1 यूहन्ना 2:15 - Garhwali

¹⁵ अर तुम लोग ईं दुनियां का बुरा चाल-चलन से अर वेकी बुरै से प्यार नि कैरा, किलैकि अगर कुई मनखि दुनियां की बातों से प्यार करदु, त उ ईं बात तैं जाणि ल्यो कि वेमा पिता परमेस्वर को प्यार छैई नि च।

गढवली नयो नियम

¹⁵ तुम न त दुनिया बट्टी अर न दुनिया की चिज्युं बट्टी प्रेम रखा, जु कुई दुनिया बट्टी प्रेम रखदो, त वेमा पिता परमेश्वर को प्रेम नि च।

1 यूहन्ना 2:15 ပူးပေါင်းရင်းမြစ်များ

मत्ती 4:8

तब शैतान वेतैं एक ऊँचा पाड़ पर लि गै, अर झट वेतैं दुनियां का सब राज्य, अर दुनियां की सब धन-दौलत दिखै के बोलि,

मत्ती 6:24

तब यीशु न भीड़ का लोगु कू इन भि बोलि, “कुई भि मनखि दुई मालिकों की सेवा नि कैरी सकदु, किलैकि अगर वु करलु त एक बटि प्यार करलु अर दुसरा बटि नफरत, य त उ एक का दगड़ा मा वफादार रालु अर दुसरो को तिरिस्कार करलु। ठिक उन्‍नि तुम लोग भि परमेस्वर अर धन दुईयों की सेवा नि कैरी सकद्‍यां।

लूका 16:13

“अर कुई भि नौकर दुई मालिकों की सेवा नि कैरी सकदु, किलैकि अगर वु करलु त एक बटि नफरत करलु अर दुसरा बटि प्यार, य त फिर उ एक का दगड़ा मा वफादार रालु अर दुसरो को तिरिस्कार करलु। ठिक उन्‍नि तुम लोग भि परमेस्वर अर धन दुईयों की सेवा नि कैरी सकद्‍यां।”

यूहन्ना 15:19

अर अगर जु तुम दुनियां का लोगु का जन होन्दा, त दुनियां का लोग तुमतै अपणु जाणि के तुम से प्यार करदा, पर तुम त दुनियां का लोगु का जन नि छाँ। किलैकि मिन तुमतै दुनियां मा बटि चुण्यालि, इलै दुनियां का लोग तुम से नफरत करदिन।

रोमियों 12:2

अर सुणा, तुमतै ईं दुनियां का मुताबिक अपणु जीवन नि जीण चयेणु, पर पिता परमेस्वर का द्‍वारा तुम अपणा मन तैं नयू बणै के अपणा चाल-चलन तैं बदला। तब जैके तुम पिता परमेस्वर की मनसा तैं जाणि सकिल्या, कि कु जि बात वेतैं अच्छी लगदिन, अर कु जि बात छिन जु कि स्वीकार करण लैख छिन जौं मा कुछ भि गळत नि हो।

गलातियों 1:10

अर तुमतै क्या लगदु, कि क्या अब मि लोगु तैं मनौण की कोसिस कनु छौं? ना, मि त परमेस्वर तैं मनौण चान्दु। अर तुमतै क्या लगदु कि मि मनखियों तैं खुश कनु छौं? नऽ रे ना, अगर जु मि अभि तक मनखियों तैं खुश कनु रौन्दु, त मि परमेस्वर को सेवक नि होन्दु।

इफिसुस 2:2

बल्किन मा वे बगत त तुम ईं दुनियां का मुताबिक अपणा जीवन तैं बुरै का मुताबिक चलौन्दा छा, अर आसमान पर सासन करण वळा शैतान की बातों तैं मणदा छा। अर आसमान पर सासन करणु वळु वु बुरु आत्मा आज भि ऊं लोगु का जीवनों मा काम करदु, जु आज्ञा को पालन नि करदिन।

1 तीमुथियुस 6:10

किलैकि पैसौं को लालच सब बुरै की जड़ च, अर येतैं कमाण खुणि कुछ लोग बिस्वास का बाटा बटि भटकी गैनी, अर अफ पर बन्‍नि-बन्‍नि किसमो का दुखों तैं लेके ऐनी।

याकूब 1:27

पर जु मनखि अनाथों अर विधवाओं का दुख मा ऊंकी देख-रेख करदु, अर खुद तैं दुनियां की बुरै से बचै के रखदु उई परमेस्वर की नजर मा सच्‍चु धरमी च। अर इन्द्रया धरमी ही पिता परमेस्वर की नजर मा बेदाग अर सच्‍चा छिन।

याकूब 4:4

हे बिस्वासघात करण वळा लोगु, क्या तुम नि जणद्‍यां, कि दुनियां की बुरी बातों से प्यार करण को मतलब, परमेस्वर बटि नफरत करण च? इलै जु कुई ईं दुनियां की बुरी बातों से प्यार करदु, उ खुद अफ तैं परमेस्वर को दुसमन बणै देन्दु।

1 यूहन्ना 3:17

अगर कै मा गुजर-बसर करणु खुणि सब कुछ च। अर उ इन देखो कि कै दुसरो भै या बैंण मा कुछ कमी च, अर वेका बाद भि उ दया नि कैरो, त ईं बात तैं जाणि ल्या कि इन्द्रया मनखि मा परमेस्वर को प्यार नि च।

1 यूहन्ना 4:5

इन्द्रया झूठ्‍ठा लोग दुनियां की बातों का बारा मा ही बतौन्दिन, अर दुनियां का लोग ऊंकी सब बातों तैं मणदिन, किलैकि वु लोग ईं दुनियां का छिन।

1 यूहन्ना 5:10

अर जु मनखि परमेस्वर का पुत्र यीशु पर बिस्वास करदु, वेन अपणा दिल मा वीं गवै तैं स्वीकार कैरियाली। अर जु मनखि परमेस्वर पर बिस्वास नि करदु वेन वेतैं झूठ्‍ठु ठैरैयालि, किलैकि वेन परमेस्वर की वीं गवै पर बिस्वास नि कैरी ज्वा वेन अपणा पुत्र का बारा मा दे छै।