1 यूहन्ना 3:11 - Garhwali

¹¹ अर जु वचन तुमुन बिस्वास करण का बगत बटि सुणी, उ त यू च कि हमतै एक-दुसरा बटि प्यार करण चयेणु।

गढवली नयो नियम

¹¹ जु समाचार तुम ल पैली बट्टी सूंणि, उ यु च, कि हम एक दुसरा बट्टी प्रेम रखा।

1 यूहन्ना 3:11 ပူးပေါင်းရင်းမြစ်များ

यूहन्ना 13:4

तब उ खाणुक खाण दौं उठी। अर वेन अपणा भैरा कपड़ों तैं उतारि के अलग मा रखी दिनी, अर अंगोछु लेके अपणी कमर तैं बान्धि दिनी।

यूहन्ना 15:12

अर मेरी आज्ञा या च, कि जन मिन तुम बटि प्यार कैरी, ठिक उन्‍नि तुम भि एक-दुसरा बटि प्यार कैरा।

गलातियों 6:2

अर दुख-तकलीफ मा एक-दुसरा की मदद कैरा, अर इन कैरिके यीशु मसीह का नियम-कानून तैं पूरु कैरा।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

1 थिस्सलुनीकी 4:9

अर बिस्वासी भै-बैंणो बटि प्यार करण का बारा मा तुमकु कुछ लिखण मि जरुरी नि समझदु, किलैकि परमेस्वर न तुमतै खुद यू सिखैयेलि, कि आपस मा एक-दुसरा बटि प्यार कैरा।

1 तीमुथियुस 1:5

अर आदेस देके समझाणो को कारण यू च, कि हरेक बिस्वासी मनखि आपस मा प्यार से रौ। अर यू प्यार सच्‍चा मन, शुद्ध दिल अर सच्‍चा बिस्वास से होण चयेणु।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

1 पतरस 3:8

कुछ और भि बात छिन जु कि मि तुम सभ्यों तैं बतौण चाणु छौं, तुम सभ्या का सभि एक मन ह्‍वेके रा, अर नेक दिल बणा, एक-दुसरा का दगड़ा मा प्यार से रा, अर एक-दुसरा पर दया कैरा, अर दीन सभौ को बणा।

1 पतरस 4:8

अर सबसे खास बात या च कि एक-दुसरा का दगड़ा मा प्यार से रा, किलैकि प्यार भौत सा पापों तैं ढकै देन्दु।

1 यूहन्ना 1:5

अर जु वचन हमुन यीशु मसीह बटि सुणी, उई वचन हम तुमतै सुनौणा छां। अर वु वचन इन च कि, परमेस्वर उज्याळु च अर वेमा कुई अन्धेरु नि च।

1 यूहन्ना 4:11

हे मेरा प्यारा भै-बैंणो, जब पिता परमेस्वर हम लोगु से इथगा जादा प्यार कैरी सकदु च, त हम लोगु तैं भि एक-दुसरा से प्यार करण चयेणु।

1 यूहन्ना 4:21

इलै हमतै यीशु मसीह का द्‍वारा इन आज्ञा मिली च कि जु मनखि परमेस्वर से प्यार करदु, वेतैं सब लोगु बटि प्यार करण चयेणु।

1 यूहन्ना 4:7

हे मेरा प्यारा भै-बैंणो हम सभ्यों तैं एक-दुसरा बटि प्यार करण चयेणु, किलैकि प्यार परमेस्वर की तरफा बटि च। अर हरेक उ मनखि जु एक-दुसरा बटि प्यार करदु, उ परमेस्वर की औलाद च, अर पिता परमेस्वर तैं जणदु च।

2 यूहन्ना 1:5

हे मेरी बैंण, अब मि त्वेतै कुई नई आज्ञा नि देणु, बल्किन मा मि त्वेतै वीं ही आज्ञा का बारा मा लिखणु छौं, ज्वा कि शुरुवात बटि हमतै मिली च, अर मि त्वेसे बिन्ती करदु कि हम एक-दुसरा का दगड़ा मा प्यार से रा।