1 कुरिन्थि 9:10 - Garhwali

¹⁰ अरे इख मा त उ खास कैरिके हम खुणि ही बोन्‍नु च। अर यू हमरा ही खातिर लिखे गै, किलैकि जु मनखि हौळ लगौन्दु अर जु दैं करदु, वु इन उम्मीद करदिन कि हमतै अनाज मिलण।

गढवली नयो नियम

¹⁰ यु विशेष कैरी कै हम कु बुल्द; जन पिता परमेश्वर का वचन मा लिख्युं च, किलैकि पुगड़ो की जु तैं कन वलो कै आस ल ही पुगड़ो की जु तैं करद, अर चौका मा बुखा बट्टी अनाज तैं अलग कन वलो फसल कु कुछ भाग पांणै की आस त रखद ही च।

1 कुरिन्थि 9:10 ပူးပေါင်းရင်းမြစ်များ

मत्ती 24:22

अर अगर पिता परमेस्वर ऊं दिनों की गिनती कम नि करदु, त कुई भि मनखि नि बचदु, मगर चुण्यां लोगु का खातिर ही ऊं दिनों की गिनती कम किये गै।

रोमियों 15:4

अर जु कुछ भि पुरणा जमना मा पवित्रशास्‍त्र मा लिखे गै, उ सब हमतै सिखौणु खुणि ही लिखे गै। अर पवित्रशास्‍त्र हमतै सबर रखण अर अपणु हौसला बणै के रखण का बारा मा ही बतौन्दु, ताकि हमरि आस बणि रौ।

1 कुरिन्थि 3:9

अर हम पिता परमेस्वर की सेवा करण वळा छां। अर हम तुम लोगु की भलै खुणि ही काम कना छां, किलैकि तुम लोग पिता परमेस्वर को पुंगड़ु छाँ जैमा मेनत किये जाणि च, अर अब वेमा घौर बणण की तयार होणी च।

2 कुरिन्थि 4:15

अर यू सब कुछ तुम खुणि ही होणु च ताकि जै तरीके से पिता परमेस्वर कि किरपा जादा से जादा लोगु पर होणी च, ठिक उन्‍नि पिता परमेस्वर की तारीफ अर धन्यवाद खुणि लोगु की गिनती और भि बढदी जौ।

2 तीमुथियुस 2:6

अर जु किसान कड़ी मेनत करदु, उ फसल की पैलि उपज लेण का लैख च।