1 कुरिन्थि 9:15 - Garhwali

¹⁵ पर मि यों बातों मा बटि एक भि अधिकार को इस्तेमाल नि करदु। अर या बात मि तुम खुणि इलै नि लिखणु छौं, ताकि तुम मितैं कुछ द्‍या, पर मि त अपणी ईं ही बात पर बड़ु मोन करदु अब चै मि मोरि भि किलै नि जौ।

गढवली नयो नियम

¹⁵ पर मिल यां मा बट्टी एक भि अधिकार कु इस्तेमाल नि कैरी; मि यु नि लिखणु छों, कि अब तुम मि कु कुछ कैरा। यांका बजाय मि कु मुरण जादा बढ़िया च! किलैकि कुई भि मि तैं ईं बात मा बड़ो मोन कन से नि रोकि सकद कि मि अपड़ो ख्याल अफी ही रखदु।

1 कुरिन्थि 9:15 ပူးပေါင်းရင်းမြစ်များ

मत्ती 18:6

फिर यीशु न अपणा चेलों कू इन भि बोलि, “अगर तुम मा बटि कुई भि यों छुटो तैं जु कि मि पर बिस्वास करदिन, अगर कै एक तैं भि पाप का बाटा पर लि जान्दु, त वे मनखि खुणि यू जादा ठिक च, कि वेका गौळा मा जंदरु डालि के वेतैं समुन्दर मा ढुळै जौ। मगर या सजा भि वे मनखि खुणि कम च, किलैकि इन्द्रया मनखि तैं येसे भि जादा खतरनाक सजा मिलण।

खास चेलों 18:3

अर पौलुस ऊंका दगड़ा मा मिली के काम करण लगि गै, किलैकि पौलुस अर यों दुईयों को एक ही काम-धन्धा छौ, अर उ तम्बू बणौण को काम करदा छौ।

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

खास चेलों 20:33

अर मिन कभि भि कै का सोना-चांदी या कपड़ों को लालच नि कैरी।

खास चेलों 20:34

अर तुम लोग त जणदा ही छाँ, कि मिन मेहनत कैरिके अपणु अर अपणा दगड़्यों की सब जरुरतों तैं पूरु कैरी।

खास चेलों 8:3

अर शाऊल न बिस्वासी समुदाय तैं बरबाद करण शुरु कैर दिनी, अर वु घौरों-घौरों मा घुसी के जनानियों अर बैखों तैं खिखोड़ी-खिखोड़ी के निकळदु छौ अर ऊंतैं जेलखाना मा डालि देन्दु छौ।

1 कुरिन्थि 4:12

अर अपणा हाथोंळ बड़ी मेनत कैरिके थकी जन्द्‍यां। अर फिर भि लोग हमरु अपमान करदिन, मगर हम ऊंतैं आसीस देन्द्‍यां। अर वु लोग हमतै सतौन्दा छिन, मगर हम ऊंकी सौन्द्‍यां।

1 कुरिन्थि 9:12

अर जब दुसरा लोग तुम पर इन हक जतै सकदिन, त क्या हमरु तुम पर और भि जादा हक नि बणदु? पर फिर भि हमुन इन नि कैरी। अर इन हमुन इलै कैरी, ताकि हम मसीह का शुभ समाचार का परचार मा कुई रुकावट नि बणा, इलै हम हरेक दुख तैं सौणा छां।

1 कुरिन्थि 9:18

अर इन्दरि हालत मा मितैं कुई इनाम नि मिलण। मगर जब मि शुभ समाचार को परचार करदु, त वेका बदला मा मि कै बटि कुछ नि लेन्दु। अर ना ही मि शुभ समाचार मा अपणा अधिकारो को इस्तेमाल करदु।

1 थिस्सलुनीकी 2:9

हे मेरा भै-बैंणो, तुमतै हमरि कठिन मेनत अर हमरि ध्याड़ि करण जरुर याद होलि। जब हमुन तुमतै परमेस्वर को शुभ समाचार सुणै त अपणी जरुरतों तैं पूरु करणु खुणि हमुन दिन-रात काम-काज कैरी, ताकि हम तुम मा बटि कै का मथि भि भारु नि बणा।

2 थिस्सलुनीकी 3:8

अर हमुन मुफत मा कै की रुट्‍टी नि खै, पर दिन-रात खून पसीना बुगै के मेनत कैरी, ताकि कै खुणि हम भारु नि बणि जां।