1 कुरिन्थि 6:5 - Garhwali

⁵ अर या बात मि तुम खुणि इलै बोन्‍नु छौं, ताकि तुमतै खुद पर सरम अऽ। अर एक बात बता, क्या सच्‍चि मा तुमरा इख एक भि समझदार नि च, जु कि तुम बिस्वासी लोगु का वाद-विवाद तैं सुळझै सैको।

गढवली नयो नियम

⁵ मि तुम तैं शर्मिंदा कनु कु इन बुल्णु छौं। क्य तुम मा बट्टी एक भि बुद्धिमान नि मिल्दो, जु अपड़ा विश्वासी भैय कु जांच कु फैसला कैरी सैकु?

1 कुरिन्थि 6:5 ပူးပေါင်းရင်းမြစ်များ

खास चेलों 1:15

अर कुछ दिनों का बाद इन ह्‍वे कि, पतरस लगभग एक सौ बीस बिस्वासी लोगु का बीच मा खड़ु ह्‍वेके बोन्‍न लगि गै, “हे मेरा भै-बैंणो, या बात यहूदा इस्करियोती का बारा मा च, जु की यीशु तैं पकड़वौण वळो तैं बाटु दिखौण वळु बणि के ऐ छौ। हाँ, वेकी गिनती हमरा दगड़ा मा किये जान्दी छै, अर उ भि हमरि तरौं सेवा मा सामिल ह्‍वे गै छौ। मगर पवित्र आत्मा न येका बारा मा पैलि ही राजा दाऊद का द्‍वारा भविष्यबाणी करवै छै, अर यू जरुरी छौ कि पवित्रशास्‍त्र की या बात पूरि हो।

खास चेलों 9:13

पर हनन्याह न प्रभु तैं इन जबाब दिनी, “प्रभु, मिन ये मनखि का बारा मा भौत कुछ सुणयूं च, कि येन यरूशलेम नगर मा तुमरा बिस्वासी लोगु का दगड़ा मा भौत बुरु बरतौ कैरी।

1 कुरिन्थि 11:14

अर मनखि सभौ होण का नाता क्या तुमुन या बात नि सिखी? कि अगर एक बैख बाळ लम्बा रखदु, त यू वे खुणि सरम कि बात च।

1 कुरिन्थि 15:34

हे मेरा भै-बैंणो, जरा होस मा आ अर जु कुछ गळत च वेतैं करण छोड़ि द्‍या, किलैकि तुम मा बटि कुछ लोग इन छिन जु कि ईं बात तैं स्वीकार नि करदिन कि परमेस्वर मुरदो मा बटि ज्यून्द करलु। अर या बड़ा सरम की बात च, कि तुम मा बटि कुछ लोगु न अभि तक परमेस्वर तैं नि पछ्याणी।

1 कुरिन्थि 3:18

हे मेरा दगड़्यों, धोखा मा नि रयां, अगर तुम मा बटि कुई इन सोचदु कि उ ये जमना मा ज्ञानी च, त सबसे पैलि उ परमेस्वर की बात माणी के सच्‍चि मा ज्ञानी बणि जौ, तब चै लोग वेतैं मूरख ही किलै नि समझा।

1 कुरिन्थि 4:10

अर यीशु मसीह को परचार करण की वजै से हम लोगु की नजर मा मूरख मणै जणद्‍यां, मगर तुम यीशु मसीह का दगड़ा मा एक ह्‍वे ग्यां, त ईं वजै से तुम खुद तैं भौत अकलमन्द समझणा छाँ। तुम खुद तैं ताकतबर समझद्‍यां अर हमतै कमजोर, इलै हमरु कुई आदर-सम्मान नि च मगर तुम त खुद दुसरो से आदर-सम्मान पौणा छाँ।

1 कुरिन्थि 4:14

हे मेरा प्यारा भै-बैंणो, मि तुमतै सरमसार करणु खुणि यू सब बात नि लिखणु छौं, बल्किन मा अपणा प्यारा बच्‍चा समझि के तुमतै चितौणु छौं।

1 कुरिन्थि 6:1

हे मेरा बिस्वासी भै-बैंणो, जब तुमरा बीच मा एक-दुसरा का खिलाप मा कुई भि वाद-विवाद होन्दु, त तुम लोग अपणु फैसला करौणु खुणि पवित्र लोगु का पास किलै नि औन्द्‍यां, मगर तुम ऊं लोगु का पास जन्द्‍यां जु कि सच्‍चै से न्याय नि करदिन?

1 कुरिन्थि 6:4

अर जब तुमतै अफ दगड़ा कै भै या बैंण से कुई दिक्‍कत होन्दी, त तुम न्याय मंगणु खुणि इन्द्रया लोगु का पास किलै जन्द्‍यां, जु बिस्वासी समुदाय का नि छिन? तुमरो अर ऊंको क्या सम्बन्ध?

याकूब 1:5

अर अगर तुम मा बटि कै मा भि ज्ञान की कमी हो, त उ परमेस्वर बटि मांगु। तब परमेस्वर वेतैं द्‍यालु, किलैकि परमेस्वर बिना दोष लग्यां हरेक तैं खुला दिल से देन्दु।