1 कुरिन्थि 9:3 - Garhwali

³ अर जु लोग मि पर इळजाम लगौन्दिन, ऊंतैं मि इन ही जबाब देण चान्दु।

गढवली नयो नियम

³ जु लोग मेरा प्रेरित हूंण का अधिकार पर जांच अर सवाल करदींनि, ऊंकु यु ही मेरू जवाब च।

1 कुरिन्थि 9:3 ပူးပေါင်းရင်းမြစ်များ

लूका 12:11

अर जब वु लोग तुमतै प्रार्थना भवनों मा, सासन करण वळो अर अधिकारीयों का पास लि जाला, त अपणा बचाव की चिन्ता नि कर्यां कि हम क्या जि बोलुला।

खास चेलों 22:1

अर पौलुस न ऊंकू बोलि, “हे मेरा भै-बैंणो अर बुजुर्ग लोगु, अब मि अपणा बचाव मा तुमरा समणि कुछ बोन्‍न चाणु छौं।”

खास चेलों 25:16

पर मिन ऊंतैं जबाब दिनी कि, हमरि ज्वा रीति च वेका मुताबिक आरोपी अर आरोप लगौण वळु मनखि जबरि तक अमणि-समणि नि हो, अर आरोपी मनखि अपणी सफै मा नि बोलो, तबरि तक हम वेतैं दण्ड देणु खुणि दुसरा लोगु का सुपुर्द नि कैरी सकद्‍यां।

1 कुरिन्थि 14:37

अर अगर तुमरा बीच मा कुई मनखि इन सुचदु कि उ पिता परमेस्वर को रैबर्या च, या वेतैं पवित्र आत्मा को बरदान मिल्यूं च, त उ ईं बात तैं स्वीकार कैरो जु मि तुम खुणि लिखणु छौं, यू आदेस मितैं प्रभु की तरफा बटि मिल्यूं च।

1 कुरिन्थि 9:2

अर अगर दुसरा लोग ईं बात तैं स्वीकार नि करदिन, कि मि भि प्रभु यीशु को एक खास चेला छौं त कुई बात नि च, मगर हे मेरा दगड़्यों, तुम ईं बात तैं स्वीकार कैरा किलैकि जब मिन तुमतै शुभ समाचार सुणै, त तुमुन बिस्वास कैरी इलै तुम ईं बात का सबूत छाँ कि मि वेको खास चेला छौं।

1 कुरिन्थि 9:4

अर क्या बरनबास अर मितैं तुमरा दगड़ा मा खाण-पीण को हक नि च?

2 कुरिन्थि 13:10

अर यू सब कुछ मि तुम खुणि इलै लिखणु छौं, किलैकि अभि मि तुम से दूर छौं, अर जब मि तुमरा पास औलु त कखि मितैं अपणा अधिकार को इस्तेमाल सख्‍तै से नि करण पोड़ो। अर हमरा प्रभु यीशु न मितैं यू अधिकार दियूं च कि मि तुम खुणि बिस्वास मा आसीस की वजा बणु, ना कि उतेडु़ को।

2 कुरिन्थि 13:3

अर तुम लोग सबूत मंगद्‍यां, कि यीशु मसीह मेरा द्‍वारा बुल्दु भि च कि ना, मगर मि तुमतै बतै देन्दु कि जब उ तुमरा बीच मा काम करदु त अपणी कमजोरी से ना बल्किन मा अपणी ताकत से करदु।

2 कुरिन्थि 13:5

इलै हे मेरा दगड़्यों, अपणी-अपणी जाँच-पड़ताल कैरा कि तुम बिस्वास मा छैं भि छाँ कि ना, अर आज तुम क्या छाँ वांको सबूत द्‍या। क्या तुमतै इन पता नि च कि यीशु मसीह तुमरा दगड़ा मा एक ह्‍वेके रौन्दु? अर अगर वु तुम मा नि च, त येको मतलब यू च कि तुम मा खोट च।

फिलिप्पी 1:17

मगर कुछ लोग भला इरादा से मसीह का बारा मा नि सुणौन्दिन, पर विरोध की इच्छा रखी के परचार को यू काम करदिन, अर ऊंतैं इन लगदु कि इन कैरिके वु मितैं ईं कैद मा दुख दे सकदिन।

फिलिप्पी 1:7

अर तुमरा बारा मा मेरु ख्याल बिल्कुल ठिक च, किलैकि तुम खुणि मेरा दिल मा एक खास जगा च, अब चै मितैं संगुळोन बान्धि के कैद होण की बात हो, या शुभ समाचार की हिफाजत कैरिके वेतैं सच्‍चु साबित करण की बात हो, तुम सभि मेरा दगड़ा मा परमेस्वर की महान किरपा का हिस्सेदार छाँ।

2 तीमुथियुस 4:16

अर जब पैलि दौं रोम देस मा मेरु न्याय करण खुणि मितैं कचैरी मा खड़ु किये गै छौ, त मितैं बचौणु खुणि कैन भि गवै नि देई, किलैकि सब लोग मितैं छोड़ के चलि गै छा। मगर फिर भि मेरु प्रभु मेरा दगड़ा मा छौ अर वेन मितैं ताकत देई, ताकि मि शुभ समाचार का परचार तैं पूरु कैर सैकु, अर जु लोग यहूदी जाति का नि छिन ऊं सभ्यों तैं शुभ समाचार सुणो। अर परमेस्वर न मितैं मौत का गिच्‍चा बटि बचै, अर मि इन प्रार्थना करदु कि जु लोग मितैं छोड़ि के चलि गै छा, परमेस्वर ऊंतैं माफ कैरो।