1 कुरिन्थि 9:5 - Garhwali

⁵ क्या हमरु यू हक नि च? कि हम भि कैं बिस्वासी बैंण का दगड़ा मा ब्यौ कैरा अर जख भि जा वींतैं अपणा दगड़ा मा लि जा, जन कि और खास चेलों न, अर प्रभु का भैयों न अर पतरस न भि कैरी।

गढवली नयो नियम

⁵ किलैकि हैंका प्रेरित अर प्रभु का भैय याकूब, यहूदा अर पतरस (कैफा) जब उ यात्रा करदींनि त उ अफ दगड़ी अपड़ी विश्वासी जननों तैं भि ली जयदींनि, त मि मा भि यु अधिकार च,

1 कुरिन्थि 9:5 ပူးပေါင်းရင်းမြစ်များ

मत्ती 13:55

अरे, यू त बड़ई को नौनु च, येकी माँ को नौ मरियम च, अर येका भै त याकूब, शमौन, यूसुफ अर यहूदा छिन।

मत्ती 8:14

अर जब यीशु पतरस का घौर मा ऐ, त वेन वेकी सासु तैं जौर मा पोड़्यूं देखि।

मरकुस 1:30

अर उख शमौन की सासु तैं तेज जौर औणु छौ, अर ऊंन तुरन्त यीशु तैं वींका बारा मा बतै।

मरकुस 6:3

अरे, यू त बड़ई च, अर मरियम को नौनु च, अर, यू त उई च जैका भै याकूब, योसेस, यहूदा अर शमौन छिन। अर येकी बैंण त इख हमरा बीच मा रौनदिन?” इलै ऊंन यीशु तैं स्वीकार नि कैरी।

लूका 6:15

मत्ती, थोमा, हलफई को नौनु याकूब, शमौन जैकू जेलोतेस बुले जान्दु,

लूका 8:20

तब कैन ऐके वेकू बोलि, “गुरुजी सुणा, तुमरि माँ अर तुमरा भै भैर खड़ा होयां छिन, अर ऊ तुम बटि मिलण चाणा छिन।”

यूहन्ना 1:42

अर उ वेतैं यीशु का समणि लेके ऐ। तब यीशु न वेतैं देखि के बोलि कि, “तू यूहन्‍ना को नौनु शमौन छैई, त्वेकू आज बटि कैफा मतलब पतरस बुले जालु।”

यूहन्ना 2:12

येका बाद यीशु अपणी माँ, भैयों अर चेलों का दगड़ा मा कफरनहूम नगर गै। अर उख ऊ कुछ ही दिन रैनी।

खास चेलों 1:14

अर यू सभ्या का सभि हमेसा एक जगा मा मिलदा छा अर एक मन ह्‍वेके प्रार्थना करदा छा, अर ऊंका दगड़ा मा यीशु की माँ मरियम अर वेका भै अर कुछ और जनानियां भि छै।

रोमियों 16:1

हे मेरा दगड़्यों, मि या चिठ्‍ठी तुमरा पास हमरि बिस्वासी बैंण फीबे का द्‍वारा भेजणु छौं, ज्वा कि किंख्रिया नगर का बिस्वासी समुदाय मा सेवा को काम करदी। अर मि तुम से बिन्ती कैरिके इन सला देन्दु,

1 कुरिन्थि 1:12

अर मिन इन सुणी कि तुम लोगु मा बटि कुछ इन बुल्दिन कि, “मि पौलुस को चेला छौं,” अर कुई इन बुल्दु कि, “मि त अपुल्‍लोस को चेला छौं,” अर कुई इन बुल्दु कि, “मि त पतरस को चेला छौ” अर कुछ लोग त इन बुल्दिन कि, “हम त मसीह का छां यीशु मसीह का।”

1 कुरिन्थि 7:15

अर जु मनखि बिस्वास नि करदु हो अर वु तलाक लेण चौ, त वे भै या वीं बैंण तैं तलाक लेण द्‍या। किलैकि या तुमरि ना बल्किन मा बिस्वास नि करण वळे की इच्छा च। अर पिता परमेस्वर न तुमतै इलै ही बुलै ताकि तुमरा जीवनों मा शान्ति रौ।

1 कुरिन्थि 7:39

हे मेरा भै-बैंणो, एक जनानि अपणा पति का दगड़ा ब्यौ का रिश्ता मा तब तक जुड़ी रौन्दी जब तक उ ज्यून्द च। अर अगर वींका पति की मौत ह्‍वे जौ, त वा फिर आजाद च अर जैका दगड़ा मा चौ ब्यौ कैरी सकदी, मगर उ मनखि प्रभु यीशु पर बिस्वास करण वळु हो।

1 कुरिन्थि 7:7

फिर भि मेरी सला त या ही च कि कास सब लोग मि जन अणविवाक रौन्दा, त कथगा भलु होन्दु। मगर हरेक मनखि तैं परमेस्वर की तरफा से अलग-अलग दान मिल्यूं च। अब कुछ लोगु तैं ब्यौ करण को अर कुछ तैं मि जन अणविवाक रौण को दान मिल्यूं च।

1 कुरिन्थि 7:8

अब मि अणविवाक लोगु अर विधवा जनानियों कू बोन्‍नु छौं कि ऊं खुणि अच्छु त यू ही च कि जन मि अकेला छौ, ठिक उन्‍नि तुम भि रा।

गलातियों 1:19

अर उख मेरी मुलाकात प्रभु यीशु का भै याकूब से ह्‍वे, अर वेका अलावा मेरी मुलाकात कै दुसरा खास चेला का दगड़ा मा नि ह्‍वे।

1 तीमुथियुस 3:2

इलै एक अध्यक्ष इन जीवन ज्यो कि कुई भि वे पर दोष नि लगै सैको, अर वेकी एक ही घरवळी हो अर उ अपणा सरील तैं अपणा काबू मा रखण वळो हो, अर उ लोगु का दगड़ा मा अच्छु बरतौ कैरो। अर लोग वेको आदर-सम्मान कैरा, अर उ एक अच्छु जीवन ज्यो, अर उ मैमानदारी निभौण मा भि खूब हो, अर अच्छी शिक्षा देण वळो भि हो।

1 तीमुथियुस 4:3

अर यू लोग ब्यौ नि करण की शिक्षा द्‍याला, अर कुछ खाण वळी चीजों खुणि भि मना करला जौं चीजों तैं परमेस्वर न इलै बणै, ताकि बिस्वास करण वळा अर सच्‍चै तैं जनण वळा धन्यवाद कैरिके खै सैका।

तीतुस 1:6

अर वे अध्यक्ष तैं तभि चुणी के ठैरैये जौ, जब उ निरदोष हो अर वेकी एक ही घरवळी हो। अर वेका बाल-बच्‍चा बिस्वासी हो, अर कै बात तैं नि मनण को दोष ऊं पर नि लग्यूं हो अर ना ही ऊंमा कुई जंगळि सभौ हो।

इब्रानी 13:4

ब्यौ सब लोगु का बीच मा आदर की बात समझै जौ, अर पति अर पत्‍नी एक-दुसरा खुणि वफादार रा, किलैकि परमेस्वर गळत सम्बन्ध रखण वळा लोगु तैं, अर एक बैख या जनानि पर गळत नजर रखण वळो तैं जरुर दण्ड द्‍यालु।