1 कुरिन्थि 7:16 - Garhwali

¹⁶ हे मेरी बैंण, अगर तू अपणा पति का दगड़ा रैलि, त क्या पता तेरी वजै से तेरा पति तैं बचयै जौ। अर ठिक उन्‍नि हे मेरा भै, अगर तू भि अपणी घरवळी का दगड़ा मा रैलि, त क्या पता तेरी वजै से तेरी घरवळी तैं बचयै मिली जौ।

गढवली नयो नियम

¹⁶ हे जननों तुम तैं याद रौंण चयणु च कि तुम्हरा कारण तुम्हरा आदिम भि बची जां अर हे आदिमों तुम तैं भि याद रौंण चयणु च, कि तुम्हरा कारण तुम्हरी जनन भि बची जां।

1 कुरिन्थि 7:16 ပူးပေါင်းရင်းမြစ်များ

लूका 15:10

अर मि तुमतै बतै देन्दु, कि ठिक इन्‍नि आनन्द परमेस्वर का स्वर्गदूतों का समणि तब मणये जान्दु, जब एक पापि मनखि अपणा पापों बटि पस्ताप करदु।”

रोमियों 11:14

अर ईं सेवा का काम का द्‍वारा मि इन कोसिस करदु, कि जु मेरा इस्राएली भै-बन्द छिन ऊंमा इन आग पैदा ह्‍वे जौ, कि भौत लोग यीशु मसीह पर बिस्वास कैरिके बचयै जा।

1 कुरिन्थि 9:22

अर जब ऊं लोगु का बीच मा छौ जु कि बिस्वास मा कमजोर छिन त मि ऊंका जन ही बणि ग्यों, ताकि वु बिस्वास मा और मजबूत ह्‍वे सैका। अर यों सब बातों को मतलब यू च कि मि सब किसम का लोगु खुणि सब कुछ बणि ग्यों, ताकि कनि ना कनि के मि लोगु तैं यीशु मसीह का पास लेके ऐ सैकु, अर वु वीं सजा से बचि जा जु की पाप करण की वजै से मिलदी।

1 तीमुथियुस 4:16

हाँ, तू इन्‍नि कनु रै, किलैकि इन कैरिके तू खुद तैं अर सुनण वळो तैं बचै दिली।