1 कुरिन्थि 7:17 - Garhwali

¹⁷ हे मेरा दगड़्यों, साधारण सि बात च कि पिता परमेस्वर न हरेक मनखि तैं एक अलग हिस्सा दियूं च। अर जै मनखि तैं वेन जिं दसा मा बुलै, वेतैं वीं दसा मा ही चलण चयेणु। अर मि बिस्वासी समुदाय का सब लोगु तैं इन ही आज्ञा देन्दु।

गढवली नयो नियम

¹⁷ जु मि बुल्णु छों वेको मतलब यु च; कि, हरेक आदिम तैं वीं स्थिति मा बणयूं रौंण चयणु च, जै तैं पिता परमेश्वर ल मसीह पर विश्वास करदी बगत द्ये छै; उन ही उ चलो; अर मि सभि मण्डलियों मा इन ही ठैरांदु।

1 कुरिन्थि 7:17 ပူးပေါင်းရင်းမြစ်များ

मत्ती 19:12

किलैकि कुछ लोग अपणी माँ की कोख बटि ही नपुंसक जनम्यां छिन, अर कुछ लोगु तैं मनखि नपुंसक बणौन्दिन, पर कुछ लोग चनदिन कि ऊ परमेस्वर का राज की सेवा अच्छी तरौं कैरा इलै ईं बात का खातिर ऊ ब्यौ नि करदिन। अर जु कुई ईं शिक्षा तैं स्वीकार कैरी सकदु उ कैरी ल्यो।”

1 कुरिन्थि 10:32

हे मेरा दगड़्यों, तुम इन्द्रयो कुई भि काम नि कैरा ज्या से की लोग अपणा-अपणा बिस्वास से भटकी जा, अब चै वु यहूदी जाति का छिन या फिर ना, अर ना ही तुम बिस्वासी समुदाय का लोगु खुणि इन्दरि वजा बणा।

1 कुरिन्थि 11:16

अर अगर कुई आदिम ईं बात की वजै से बहस कन चान्दु हो, त उ इन जाणि ल्यो कि नऽ त हमरा इख इन्द्रयो दस्तूर च, अर ना ही कै दुसरा बिस्वासी समुदाय मा, कि जनानियां परमेस्वर की भक्‍ति का दौरान प्रार्थना या फिर वचन सुनौण का बगत मा अपणा मुण्ड़ पर कपड़ा नि रखदी हो।

1 कुरिन्थि 11:34

अर अगर कैतैं जादा ही भूक लगि च, त वु अपणा घौर मा पैलि ही खै ल्यो, ताकि इकट्‍ठा होण का बगत पर तुम दण्ड पौण की वजा नि बणा। अर जु-जु बात अभि भि रै गैनी ऊं सब बातों तैं मि फिर से तुमरा पास ऐके खुद ही सुधारी द्‍यूलु।

1 कुरिन्थि 14:33

किलैकि परमेस्वर गड़बड़ी कन वळु परमेस्वर नि च, बल्किन मा शान्ति को परमेस्वर च। जन कि पवित्र लोगु का समुदाय मा भि होन्दु,

1 कुरिन्थि 16:1

हे मेरा भै-बैंणो, तुमुन चिठ्‍ठी मा यरूशलेम नगर का गरीब बिस्वासी लोगु का बारा मा मि बटि पूछी छौ। अर जन मिन गलाति मुलक का बिस्वासी समुदाय खुणि बोलि ठिक उन्‍नि मि तुम खुणि भि बुल्दु कि,

1 कुरिन्थि 4:17

इलै सुणा, मि तुमरा पास तीमुथियुस भै तैं भेजणु छौं। अर उ मेरा नौना का जन च, जै से मि भौत प्यार करदु अर उ प्रभु का काम खुणि भरोसा का लैख मनखि च। जब उ उख पौंछुलु त उ तुमतै याद दिलौलु, कि यीशु मसीह का पिछनै चलण मा मेरु चाल-चलन कन च। अर जब मि कै बिस्वासी समुदाय मा जान्दु, त उखा लोगु तैं मि कै तरिकळ सिखौन्दु।

1 कुरिन्थि 7:18

अब चै कै को खतना का रिवाज तैं पूरु कर्युं च, या नि च कर्युं यां से कुई फर्क नि पोड़दु।

1 कुरिन्थि 7:24

इलै हे मेरा भै-बैंणो, हरेक मनखि जैतैं जिं हालत मा बुलये गै, वु वीं हालत मा ही परमेस्वर का दगड़ा मा उन्‍नि बणयूं रौ।

1 कुरिन्थि 7:7

फिर भि मेरी सला त या ही च कि कास सब लोग मि जन अणविवाक रौन्दा, त कथगा भलु होन्दु। मगर हरेक मनखि तैं परमेस्वर की तरफा से अलग-अलग दान मिल्यूं च। अब कुछ लोगु तैं ब्यौ करण को अर कुछ तैं मि जन अणविवाक रौण को दान मिल्यूं च।

2 कुरिन्थि 11:28

अर यों सब बातों का अलावा कुछ और बात भि छिन जौं को बखान मिन नि कैरी, पर मि तुमतै बतै देन्दु कि बिस्वासी समुदाय का लोगु खुणि हरेक दिन मितैं बड़ी चिन्ता लगि रौन्दी।

2 कुरिन्थि 8:18

अर मि तीतुस भै का दगड़ा मा एक और बिस्वासी भै तैं भेजणु छौं। अर यू उ च जैन शुभ समाचार तैं फैलाण मा जै तरीके से काम कैरी, वां खुणि बिस्वासी समुदाय का लोग वेकी बड़ी तारीफ करदिन।

गलातियों 1:22

अर यहूदिया मुलक मा समुदाय का जु लोग यीशु मसीह पर बिस्वास करण वळा छा, ऊंन मितैं पैलि कभि नि देखि छौ।

1 थिस्सलुनीकी 2:14

हे मेरा भै-बैंणो, यहूदिया मुलक मा यीशु मसीह पर बिस्वास करण वळा समुदाय का बीच मा जु कुछ भि ह्‍वे, उन्‍नि तुमरा दगड़ा मा भि ह्‍वे। हाँ, जन ऊं लोगु न यहूदी लोगु का द्‍वारा दुख झेली, ठिक उन्‍नि तुमतै भि अपणा लोगु बटि दुख मिली।

2 थिस्सलुनीकी 1:4

इख तक कि जुलम अर विरोध सौण का बाद भि, तुम लोग अपणु बिस्वास पिता परमेस्वर पर बणै के रखद्‍यां, अर तुमरि ईं बात का बारा मा ही हम लोग परमेस्वर का दुसरा बिस्वासी समुदाय मा बड़ु मोन कैरिके तुमरा बारा मा बतौन्दु।