1 यूहन्ना 2:6 - Garhwali

⁶ अर अगर कुई मनखि इन बुल्दु, कि मेरु पिता परमेस्वर का दगड़ा मा एक अच्छु रिश्ता च, त वेको इन फरज बणदु की वेको चाल-चलन भि ठिक उन्‍नि हो जन यीशु मसीह को छौ।

गढवली नयो नियम

⁶ जु कुई यु बुल्दो, कि पिता परमेश्वर का दगड़ी हमारो सम्बन्ध च, उ खुद भि वे बट्टा पर चल्दो जै पर यीशु चल्दु छो।

1 यूहन्ना 2:6 ပူးပေါင်းရင်းမြစ်များ

मत्ती 11:29

मेरा जुवा तैं अपणा मथि ले ल्या अर मि बटि सीखा, किलैकि मेरु सभौ नमर अर मन से मि दीन छौं अर तुमरा मन तैं चैन मिललु।

यूहन्ना 13:15

किलैकि मिन तुमरा समणि एक उदारण कैरिके देखैलि, कि जन मिन तुमरा दगड़ा मा कैरी, उन्‍नि तुम भि कैरा।

यूहन्ना 15:10

अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्‍नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या।

1 कुरिन्थि 11:1

हे मेरा भै-बैंणो, मेरु चाल-चलन यीशु मसीह का जन च, इलै तुमरो चाल-चलन भि मि जन हो।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

1 पतरस 2:21

अर जन यीशु मसीह न हमरा खातिर दुख झेली, अर हम खुणि एक उदारण बणि गै, ठिक उन्‍नि हमतै भि भला काम करणु खुणि बुलये गै, अर पिता परमेस्वर का मुताबिक हमतै यीशु मसीह का बाटा पर चलण चयेणु, अब चै वेमा कथगा ही दुख किलै नि हो।

1 यूहन्ना 2:28

हे मेरा प्यारा बच्‍चों, यीशु मसीह की संगत मा एक ह्‍वेके बणयां रा। अर अगर जु तुम इन करिल्या, त जब यीशु मसीह परगट होलु त तुमतै खुद पर सरम नि आली, बल्किन मा तुमतै बड़ी हिम्मत मिलली।

1 यूहन्ना 2:4

अर जु मनखि बुल्दु कि, “मि परमेस्वर तैं जाणि ग्यों,” अर फिर भि वेकी आज्ञाओं को पालन नि करदु, त समझि जा कि उ मनखि झूठ्‍ठु च अर वेमा कुई सच्‍चै नि च।

1 यूहन्ना 3:24

अर जु मनखि पिता परमेस्वर की आज्ञा को पालन करदु, उ पिता परमेस्वर का दगड़ा मा अर परमेस्वर वेका जीवन मा वास करदु। अर ईं बात को पता हमतै पवित्र आत्मा का द्‍वारा चलदु, जु कि पिता परमेस्वर न हमतै दियूं च।

1 यूहन्ना 3:6

अर जु कुई मसीह का दगड़ा मा बणयूं रौन्दु उ मनखि लगातार पाप नि करदु, पर जु मनखि पाप करण मा लग्यूं रौन्दु, वेन नऽ त यीशु मसीह तैं देखि अर ना ही वेतैं जणदु।

1 यूहन्ना 4:17

अर यां से ही प्यार हम मा सिद्ध ह्‍वे ताकि न्याय का दिन पर हमतै हिम्मत मिलु, किलैकि जन यीशु च ठिक उन्‍नि हम भि ईं दुनियां मा छाँ।