1 यूहन्ना 2:18 - Garhwali

¹⁸ हे मेरा बच्‍चों, यू त आखिरी को बगत च अर जन कि तुमुन सुण्यालि कि यीशु मसीह को विरोध करण वळु औण वळु च, अर अगर ईं बात का मुताबिक दिखै जौ त भौत सा लोग इन ऐ गैनी, जु कि यीशु मसीह को विरोध करदिन। अर यां से हमतै इन पता चलदु कि यू आखिरी को बगत च।

गढवली नयो नियम

¹⁸ हे नौंनो, मसीह कु वापिस औंणु कु बगत नजदीक च, अर जन तुमारो सुणयूं च, कि मसीह को बैरी औंण वलो च, वेका हिसाब बट्टी अभि भि भौत सा मसीह का बैरी पैली बट्टी ही ऐ गैनी; ज्यां बट्टी हम जंणदा छा, यु आखरी बगत च।

1 यूहन्ना 2:18 ပူးပေါင်းရင်းမြစ်များ

मत्ती 24:11

अर भौत सा झूठ्‍ठा रैबर्या आला, अर भौतों तैं भरमै द्‍याला।

मत्ती 24:24

“किलैकि झूठ्‍ठा मसीह अर झूठ्‍ठा रैबर्या ऐ जाला, अर बड़ा-बड़ा चिन्‍न अर चमत्कार का काम कैरिके दिखाला, इख तक कि जु लोग चुण्यां छिन ऊंतैं भि भरमै द्‍याला।

मत्ती 24:5

किलैकि भौत सरा लोग मेरा नौ से आला अर बुलला कि, ‘मि मसीह छौं,’ अर भौतों तैं भरमै द्‍याला।

मरकुस 13:6

अर भौत सरा लोग मेरा नौ से आला अर बुलला कि, ‘मि उई छौं,’ अर भौत सा लोगु तैं भरमै द्‍याला।

यूहन्ना 21:5

तब यीशु न ऊंतैं पूछी, “हे दगड़्यों, क्या तुमतै कुछ माछा भि मिलिनी?” तब ऊंन वेतैं जबाब देई, “नऽ रे ना।”

रोमियों 13:11

अर इन इलै कैरा किलैकि हम एक इन्द्रया बगत मा जीणा छां जु कि भौत अनमोल च। हे मेरा दगड़्यों, अब सिण को बगत नि रै गै, उठा, किलैकि बगत नजदीक ऐ गै। अर जब हमुन बिस्वास कैरी छौ, तब से लेके अभि तक हमरु बचयै जाण को बगत भि और नजदीक ऐ गै।

रोमियों 13:12

अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

इब्रानी 1:2

मगर आखिरी का यों दिनों मा पिता परमेस्वर न अपणा पुत्र यीशु का द्‍वारा हम से बात कैरी। अर पिता परमेस्वर न वेतैं सब चीजों को वारिस बणै अर वेका द्‍वारा ही पूरि दुनियां तैं बणै।

1 पतरस 1:20

अर दुनियां का बणण से पैलि ही पिता परमेस्वर न यीशु मसीह तैं चुण्यालि छौ, ताकि उ दुनियां का लोगु तैं ऊंका पापों से माफी द्‍यो। अर पिता परमेस्वर न यीशु मसीह तैं ये जमना का आखिरी का दिनों मा ईं धरती पर परगट कैरी।

1 पतरस 1:5

अर तुमरा बिस्वास करण का खातिर ही परमेस्वर अपणी ताकत से तुमरि हिफाजत कनु च, ताकि न्याय को दिन जु कि परगट होण वळु च वेमा उ तुमतै बचै सैको।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।

2 पतरस 2:1

अर जन इस्राएली लोगु का बीच मा झूठ्‍ठा रैबर्या निकळि के ऐ गै छा, अर वु खुद तैं परमेस्वर को रैबर्या बतौन्दा छा, ठिक उन्‍नि तुम लोगु का बीच मा भि कुछ झूठ्‍ठा गुरु निकळि के आला। अर ऊ लोग झूठ्‍ठी शिक्षा को परचार बड़ी चालाकी से तुमरा बीच मा करला, इख तक कि ऊ हमरा यीशु मसीह तैं भि नकारी द्‍याला जैन ऊंतैं अपणु खून देके खरीदी, मगर इन कैरिके ऊ भौत जल्द नास ह्‍वे जाला।

2 पतरस 3:3

अर सबसे पैलि तुमतै ईं बात का बारा मा जनण चयेणु, कि आखिरी का दिनों मा मजाक उड़ौण वळा लोग आला, अर वु अपणी बुरी इच्छाओं का मुताबिक अपणु जीवन चलला।

1 यूहन्ना 2:22

अर झूठ्‍ठु कु च? उई मनखि झूठ्‍ठु च जु ईं बात तैं स्वीकार नि करदु कि यीशु ही मसीह च। अर यू त उई च जु कि यीशु मसीह को दुसमन च, अर पिता परमेस्वर अर वेका पुत्र यीशु तैं स्वीकार नि करदु।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

1 यूहन्ना 4:3

मगर जु आत्मा यीशु तैं नि मणदु, त ईं बात तैं जाणि ल्या कि इन्द्रयो आत्मा पिता परमेस्वर की तरफा बटि नि च। अर इन्द्रयो मनखि वे आत्मा का कब्जा मा च, जैका बारा मा तुमुन सुणी छौ कि उ औण वळु च, बल्किन मा उ त ईं दुनियां मा च। हे मेरा दगड़्यों, यू उई च जु कि यीशु मसीह को दुसमन च।

2 यूहन्ना 1:7

किलैकि ईं दुनियां मा भौत सा धोखा देण वळा लोग निकळि के ऐ गैनी। अर वु ईं बात तैं स्वीकार नि करदिन, कि यीशु मसीह एक मनखि का रुप मा ईं दुनियां मा ऐ। अर यू उई च जु कि धोखा देण वळु, अर यीशु मसीह को दुसमन च।

यहूदा 1:18

ऊंन तुमकु बोलि छौ कि, “आखिरी का बगत मा मजाक उड़ौण वळा आला, जु अपणी बुरी इच्छाओं का मुताबिक चलला।”