1 यूहन्ना 2:7 - Garhwali

⁷ हे मेरा प्यारा दगड़्यों, मि तुमतै कुई नई आज्ञा नि देणु छौं, बल्किन मा वा ही आज्ञा देणु छौं ज्वा कि तुमतै पैलि बटि मिली छै, अर या आज्ञा पुरणि ही च, जिं का बारा मा तुमुन बिस्वास करण का बगत मा सुणी छौ।

गढवली नयो नियम

⁷ हे प्रिय विश्वासी भयों, मि तुम कु कुई नई आज्ञा नि लिखणु छौं, पर वीं पुरणी आज्ञा ज्वा तुम तैं शुरुवात बट्टी ही मिलीं छै; जु वचन तुम ल सूंणि, जब तुम ल प्रभु यीशु मसीह पर विश्वास कैरी।

1 यूहन्ना 2:7 ပူးပေါင်းရင်းမြစ်များ

मत्ती 5:43

अर यीशु न बोलि कि, “तुमुन इन भि सुणी की बुले गै छौ कि, ‘अपणा पड़ोसी बटि प्यार कैरा, अर दुसमनों बटि नफरत।’

यूहन्ना 13:34

इलै अब मि तुमतै एक नई आज्ञा देन्दु छौं, कि तुम एक-दुसरा बटि प्यार कैरा। अर जन मिन तुम बटि प्यार कैरी, उन्‍नि तुम भि एक-दुसरा बटि प्यार कैरा।

खास चेलों 17:19

तब यू लोग पौलुस तैं पकड़ी के अरियुप्गुस न्याय की जगा पर लि गैनी, अर ऊंन वेकू बोलि, “तू जिं नयी शिक्षा का बारा मा बतौणी छैई, वा हमतै बतौ, कि वा क्या च?

इब्रानी 6:9

अर मि तुम से प्यार करदु इलै मि कड़क ह्‍वेके तुमरा दगड़ा मा बात कनु छौं, अर मितैं पूरु यकीन च कि तुम इन्द्रया नि छां, किलैकि तुम लोग ऊं बातों को पालन करद्‍यां जौं की वजै से बचयै जान्दु।

1 यूहन्ना 2:24

अर जब बटि तुमुन बिस्वास कैरी, तब बटि तुमुन जु कुछ भि सुणी तुम वेमा बणयां रा। अर जु कुछ भि तुमुन सुणी अगर जु तुम वेमा बणयां रैल्या, त पुत्र अर वेका पिता मा बणयां रैल्या।

1 यूहन्ना 3:11

अर जु वचन तुमुन बिस्वास करण का बगत बटि सुणी, उ त यू च कि हमतै एक-दुसरा बटि प्यार करण चयेणु।

1 यूहन्ना 3:2

हे मेरा प्यारा लोगु, अब हम परमेस्वर की औलाद छां, अर औण वळा बगत मा क्या जि होला वेका बारा मा परगट नि किये गै। मगर हम त बस इथगा ही जणद्‍यां, कि जब यीशु मसीह परगट होलु त हम भि वेका जन बणि जौला, किलैकि हम वेतैं ठिक उन्‍नि दिखुला जन उ छैई च।

1 यूहन्ना 3:21

हे मेरा प्यारा दगड़्यों, अगर हमरु जमीर हमतै गळत साबित नि करदु, त फिर हमतै पिता परमेस्वर का समणि हिम्मत होलि।

1 यूहन्ना 3:23

अर या ही त पिता परमेस्वर की आज्ञा च, कि हम वेका पुत्र प्रभु यीशु मसीह पर बिस्वास कैरा। अर ज्वा आज्ञा खुद वेन देई वेका मुताबिक हम एक-दुसरा बटि प्यार कैरा।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

1 यूहन्ना 4:11

हे मेरा प्यारा भै-बैंणो, जब पिता परमेस्वर हम लोगु से इथगा जादा प्यार कैरी सकदु च, त हम लोगु तैं भि एक-दुसरा से प्यार करण चयेणु।

1 यूहन्ना 4:21

इलै हमतै यीशु मसीह का द्‍वारा इन आज्ञा मिली च कि जु मनखि परमेस्वर से प्यार करदु, वेतैं सब लोगु बटि प्यार करण चयेणु।

1 यूहन्ना 4:7

हे मेरा प्यारा भै-बैंणो हम सभ्यों तैं एक-दुसरा बटि प्यार करण चयेणु, किलैकि प्यार परमेस्वर की तरफा बटि च। अर हरेक उ मनखि जु एक-दुसरा बटि प्यार करदु, उ परमेस्वर की औलाद च, अर पिता परमेस्वर तैं जणदु च।