1 यूहन्ना 3:14 - Garhwali

¹⁴ हम जणदा छां कि हमुन मौत तैं पार कैरिके जीवन पयेलि, अर या बात हम इलै जणद्‍यां किलैकि हम लोग एक-दुसरा से प्यार करद्‍यां। अर जु मनखि एक-दुसरा बटि प्यार नि करदु, त उ ईं बात तैं जाणि ल्यो कि उ मुरयूं च।

गढवली नयो नियम

¹⁴ हम जणदां छा, कि हम विश्वासी मौत अर शैतान की शक्ति का अधीन नि छा, पर अब हम मा पिता परमेश्वर की तरपां बट्टी अनन्त जीवन च; किलैकि हम भयों बट्टी प्रेम करदां; जु प्रेम नि करदो, उ मौत अर शैतान का अधीन मा च।

1 यूहन्ना 3:14 ပူးပေါင်းရင်းမြစ်များ

मत्ती 25:40

तब राजा ऊंतैं जबाब द्‍यालु, ‘मि तुम बटि सच्‍च बोन्‍नु छौं, कि जु भलै तुमुन मि पर बिस्वास करण वळा लोगु का दगड़ा मा करिनी जौं तैं लोग कुछ नि समझदिन, वु सब भलै तुमुन मेरा दगड़ा मा ही करिनी।’

लूका 15:24

किलैकि मेरु यू नौनु मोरि गै छौ पर अब यू ज्यून्दु ह्‍वे गै।’ अर यू हरचि गै छौ पर अब मिली गै। तब ऊ सब मिली के खुशी मनौण लगि गैनी।

लूका 15:32

पर चल, अब हमतै आनन्द अर खुशी मनौण चयेणी, किलैकि तेरु भुला जु मोरि गै छौ पर अब उ ज्यून्दु ह्‍वे गै, जु हरचि गै छौ अब उ वापिस मिली गै।’”

लूका 7:5

अर उ हम यहूदी लोगु बटि प्यार करदु, अर वेन हम खुणि प्रार्थना भवन बणवै।”

यूहन्ना 13:35

अर अगर जु तुम आपस मा प्यार करिल्या, त यू देखि के सभि लोग जाणि जाला कि तुम मेरा चेला छाँ।”

यूहन्ना 15:12

अर मेरी आज्ञा या च, कि जन मिन तुम बटि प्यार कैरी, ठिक उन्‍नि तुम भि एक-दुसरा बटि प्यार कैरा।

यूहन्ना 15:17

अर यू सब आज्ञा मि तुमतै इलै देणु छौं, कि तुम एक-दुसरा से प्यार कैरा।”

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

2 कुरिन्थि 5:1

हम जणदा छां कि ईं दुनियां मा हमरु सरील एक तम्बू की तरौं च, जैको कुई ठौ-ठिकाणु नि च अर एक दिन येको नास ह्‍वे जाण। मगर स्वर्ग मा हमरा पास पिता परमेस्वर की तरफा बटि मिलण वळु एक इन्द्रयो सरील होलु जैन सदनि तक रौण। अर यू सरील एक इन्द्रया तम्बू की तरौं च, जु कि मनखि का द्‍वारा ना पर पिता परमेस्वर का द्‍वारा बणयूं च।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

इफिसुस 1:15

इलै हे मेरा भै-बैंणो, जब बटि मिन तुमरा वे बिस्वास का बारा मा सुणी जु कि तुम प्रभु यीशु मसीह पर करद्‍यां, अर ठिक उन्‍नि वे प्यार का बारा मा भि सुणी जु कि तुम बिस्वासी लोगु का दगड़ा मा करद्‍यां,

इफिसुस 2:1

अर जब तुम भि अपणा-अपणा अपराधों अर पापों की वजै से मुरयां लोगु का जन छा, त पिता परमेस्वर न तुमतै ज्यून्दु कैरी अर इथगा ही ना,

कुलुसी 1:4

किलैकि हमुन तुमरा वे बिस्वास का बारा मा सुणी जु कि तुम प्रभु यीशु मसीह पर करद्‍यां, अर वे प्यार का बारा मा भि सुणी जु कि तुम बिस्वासी लोगु से करद्‍यां।

1 थिस्सलुनीकी 4:9

अर बिस्वासी भै-बैंणो बटि प्यार करण का बारा मा तुमकु कुछ लिखण मि जरुरी नि समझदु, किलैकि परमेस्वर न तुमतै खुद यू सिखैयेलि, कि आपस मा एक-दुसरा बटि प्यार कैरा।

इब्रानी 13:1

हे मेरा भै-बैंणो एक-दुसरा का दगड़ा मा प्यार से रा।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

1 पतरस 3:8

कुछ और भि बात छिन जु कि मि तुम सभ्यों तैं बतौण चाणु छौं, तुम सभ्या का सभि एक मन ह्‍वेके रा, अर नेक दिल बणा, एक-दुसरा का दगड़ा मा प्यार से रा, अर एक-दुसरा पर दया कैरा, अर दीन सभौ को बणा।

2 पतरस 1:7

अर वेकी भक्‍ति करण मा भै-भयात च, अर तुम वीं भै-भयात मा अर वेका प्यार मा और भि जादा बढदी जा।

1 यूहन्ना 2:3

अर अगर जु हम वेकी आज्ञाओं को पालन करद्‍यां, त यां से इन पता चलदु कि हमुन पिता परमेस्वर तैं जाण्यालि।

1 यूहन्ना 3:23

अर या ही त पिता परमेस्वर की आज्ञा च, कि हम वेका पुत्र प्रभु यीशु मसीह पर बिस्वास कैरा। अर ज्वा आज्ञा खुद वेन देई वेका मुताबिक हम एक-दुसरा बटि प्यार कैरा।

1 यूहन्ना 4:12

अर कैन भि परमेस्वर तैं कभि नि देखि, पर अगर जु हम एक-दुसरा से प्यार करद्‍यां, त पिता परमेस्वर हम मा वास करदु, अर वेको प्यार हम मा सिद्ध ह्‍वे जान्दु।

1 यूहन्ना 5:13

हे मेरा प्यारा भै-बैंणो, तुम लोग जु परमेस्वर का पुत्र पर बिस्वास करद्‍यां, मि तुम खुणि या बात इलै लिखणु छौं, ताकि तुम जाणि जा कि तुमरा पास सदनि को जीवन च।

1 यूहन्ना 5:2

अर जब हम परमेस्वर बटि प्यार करद्‍यां, अर वेकी आज्ञाओं को पालन करद्‍यां, तब यां से इन पता चलदु कि हम वेकी औलादों से भि प्यार करद्‍यां।