1 यूहन्ना 3:18 - Garhwali

¹⁸ हे मेरा प्यारा बच्‍चों, हम केवल अपणा गिच्‍चळ ही इन नि बोला कि हम तुम से प्यार करद्‍यां, बल्किन मा हमतै अपणा कामों का द्‍वारा ईं बात तैं सच्‍चै से कैरिके दिखाण भि चयेणी।

गढवली नयो नियम

¹⁸ हे मेरा प्रिय नौंनो, हम सचै का द्वारा दूसरों की मदद कैरी के दूसरों तैं अपड़ो प्रेम दिखै सकदां पर न की जीभ ल बोलि के।

1 यूहन्ना 3:18 ပူးပေါင်းရင်းမြစ်များ

लूका 7:5

अर उ हम यहूदी लोगु बटि प्यार करदु, अर वेन हम खुणि प्रार्थना भवन बणवै।”

यूहन्ना 17:19

अर ऊंका खातिर मि अफ तैं दे देन्दु, ताकि ऊ भि सच्‍चै का द्‍वारा अफ तैं तुम खुणि दे द्‍या।”

रोमियों 12:9

हे मेरा दगड़्यों, तुम लोगु का प्यार मा कुई कपट नि हो, अर बुरै से तुम नफरत कैरा, अर भलै का काम करण मा लग्यां रा।

गलातियों 5:13

हे मेरा भै-बैंणो, तुमतै आजादी को जीवन जीणु खुणि बुलये गै। अर ईं आजादी को इस्तेमाल तुम अपणा सरील की इच्छा तैं पूरि करणु खुणि नि लगा, बल्किन मा ईं आजादी को इस्तेमाल प्यार से एक-दुसरे की सेवा करण मा लगा।

इफिसुस 4:15

मगर मि तुमतै बतै देन्दु, कि प्यार की ताकत से हम सभ्या का सभि हरेक सच्‍चि बात मा यीशु मसीह की तरफा बढदी जा, जु कि बिस्वासी समुदाय को मुखिया च।

1 थिस्सलुनीकी 1:3

किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

1 यूहन्ना 2:1

हे मेरा बच्‍चों, मि तुम खुणि यू सब इलै लिखणु छौं, ताकि तुम पाप नि कैरा। अर अगर कुई पाप करदु त पिता परमेस्वर का पास हम खुणि एक बिन्ती करणु वळु च जु कि वेकी नजर मा धरमी च, याने कि हमरु यीशु मसीह।

1 यूहन्ना 3:7

हे मेरा प्यारा बच्‍चों, ध्यान रखा कखि कुई तुमतै भरमै नि द्‍यो। अर जैको चाल-चलन खरु च उई मनखि पिता परमेस्वर की नजर मा धरमी च, ठिक उन्‍नि जन यीशु मसीह वेकी नजर मा धरमी च।

2 यूहन्ना 1:1

हे मेरी प्यारी बैंण, मि यूहन्‍ना जु की एक अध्यक्ष छौं, मि या चिठ्‍ठी त्वे खुणि अर तेरा बच्‍चों खुणि लिखणु छौ, तुम जु कि पिता परमेस्वर का द्‍वारा चुण्यां छा मि तुम से भौत प्यार करदु। अर केवल मि ही ना, बल्किन मा वु सब त्वेसे प्यार करदिन जु कि सच्‍चै तैं जणदिन।

3 यूहन्ना 1:1

हे मेरा प्यारा भै गयुस, मि यूहन्‍ना जु कि एक अध्यक्ष छौं, मि या चिठ्‍ठी त्वे खुणि लिखणु छौं, त्वेसे मि सच्‍चु प्यार करदु।