1 यूहन्ना 3:19 - Garhwali

¹⁹ अर जब हम एक-दुसरा बटि प्यार करद्‍यां, त हमतै इन पता चलदु कि हम पिता परमेस्वर का छा, जु कि सच्‍चु च। इलै हम वेका समणि हिम्मतळ खड़ा होला।

गढवली नयो नियम

¹⁹ जब हम दूसरों बट्टी प्रेम करद्यां, कि हम सचै का छा; अर जब भि हमारो मन हम तैं भंगारी ठैरांद तब हम अपड़ा मन तैं चैन दींणै की कोशिश करद्यां।

1 यूहन्ना 3:19 ပူးပေါင်းရင်းမြစ်များ

यूहन्ना 13:35

अर अगर जु तुम आपस मा प्यार करिल्या, त यू देखि के सभि लोग जाणि जाला कि तुम मेरा चेला छाँ।”

यूहन्ना 18:37

तब पिलातुस न यीशु तैं पूछी, “त क्या फिर तू राजा छैई?” वेन जबाब देई, “तुम ठिक ही बोन्‍ना छाँ, कि मि राजा छौं, अर मि त इलै ही जनमियूं अर ईं दुनियां मा मि इलै अयूं, कि सच्‍चै का बारा मा लोगु तैं बतौ। अर हरेक जु सच्‍चै का छिन, ऊ मेरी आवाज तैं सुणदिन।”

रोमियों 4:21

किलैकि वेतैं पूरु यकीन छौ कि जु करार परमेस्वर न वेका दगड़ा मा कर्युं च, वे करार तैं उ पूरु करण की ताकत भि रखदु।

रोमियों 8:38

अर मितैं पूरु यकीन च, कि हमतै परमेस्वर का प्यार से कुई भि अलग नि कैर सकदु, नऽ त मौत, ना ही जीवन, नऽ त स्वर्गदूत, अर ना ही अधिकारी, अर नऽ त आज को दिन, ना ही औण वळु दिन, नऽ त ताकत, ना ही कुई ऊंचै,

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

इब्रानी 10:22

इलै आ, अब हम सच्‍चा मन अर पूरा बिस्वास का दगड़ा मा पिता परमेस्वर का नजदीक ऐ जा, किलैकि हमतै पवित्र करण का खातिर हमरा दोषी जमीर पर यीशु मसीह का ल्वे तैं छिड़के गै, ताकि हम पर लग्यूं इळजाम दूर हो अर हम मन से पवित्र अर अपणा सरील तैं बपतिस्मा का पाणिळ ध्वेके शुद्ध ह्‍वे जा।

इब्रानी 11:13

अर पिता परमेस्वर न जु करार ऊंका दगड़ा मा कैरी वु ऊंका जीवन मा पूरु नि ह्‍वे, मगर एक बगत औण पर वु मोरि गैनी। फिर भि ऊंन बड़ी खुशी से इन स्वीकार कैरी कि, एक दिन वु करार जरुर पूरु होलु। अर ऊंन इन माणी कि हम लोग ईं दुनियां मा मुसाफिर छां, अर हमरु ठिकणा इख कुछ दिनों तक ही च।

1 यूहन्ना 1:8

अर अगर हम इन बुल्द्‍यां कि, “हमरा भितर पाप नि च,” त हम खुद तैं धोखा दिणा छा अर हम मा सच्‍चै छैई नि च।

1 यूहन्ना 2:21

अर मेरा लिखण को मकसद यू नि च, कि तुम सच्‍चै तैं नि जणद्‍यां। अरे, तुम त सच्‍चै तैं जणदा छाँ अर कुई भि झूठ्‍ठी बात सच्‍च बटि पैदा नि होन्दी।

1 यूहन्ना 3:14

हम जणदा छां कि हमुन मौत तैं पार कैरिके जीवन पयेलि, अर या बात हम इलै जणद्‍यां किलैकि हम लोग एक-दुसरा से प्यार करद्‍यां। अर जु मनखि एक-दुसरा बटि प्यार नि करदु, त उ ईं बात तैं जाणि ल्यो कि उ मुरयूं च।

1 यूहन्ना 3:20

अर जब हमरु जमीर हमतै गळत साबित करदु, त वे बगत हमतै इन पता चलदु कि पिता परमेस्वर हमरा मन की सोच से भौत बड़ु च, अर उ सब कुछ जणदु च।

1 यूहन्ना 3:21

हे मेरा प्यारा दगड़्यों, अगर हमरु जमीर हमतै गळत साबित नि करदु, त फिर हमतै पिता परमेस्वर का समणि हिम्मत होलि।