1 कुरिन्थि 7:9 - Garhwali

⁹ पर अगर तुम सबर नि रखी सकद्‍यां, त तुम ब्यौ कैरी ल्या किलैकि सरील की इच्छा तैं पूरि करण की आग मा फूक्योंण से त जादा भलु यू च कि तुम ब्यौ कैरी ल्या।

गढवली नयो नियम

⁹ पर जु उ आत्म-संयम नि रखि साका, त ब्यो कैरा; किलैकि ब्यो कन कमुकता कन से अच्छो च।

1 कुरिन्थि 7:9 ပူးပေါင်းရင်းမြစ်များ

खास चेलों 19:36

अर यों बातों तैं कुई नकारी नि सकदु, इलै चुप रा अर जल्दबाजी मा कुई भि कदम नि उठा।

1 कुरिन्थि 7:2

मि तुमतै बतै देन्दु, कि या बात अच्छी होलि कि हरेक बैख की अपणी घरवळी, अर ठिक उन्‍नि हरेक जनानि को अपणु पति हो, किलैकि ईं दुनियां मा सरील का सम्बन्ध रखणु खुणि भौत सा गळत विचार निकळि के ऐ गैनी।

1 कुरिन्थि 7:28

अर अगर कुई अणविवाक ब्यौ करण चाणु च, त यां मा कुई गळत बात नि च। अर अगर कुई अणविवाक नौनि ब्यौ करण चाणि च, त इन करण भि गळत नि च। मगर मि तुमतै बतै देन्दु, कि जु लोग ब्यौ करदिन ऊंतैं अपणा जीवन मा दुख-तकलीफ झिलण पोड़दिन, अर मि त बस इथगा ही चान्दु कि तुमतै कुई परेसानी नि हो।

1 कुरिन्थि 7:36

अर तुम मा बटि कुछ लोगु न अपणी अणविवाक नौन्यों का बारा मा मि बटि पूछी, कि ऊंतैं क्या करण चयेणु त मि ऊंतैं इन सला देन्दु कि, अगर कै अणविवाक नौनि को ब्यौ करण को सही बगत ऐ गै, अर वींका ब्वे-बाब वींतैं ब्यौ करण से रोका, अर वा फिर भि ब्यौ करण चाणि हो त वींतैं ब्यौ करण द्‍या, किलैकि इन कैरिके तुम वींका दगड़ा मा कुछ गळत नि कना छाँ।

1 कुरिन्थि 7:39

हे मेरा भै-बैंणो, एक जनानि अपणा पति का दगड़ा ब्यौ का रिश्ता मा तब तक जुड़ी रौन्दी जब तक उ ज्यून्द च। अर अगर वींका पति की मौत ह्‍वे जौ, त वा फिर आजाद च अर जैका दगड़ा मा चौ ब्यौ कैरी सकदी, मगर उ मनखि प्रभु यीशु पर बिस्वास करण वळु हो।

1 थिस्सलुनीकी 4:4

इलै तुम सब अपणा सरील की यों इच्छाओं तैं अपणा वश मा रखण सीखा, अर पवित्र जीवन ज्यऽ, ज्यां से कि लोग तुमरा जीवन तैं देखि के तुमरो आदर-सम्मान कैरा।

1 तीमुथियुस 5:11

पर ज्वान विधवाओं को नौ वीं लिस्ट मा नि लिखा, किलैकि ऊ अपणा सरील की इच्छा तैं पूरि करण का बाना यीशु मसीह तैं छोड़ि के ब्यौ करण चनदिन।

1 तीमुथियुस 5:14

इलै मेरी इच्छा च, कि जु विधवा ज्वान छिन, वु ब्यौ कैरा अर बच्‍चों तैं जनम देके अपणु-अपणु घौर-बार समाळा। ताकि विरोध करण वळा मनखियों तैं इन्द्रयो कुई सवाल नि मिली सैको।