1 कुरिन्थि 7:37 - Garhwali

³⁷ पर अगर कै को इरादा मजबूत हो कि उ अणविवाक ही रालु अर उ अपणा ये फैसला पर अटल रौन्दु, अर वेतैं ब्यौ करण की जरुरत मैसूस नि होन्दी, बल्किन मा उ त अपणी इच्छा पर पूरु अधिकार रखदु, अगर उ इन करदु त उ भौत अच्छु काम कनु च।

गढवली नयो नियम

³⁷ पर जु उ अपड़ा मन मा फैसला करद, कि वेकी नौंनि कु ब्यो नि कन बढ़िया च, अर कैल भि वे तैं इन कन कनु कु मजबूर नि कैरी, त वेमा उन कनु कु अधिकार च जु वेल तय करूं च। अर इलै जु उ वीं तैं अणबिवाक रखणों कु फैसला करद, त उ (पिता परमेश्वर की नजर मा) अच्छो काम कनु च।

1 कुरिन्थि 7:37 ပူးပေါင်းရင်းမြစ်များ

1 कुरिन्थि 7:1

अब मि तुम खुणि ऊं सवालों को जबाब लिखणु छौं, जौं का बारा मा तुमुन चिठ्‍ठी मा मि बटि पूछी छौ। तुमुन पूछी छौ कि, “क्या एक आदिम खुणि यू अच्छु च कि उ अणविवाक ही रौ?”

1 कुरिन्थि 7:36

अर तुम मा बटि कुछ लोगु न अपणी अणविवाक नौन्यों का बारा मा मि बटि पूछी, कि ऊंतैं क्या करण चयेणु त मि ऊंतैं इन सला देन्दु कि, अगर कै अणविवाक नौनि को ब्यौ करण को सही बगत ऐ गै, अर वींका ब्वे-बाब वींतैं ब्यौ करण से रोका, अर वा फिर भि ब्यौ करण चाणि हो त वींतैं ब्यौ करण द्‍या, किलैकि इन कैरिके तुम वींका दगड़ा मा कुछ गळत नि कना छाँ।

1 कुरिन्थि 7:38

अर ठिक उन्‍नि अगर कुई मनखि अपणी नौनि को ब्यौ करदु, त ठिक ही करदु अर अगर नि करदु त भौत अच्छु करदु।

2 कुरिन्थि 9:7

इलै जैन अपणा मन मा जथगा देण कि सोच्‍चि वु वेका मुताबिक ही दान द्‍यो। अर जब तुम ये काम तैं करिल्या त कुड़कुड़ा ना, अर ना ही जोर-जबरदस्ती मा ऐके इन कैरा। अर अगर जु तुम खुश ह्‍वेके यू दिल्या, त ईं बात तैं जाणि ल्या कि पिता परमेस्वर ऊं लोगु से भौत खुश होन्दु जु खुशी-खुशी से देन्दिन।

1 पतरस 5:2

जु दल पिता परमेस्वर न तुमरा हाथों मा सौप्युं च, वेकी देख-रेख अच्छी तरौं से कैरा। अर दल की देख-रेख कैं मजबूरी मा ना, बल्किन मा पिता परमेस्वर की मनसा का मुताबिक कैरा। अर सेवा को यू काम तुम कै लालच खुणि ना, बल्किन मा मन लगै के कैरा।