1 यूहन्ना 3:12 - Garhwali

¹² हमतै कैन का जन नि बणण चयेणु, जैन अपणा सगा भै तैं जान से मार दिनी। अरे, वु त शैतान की औलाद छौ, अर वेन अपणा सगा भै तैं जान से इलै मारी, किलैकि वेका भै न पिता परमेस्वर की नजर मा भलै का काम कैरी छा मगर कैन न बुरै का काम कैरी छा।

गढवली नयो नियम

¹² अर आदम की संतान कैन की तरौं नि बणा, जु वे दुष्ट शैतान बट्टी छो, अर जैल अपड़ा भैय की हत्या कैरी। अर वेल कै कारण से अपड़ा भैय की हत्या कैरी? किलैकि वेका काम बुरा छा, अर वेका भैय का काम धार्मिक छा।

1 यूहन्ना 3:12 ပူးပေါင်းရင်းမြစ်များ

मत्ती 13:19

बाटा का किनरा पोड़यां बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का राज का बारा मा वचन तैं सुणदा त छिन, मगर वेको मतलब नि समझि सकदिन, अर शैतान ऐके ऊंका मनों बटि वचन तैं छिनी के लि जान्दु, जु कि वेका मन मा बुतै गै छौ।

मत्ती 13:38

पुंगड़ा को मतलब या दुनियां च, अर अच्छा बीज को मतलब ऊं लोगु से च जौं का जीवन मा परमेस्वर राज करदु। अर जंगळि बीजों को मतलब ऊं लोगु से च जौं का जीवन मा शैतान राज करदु।

मत्ती 23:35

अर शुरुवात बटि अभि तक जथगा भि धरमी लोगु को ल्वे ईं धरती पर बुगये गै, ऊं सभ्यों की हत्या को दोषी तुम लोगु तैं ठैरैये जालु, याने कि धरमी हाबिल की हत्या से लेके बिरिक्याह का नौना जकरयाह रैबर्या की हत्या तक, जैको ल्वे तुमरा पितरों न मन्दिर की वेदी का समणि कैरी छौ।

मत्ती 27:23

वेन ऊंकू बोलि, “किलै, वेन क्या अपराध कैरी?” पर लोग और भि चिल्‍लै-चिल्‍लै के बोन्‍न लगि गैनी, “वेतैं क्रूस पर चड़ै द्‍या, वेतैं क्रूस पर चड़ै द्‍या।”

मत्ती 5:37

पर जख मा तुमतै ‘हाँ’ बोन्‍न होलु उख मा ‘हाँ’ बोला, अर जख मा ‘ना’ बोन्‍न होलु त उख मा ‘ना’ बोला, किलैकि अगर जु तुम येसे जादा बुल्द्‍यां, त ईं बात तैं जाणि ल्या कि वा बात दुष्‍ट शैतान की तरफा बटि औणी च।”

लूका 11:51

हाबिल की हत्या से लेके जकरयाह रैबर्या की हत्या तक जैको ल्वे परमेस्वर का मन्दिर अर वेदी का समणि ह्‍वे छौ। अर मि तुमतै बतै देन्दु कि, ऊं सभ्यों की हत्या को हिसाब ईं पीढ़ी का लोगु बटि लिये जालु।

यूहन्ना 10:32

पर यीशु न ऊंकू बोलि, “मिन त अपणा पिता की तरफा बटि भौत सरा भला काम कैरिके दिखैनि। अर ऊं मदि कौं कामों का बानो तुम मि पर ढुंगे मरण चन्द्‍यां?”

यूहन्ना 8:40

पर जै मनखि न परमेस्वर की तरफा बटि सुणी के तुमतै सच्‍चै बतै, वेतैं याने कि मितैं, तुम मरण चाणा छाँ। पर अब्राहम न त इन कभि नि कैरी।

यूहन्ना 8:41

पर तुम त अपणा बुबा का जन काम करदा छाँ।” तब ऊं लोगु न वेकू बोलि, “हम गळत सम्बन्ध रखी के नि जनम्यां, पर हमरु त एक ही बुबा च, अर उ परमेस्वर च।”

खास चेलों 7:52

अर तुमरा पितरों न परमेस्वर का कै रैबर्यों तैं नि सतै? अर जौं रैबर्यों न वे धरमी मनखि का औण का बारा मा पैलि ही बतैयालि छौ ऊंतैं भि ऊं लोगु न जान से मारी दिनी। अर ऊंका मुताबिक तुमुन वे धरमी मनखि तैं बिस्वासघात कैरिके पकड़वै अर वेतैं जान से मरवै के तुम वेका हत्यारा ह्‍वे ग्यां।

1 थिस्सलुनीकी 2:14

हे मेरा भै-बैंणो, यहूदिया मुलक मा यीशु मसीह पर बिस्वास करण वळा समुदाय का बीच मा जु कुछ भि ह्‍वे, उन्‍नि तुमरा दगड़ा मा भि ह्‍वे। हाँ, जन ऊं लोगु न यहूदी लोगु का द्‍वारा दुख झेली, ठिक उन्‍नि तुमतै भि अपणा लोगु बटि दुख मिली।

इब्रानी 11:4

अर बिस्वास का द्‍वारा ही पितर हाबिल न परमेस्वर तैं इन्द्रयो बलिदान चड़ै जु कि वेका भै कैन का बलिदान से उत्तम छौ। अर परमेस्वर न वेका बलिदान तैं अर वेतैं एक धरमी मनखि का रुप मा स्वीकार कैरी, हालांकि पितर हाबिल मोरि गै मगर फिर भि वेको बिस्वास आज हम लोगु खुणि एक सबक च।

इब्रानी 12:24

अर अब तुम यीशु का पास अयां छाँ, जु कि परमेस्वर अर लोगु का बीच नयू करार को बिचलु च, अर वेका बलिदान मा बुगयां ल्वे से मनखियों तैं पापों से माफी मिलदी, जब कि हाबिल की हत्या मा बुगयूं ल्वे दण्ड की मांग करदु।

1 पतरस 4:4

अर अब ऊं लोगु तैं बड़ु ताजुब होन्दु, किलैकि अब तुम इन्द्रया बुरा कामों मा अपणा दगड़्यों को साथ नि देन्द्‍यां, त इलै तुमरा दगड़्या तुमरो अपमान करदिन।

1 यूहन्ना 3:8

पर जु मनखि पाप कनु रौन्दु, उ शैतान की औलाद च, किलैकि शैतान शुरु बटि ही पाप करदी औणु च। अर परमेस्वर को पुत्र इलै परगट ह्‍वे, ताकि उ शैतान का कामों तैं नास कैरी द्‍यो।

यहूदा 1:11

अर हाय च यों लोगु खुणि, किलैकि यू कैन का बाटा पर चलण लगि गैनी, जैन अपणा ही भै तैं मारी दिनी। अर रुपयों का लालच मा बिलाम की तरौं धोखा देन्दिन, अर कोरह का जन बगाबत कैरिके नास ह्‍वे गैनी।

दिब्य दरस 17:6

अर मिन देखि कि वा जनानि बिस्वासी लोगु को अर यीशु की गवै देण वळो को ल्वे पी के नसा मा धुत होईं च। अर यू देखि के मि भौत हैरान ह्‍वे ग्यों।