1 कुरिन्थि 9:22 - Garhwali

²² अर जब ऊं लोगु का बीच मा छौ जु कि बिस्वास मा कमजोर छिन त मि ऊंका जन ही बणि ग्यों, ताकि वु बिस्वास मा और मजबूत ह्‍वे सैका। अर यों सब बातों को मतलब यू च कि मि सब किसम का लोगु खुणि सब कुछ बणि ग्यों, ताकि कनि ना कनि के मि लोगु तैं यीशु मसीह का पास लेके ऐ सैकु, अर वु वीं सजा से बचि जा जु की पाप करण की वजै से मिलदी।

गढवली नयो नियम

²² जब मि ऊं लुखुं दगड़ी हूंदु जूंको विश्वास कमजोर च, त मि ऊंका जन ही बरतौ करदु, कि मि ऊं तैं मसीह का पिछनै चलण मा मदद कैर साको मि हर एक ढंग से कुछ लुखुं को बचै के उद्धार कैरी साको।

1 कुरिन्थि 9:22 ပူးပေါင်းရင်းမြစ်များ

रोमियों 11:14

अर ईं सेवा का काम का द्‍वारा मि इन कोसिस करदु, कि जु मेरा इस्राएली भै-बन्द छिन ऊंमा इन आग पैदा ह्‍वे जौ, कि भौत लोग यीशु मसीह पर बिस्वास कैरिके बचयै जा।

रोमियों 14:1

हे मेरा भै-बैंणो, अगर कुई मनखि बिस्वास मा कमजोर च त वेका दगड़ा मा बहसबाजी नि कैरा, बल्किन मा वेतैं अफ दगड़ा मा ले ल्या।

रोमियों 14:2

किलैकि कुई मनखि इन बिस्वास करदु कि सब कुछ खाण चयेणु, अर यां मा कुई बुरी बात नि च, मगर जु मनखि बिस्वास मा कमजोर च, वेको मनण इन च कि हमतै केवल सागपात ही खाण चयेणु।

रोमियों 15:1

हे मेरा दगड़्यों, हम जु अपणा बिस्वास मा मजबूत छां, हमतै ऊं लोगु की कमजोरियों तैं सै लेण चयेणु जु कि बिस्वास मा मजबूत नि छिन। अर हरेक जगा मा हमतै अपणी ही खुशी नि दिखण चयेणी।

रोमियों 15:2

हरेक मनखि अपणा-अपणा बिस्वासी लोगु तैं ऊं बातों मा खुश रखो, ज्यां से ऊंकी भलै होणी हो, ताकि वु लोग बिस्वास मा और भि जादा मजबूत होन्दी जा।

1 कुरिन्थि 10:33

अर ठिक जन मि सब बातों मा सब लोगु तैं खुश रखदु, अर मि अपणु ही फैदा कि ना, बल्किन मा भौत सा लोगु की चिन्ता करदु, ठिक इन्‍नि तुम भि कैरा ताकि भौत सा लोगु तैं बचयै जौ।

1 कुरिन्थि 7:16

हे मेरी बैंण, अगर तू अपणा पति का दगड़ा रैलि, त क्या पता तेरी वजै से तेरा पति तैं बचयै जौ। अर ठिक उन्‍नि हे मेरा भै, अगर तू भि अपणी घरवळी का दगड़ा मा रैलि, त क्या पता तेरी वजै से तेरी घरवळी तैं बचयै मिली जौ।

1 कुरिन्थि 8:13

इलै अगर मेरु खाणुक खाण मेरा बिस्वासी भै-बैंण खुणि उतेडु़ बणण की वजा बणणु च, त इन्दरि दसा मा मि कभि भि मांस नि खौलु। अर बिस्वासी भै-बैंणो खुणि मि कभि भि उतेडु़ नि बणलु।

1 कुरिन्थि 9:19

हालांकि, मि आजाद छौं अर कै को गुलाम नि छौं, पर फिर भि मि खुद तैं सभ्यों को गुलाम समझदु, ताकि मि जादा से जादा लोगु तैं मसीह का बाटा पर लेके ऐ सैकु।

1 कुरिन्थि 9:23

अर यू सब कुछ मि शुभ समाचार की वजै से करदु, ताकि मि शुभ समाचार तैं दुसरो लोगु मा बांटि सैकु।

2 कुरिन्थि 11:29

अर जब मि ऊं लोगु का बारा मा सुणदु जु कि बिस्वास मा मजबूत नि छिन त मि ऊंका दगड़ा मा जादा सख्‍तै नि दिखान्दु, पर ऊंकी मदद करण की पूरि कोसिस करदु। अर जब कुई मनखि कै बिस्वासी भै-बैंण तैं पाप मा फंसै देन्दु त मितैं वे देखि के भौत गुस्सा औन्दु।

गलातियों 6:1

हे मेरा बिस्वासी भै-बैंणो, अगर तुम लोगु मा बटि कुई मनखि पाप करद पकड़ै जान्दु, त तुम जु पवित्र आत्मा का मुताबिक चलद्‍यां, तुम वे मनखि तैं बड़ा प्यार से सच्‍चै का बाटा पर वापिस लौण की पूरि कोसिस कैरा। अर अपणु भि ध्यान रखा कखि तुम लोग भि वे ही पाप मा नि फंसी जा।