1 कुरिन्थि 9:27 - Garhwali

²⁷ अर मि अपणा सरील तैं अपणा वश मा रखदु, अर अपणी इच्छा तैं भि अपणा वश मा रखदु। अर इन मि इलै करदु ताकि कखि इन नि हो कि मि सभ्यों तैं पार लगै द्‍यो अर खुद ही छुटी जौं।

गढवली नयो नियम

²⁷ मि अपड़ा देह तैं काबू मा करदु, कि मि येकी बुरी अभिलाषाओं का अनुसार नि चलूं, कखी इन नि हो, कि मि जु दूसरों तैं शुभ संदेश कु प्रचार करदु, अफी ईनाम नि पौं।

1 कुरिन्थि 9:27 ပူးပေါင်းရင်းမြစ်များ

लूका 18:5

मगर ईं विधवा को मितैं परेसान कैरिके रख्युं च, इलै मिन ईं को न्याय जरुर करण कखि इन नि हो की या विधवा बार-बार ऐके मेरा नाक मा दम कैरी द्‍यो, अर मेरु जीण हराम ह्‍वे जौ।’”

लूका 9:25

अर अगर कुई मनखि सरा संसार की हर चीजों तैं हासिल कैरी द्‍यो, मगर उ अपणा पराण तैं ख्वे द्‍यो याने कि वे बटि वेको पराण ले लिये जौ, त वेतैं फिर क्या फैदा ह्‍वे?

खास चेलों 1:25

ताकि वेतैं सेवा की जिमेदारी अर खास चेला होण को पद दिये जौ, किलैकि यहूदा न ये पद तैं नकारी दिनी, अर ज्वा जगा वे खुणि चुणै गै छै वु उख चलि गै।”

रोमियों 8:13

किलैकि अगर जु तुम सरील की इच्छा का मुताबिक अपणा जीवन को गुजर-बसर करद्‍यां, त या बात पक्‍की च कि तुमरि आत्मिक मौत जरुर होण, पर अगर जु तुम पवित्र आत्मा का द्‍वारा सरील की इच्छा को नास करद्‍यां, त तुमतै सदनि को जीवन दिये जालु।

1 कुरिन्थि 8:13

इलै अगर मेरु खाणुक खाण मेरा बिस्वासी भै-बैंण खुणि उतेडु़ बणण की वजा बणणु च, त इन्दरि दसा मा मि कभि भि मांस नि खौलु। अर बिस्वासी भै-बैंणो खुणि मि कभि भि उतेडु़ नि बणलु।

1 कुरिन्थि 9:25

अर हरेक उ मनखि जु दौड़ मा सामिल होण चान्दु, पैलि उ भौत मेनत करदु अर अपणी हरेक इच्छा तैं मरदु अर यू सब कुछ त उ जीतणु खुणि करदु, ताकि उ जीत का इनाम तैं पै सैको जैन एक दिन नास ह्‍वे जाण। मगर मि तुमतै बतै देन्दु कि हम बिस्वासी लोग सब कुछ पिता परमेस्वर खुणि करद्‍यां अर हमतै इन्द्रयो इनाम मिलण जैको नास कभि नि होण।

2 कुरिन्थि 11:27

हे मेरा दगड़्यों, ये काम खुणि मिन कड़ी मेनत कैरी, अर कई रात्यों मि उणिन्दु रौंऽऽ। अर कई बार मितैं भौत भूक अर तीस लगि, पर मेरा पास खाण-पीण खुणि कुछ नि होन्दु छौ, अर ह्‍यूँद की कई रात मिन गरम कपड़ों का बगैर ही गुजरिनी।

कुलुसी 3:5

इलै तुम दुनियां कि ऊं बातों खुणि अपणा पापि सभौ तैं खतम कैरी द्‍या जु कि पाप करौन्दिन, जन कि सरील का गळत सम्बन्ध रखण, अशुद्धता, हवस, बुरी इच्छा, अर लालच करण जु कि मूरत पूजा का बराबर च।

2 तीमुथियुस 2:22

हे तीमुथियुस, इलै तू ज्वानी की बुरी इच्छाओं बटि बचि के रौ, अर पिता परमेस्वर की नजर मा एक धरमी जीवन जीण सीख, अर भरोसा का काबिल बण, अर एक-दुसरा का दगड़ा मा मेल-जोल अर प्यार से रौ। अर ऊं लोगु का दगड़ा मा रौ जु साफ मन से प्रभु को नौ लिनदिन, अर वे पर बिस्वास करदिन।

1 पतरस 2:11

हे मेरा प्यारा भै-बैंणो, तुम लोग ईं दुनियां मा परदेसी अर मुसाफिर लोगु का जन छाँ, अर मि तुम से बिन्ती करदु कि तुम ईं दुनियां कि बुरी इच्छाओं से बचि के रा, अर यू वु इच्छा छिन जु कि तुमरा आत्मा का दगड़ा मा लड़ै कनि रौनदिन।

2 पतरस 2:15

यू लोग अब सीदा बाटा तैं छोड़ि के भटकी गैनी। यू लोग बओर का नौना बिलाम का जन काम कना छिन, बिलाम जैन बुरै की कमै तैं खूब माणी छौ।