1 कुरिन्थि 7:11 - Garhwali

¹¹ अर अगर वा तलाक देण चाणि च, त फिर वा ब्यौ नि कैरो य त अपणा पति का दगड़ा मा फिर से मिली जौ, अर ठिक उन्‍नि एक पति तैं भि अपणी घरवळी तैं नि छुड़ण चयेणु।

गढवली नयो नियम

¹¹ (अर जु तलाक दे के अलग भि हवे जु, त बगैर दुसरो ब्यो करयां रौ; या अपड़ा आदिम बट्टी फिर मेल कैरी ल्यो) अर न आदिम अपड़ी जनन तैं तलाक द्यो।

1 कुरिन्थि 7:11 ပူးပေါင်းရင်းမြစ်များ

मत्ती 5:32

पर मि तुमतै बतै देन्दु, कि हरेक उ मनखि जु गळत सम्बन्ध रखण का अलावा कै दुसरा कारण से अपणी घरवळी तैं तलाक देन्दु, त इन्द्रयो मनखि वीं जनानि बटि सरील का सम्बन्ध बणवाणु च। अर जु कुई इन्दरि जनानि बटि ब्यौ करदु, त उ मनखि भि सरील का सम्बन्ध बणौणु च जु कि गळत च।”

मरकुस 10:12

अर ठिक उन्‍नि अगर कुई जनानि अपणा पति तैं छोड़ि के कै दुसरा का दगड़ा मा ब्यौ करदी, त वा जनानि गळत सम्बन्ध बणौणी च।

मरकुस 10:2

तब कुछ फरीसी दल का लोग यीशु का पास ऐनी, अर ऊंन वेतैं अपणी बात मा फसौणु खुणि वेसे पूछी, “क्या या बात नियम का मुताबिक ठिक च, कि कुई भि मनखि अपणी जनानि तैं तलाक दे सकदु?”

लूका 16:18

उदारण खुणि, अगर कुई मनखि अपणी घरवळी तैं तलाक देके कै दुसरि जनानि का दगड़ा मा ब्यौ करदु, त उ वीं जनानि का दगड़ा मा गळत सम्बन्ध बणौणु च। अर ठिक उन्‍नि अगर कुई मनखि वीं तलाक दिईं जनानि का दगड़ा मा ब्यौ करदु, त वु मनखि भि वींका दगड़ा मा गळत सम्बन्ध बणौणु च, जु कि गळत च।”

1 कुरिन्थि 7:10

अर जौं को ब्यौ ह्‍वे गै ऊंकू मि बुल्दु, कि प्रभु तुमतै आज्ञा देन्दु कि एक जनानि तैं अपणा पति तैं तलाक नि देण चयेणु।

1 कुरिन्थि 7:12

अर दुसरा लोगु खुणि प्रभु ना, पर मि या बात बुल्दु कि अगर कै बिस्वासी भै कि घरवळी बिस्वास नि करदी हो, अर फिर भि वा अपणा पति का दगड़ा मा रौणु खुणि राजी च, त उ बिस्वासी भै अपणी घरवळी तैं नि छोड़ु।