1 कुरिन्थि 8:12 - Garhwali

¹² अर जब तुम लोग अपणा भै का खिलाप मा इन्द्रयो काम करद्‍यां, अर ऊंका कमजोर जमीर तैं तोड़ि देन्द्‍यां, त या बात जाणि जा कि तुम मसीह का खिलाप मा पाप करद्‍यां।

गढवली नयो नियम

¹² जु हमारा यु काम कन का कारण हमारा विश्वासी दगड़िया अफ तैं भंगारी महसूस करद, त हम वेका अर मसीह का खिलाफ मा भि पाप करदां।

1 कुरिन्थि 8:12 ပူးပေါင်းရင်းမြစ်များ

मत्ती 18:10

यीशु न ऊंकू इन भि बोलि, “सुणा, तुम मेरा पिछनै चलण वळा यों छुटो तैं सुद्‍दी नि समझा, अर मि तुमतै चितै देन्दु किलैकि स्वर्ग मा रौण वळा स्वर्गदूत जु की ऊंकी देख-रेख करदिन, वु सदनि मेरा पिता का समणि हाजिर रौनदिन।

मत्ती 18:21

तब पतरस न यीशु का पास ऐके बोलि, “प्रभु, अगर कुई भि मनखि मेरा खिलाप मा अपराध कनु रौ, त मि वेतैं कथगा बार माफ कैरुं? क्या सात बार तक?”

मत्ती 18:6

फिर यीशु न अपणा चेलों कू इन भि बोलि, “अगर तुम मा बटि कुई भि यों छुटो तैं जु कि मि पर बिस्वास करदिन, अगर कै एक तैं भि पाप का बाटा पर लि जान्दु, त वे मनखि खुणि यू जादा ठिक च, कि वेका गौळा मा जंदरु डालि के वेतैं समुन्दर मा ढुळै जौ। मगर या सजा भि वे मनखि खुणि कम च, किलैकि इन्द्रया मनखि तैं येसे भि जादा खतरनाक सजा मिलण।

मत्ती 25:40

तब राजा ऊंतैं जबाब द्‍यालु, ‘मि तुम बटि सच्‍च बोन्‍नु छौं, कि जु भलै तुमुन मि पर बिस्वास करण वळा लोगु का दगड़ा मा करिनी जौं तैं लोग कुछ नि समझदिन, वु सब भलै तुमुन मेरा दगड़ा मा ही करिनी।’

मत्ती 25:45

तब राजा ऊंतैं जबाब द्‍यालु, ‘मि तुम बटि सच्‍च बोन्‍नु छौं, कि जु लोग मि पर बिस्वास करदिन ऊंमा बटि कै एक का दगड़ा मा भलै का काम तुमुन नि करिनी। हाँ, ऊंका दगड़ा मा ही जौं तैं लोग कुछ नि समझदिन, इलै सुणा, भलै का वु काम तुमुन मेरा दगड़ा मा भि नि करिनी।’

मरकुस 9:42

अर यीशु न अपणा चेलों कू इन भि बोलि, “अगर तुम मा बटि कुई भि यों छुटो तैं जु कि मि पर बिस्वास करदिन, अगर कै एक खुणि भि पाप करण की वजा बणदु, त या सजा भि वे खुणि कम च कि वेका गौळा मा जंदरु डालि के वेतैं समुन्दर मा ढुळै जौ।

रोमियों 14:20

इलै खाण-पीण का मामला मा तुम पिता परमेस्वर का काम को नास नि कैरा, उन त खाण-पीणु खुणि सब कुछ ठिक ही च, मगर इन्द्रयो खाण-पीण भि गळत च जैकी वजै से दुसरो बिस्वासी भै या बैंण पाप करण लगि जौ।

1 कुरिन्थि 12:12

हे मेरा भै-बैंणो, जन कि हमरा सरील मा कई अंग छिन, फिर भि हमरु एक ही सरील च, ठिक उन्‍नि हम सभ्या का सभि लोग जौन यीशु मसीह पर बिस्वास कैरी वेका अंग छां।