मेरा बच्‍चों, मि तुम खुणि यू सब इलै लिखणु छौं, ताकि तुम पाप नि कैरा। अर अगर कुई पाप करदु त पिता परमेस्वर का पास हम खुणि एक बिन्ती करणु वळु च जु कि वेकी नजर मा धरमी च, याने कि हमरु यीशु मसीह।

1 यूहन्ना 2:26

अर यू सब बात मि तुम खुणि इलै लिखणु छौं, ताकि तुम जाणि जा कि भौत सा लोग छिन, जु तुमतै सच्‍चै का बाटा बटि भरमौण चनदिन।

1 यूहन्ना 2:29

किलैकि हम सभ्या का सभि जणदा छां, कि यीशु मसीह उई करदु जु पिता परमेस्वर की नजर मा सही च। अर हम यू भि जणद्‍यां, कि जथगा भि लोग वेकी नजर मा धरमी छिन ऊ सब पिता परमेस्वर की औलाद छिन।

1 यूहन्ना 3:18

हे मेरा प्यारा बच्‍चों, हम केवल अपणा गिच्‍चळ ही इन नि बोला कि हम तुम से प्यार करद्‍यां, बल्किन मा हमतै अपणा कामों का द्‍वारा ईं बात तैं सच्‍चै से कैरिके दिखाण भि चयेणी।

1 यूहन्ना 3:3

अर हरेक उ मनखि जैन यीशु मसीह पर या आस रखी च, उ खुद तैं उन्‍नि पवित्र बणै के रखदु जन मसीह पवित्र च।

1 यूहन्ना 4:17

अर यां से ही प्यार हम मा सिद्ध ह्‍वे ताकि न्याय का दिन पर हमतै हिम्मत मिलु, किलैकि जन यीशु च ठिक उन्‍नि हम भि ईं दुनियां मा छाँ।