1 यूहन्ना 1:7 - Garhwali

⁷ हे मेरा दगड़्यों, जन पिता परमेस्वर उज्याळु मा च ठिक उन्‍नि हम भि उज्याळा मा रै के चला, त हम लोगु कि संगत एक-दुसरा का दगड़ा मा बणि राली। अर इथगा ही ना, बल्किन मा यीशु मसीह को ल्वे भि हमतै हमरा सब किसम का पापों बटि शुद्ध करलु।

गढवली नयो नियम

⁷ ऊई कैरा जु ठिक च जन पिता परमेश्वर सिद्ध रूप बट्टी ठिक च, उन ही हम भि उज्यला मा जियां, त एक-दुसरा बट्टी दगड़ी रखदा अर वेका नौंना यीशु मसीह को ल्वे हम तैं सभि पापों बट्टी शुद्ध करदो।

1 यूहन्ना 1:7 ပူးပေါင်းရင်းမြစ်များ

मत्ती 6:12

अर जन हम ऊंतैं माफ करद्‍यां, जु की हमरा खिलाप बुरै करदिन, ठिक उन्‍नि तुम भि हमरा पापों तैं माफ कैरा।

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

यूहन्ना 12:35

तब यीशु न ऊंकू बोलि, “अब उज्याळु कुछ ही देर तक तुमरा बीच मा च। अर जबरि तक उज्याळु तुमरा दगड़ा मा च तबरि तक तुम उज्याळा मा हिटणा रा, कखि इन ना हो की अन्धेरु ऐके तुमतै घेरि द्‍यो किलैकि जु कुई अन्धेरा मा हिटदु, उ नि जणदु कि उ कख जाणु च।

यूहन्ना 5:4

किलैकि परमेस्वर को स्वर्गदूत कभि-कभि ही कुण्ड मा उतरि के वे पाणि तैं हिलांदु छौ। अर पाणि हिलण का बाद जु मनखि उखुन्द पैलि जान्दु छौ, उ कन्दरि भि बिमारि मा किलै ना हो, उ खूब ह्‍वे जान्दु छौ।]

रोमियों 13:12

अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

1 कुरिन्थि 6:11

अर तुम मा बटि कुछ लोग इन्द्रया ही छा, मगर पिता परमेस्वर न हमरा प्रभु यीशु मसीह का नौ से अर अपणी पवित्र आत्मा से तुमतै ध्वेके शुद्ध कैरी अर धरमी ठैरै।

इफिसुस 1:7

अर यीशु मसीह न क्रूस पर अपणु बलिदान देके जु ल्वे बुगै वेका द्‍वारा ही हमतै छुटकारु, अर हमतै हमरा पापों से माफी मिलदी। अर यू सब हमतै पिता परमेस्वर की किरपा अर वेकी बड़ी दया का द्‍वारा मिली,

इफिसुस 5:8

अर या बात मि तुमकु इलै बोन्‍नु छौं, किलैकि पैलि तुम अन्धेरा मा छा, पर अब प्रभु यीशु का दगड़ा मा एक होण की वजै से तुम मा भि उज्याळु ऐ गै। इलै हे मेरा दगड़्यों, उज्याळे की औलाद होण की वजै से अपणा जीवन को गुजर-बसर उज्याळा मा कैरा।

1 तीमुथियुस 6:16

अर बस उई परमेस्वर हमेसा खुणि ज्यून्द रालु, अर वेतैं कै मनखि न कभि नि देखि, अर ना ही कभि देखि सकदु। अर वु इन उज्याळा मा रौन्दु, कि वेका पास कुई भि नि जै सकदु, अर वेतैं हमेसा आदर-सम्मान मिललु, अर वेको राज्य सदनि खुणि रालु। आमीन।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।

याकूब 1:17

किलैकि हरेक अच्छु अर उत्तम दान-बरदान स्वर्ग बटि औन्दु अर पिता परमेस्वर की तरफा बटि मिलदु च। अर वेन ही आसमान मा चमकण वळी ज्योतियों तैं बणै। अर उ कभि भि नि बदल्दु। अर चै कुई भि अदळौ-बदळौ ह्‍वे जौ, पर वेमा कुई अन्धेरु नि पोड़दु।

1 पतरस 1:19

बल्किन मा यू त तुमतै भौत कीमती ल्वे की वजै से मिली, जु कि यीशु मसीह को च अर वेमा कुई दाग अर दोष नि च, किलैकि उ बेदाग मेम्‍ना च जैन कुई भि पाप नि कैरी।

1 यूहन्ना 1:3

अर जैका बारा मा हम तुमतै बतौणा छां उ यीशु मसीह च जैतैं हमुन देखि अर सुणी च, ताकि तुम लोग भि हमरा दगड़ा मा साझेदार बणि जा। अर हमरि या साझेदारी पिता परमेस्वर का दगड़ा मा अर वेका पुत्र प्रभु यीशु मसीह का दगड़ा मा च।

1 यूहन्ना 1:5

अर जु वचन हमुन यीशु मसीह बटि सुणी, उई वचन हम तुमतै सुनौणा छां। अर वु वचन इन च कि, परमेस्वर उज्याळु च अर वेमा कुई अन्धेरु नि च।

1 यूहन्ना 5:6

अर यीशु मसीह ही च जु कि ईं दुनियां मा पाणि अर खून का द्‍वारा ऐ। अर पाणि ही पाणि का द्‍वारा ना बल्किन मा पाणि अर ल्वे का द्‍वारा भि। अर पवित्र आत्मा वु च जु कि वेका बारा मा गवै देन्दु, अर जु कुछ वु बतौन्दु उ सब सच्‍च च,

1 यूहन्ना 5:8

अर गवै देण वळा तीन छिन, पवित्र आत्मा, पाणि अर ल्वे। अर यू तिन्यां का तीन एक ही बात मा सैमत छिन।

2 यूहन्ना 1:4

अर मितैं यू जाणि के भौत खुशी होन्दी कि तेरा कुछ बच्‍चा सच्‍चै का बाटा पर चलणा छिन, ठिक उन्‍नि जन कि हमतै पिता परमेस्वर की तरफा बटि आज्ञा मिली छै।

3 यूहन्ना 1:4

अर जब मि इन सुणदु, कि मेरा बच्‍चा सच्‍चै का बाटा पर चलणा छिन, त मितैं ईं बात से जादा खुशी और कैं दुसरि बात मा नि मिलदी।

दिब्य दरस 1:5

अर प्रभु यीशु मसीह की तरफा बटि जु कि भरोसेमन्द गवा च। अर उई च, जु कि मुरदो मा बटि ज्यून्द होण वळो मा पैलु, अर धरती का सब राजाओं को अधिकारी च। अर वेकी किरपा अर वेकी शान्ति तुमतै मिलदी रौ। अर यीशु मसीह ही च जु कि हम से भौत प्यार करदु, अर वेन अपणा ल्वे का द्‍वारा हमतै हमरा पापों बटि छुडैयाली।

दिब्य दरस 12:11

अर ऊंन प्रभु का रैबार अर मेम्‍ना का ल्वे का द्‍वारा शैतान पर जीत हासिल कैरी, किलैकि ऊंन अपणी जान की भि परवा नि कैरी बल्किन मा मुरणु खुणि भि तयार छा।

दिब्य दरस 7:14

अर मिन बोलि कि, “हे मेरा प्रभु, मितैं त नि च पता पर तुमतै पता होलु।” अर वेन मिकू बोलि कि, “यू वु लोग छिन, जौन बड़ी पीड़ा सै अर वामा बटि निकळि के अयां छिन, अर ऊंन अपणा कपड़ों तैं मेम्‍ना का ल्वे मा ध्वेके के खुद तैं सफेद कर्युं च।