1 कुरिन्थि 6:20 - Garhwali

²⁰ किलैकि यीशु मसीह न अपणा जीवन देके तुमतै खरीदयाली, इलै मसीह को सरील होण का नाता अपणा-अपणा जीवन से पिता परमेस्वर की बडै कैरा।

गढवली नयो नियम

²⁰ पिता परमेश्वर ल यीशु मसीह तैं भेजि के अर यीशु ल सूली पर अफ तैं बलिदान कैरी के, हम एक बड़ी कीमत चुकै के छुड़ै, इलै अपड़ी देह का द्वारा पिता परमेश्वर की महिमा कैरा।

1 कुरिन्थि 6:20 ပူးပေါင်းရင်းမြစ်များ

मत्ती 5:16

ठिक इन्‍नि तुमरो उज्याळु भि लोगु का समणि चमकण चयेणु, ताकि लोग तुमरा भला कामों तैं देखि के तुमरा पिता परमेस्वर की बडै कैरा, जु की स्वर्ग मा च।”

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

रोमियों 12:1

इलै हे मेरा प्यारा भै-बैंणो, जब बटि पिता परमेस्वर न अपणी बड़ी दया तुम पर कैरी, अर मि तुम से बिन्ती करदु, कि तुम सभ्या का सभि भलै का कामों खुणि अपणा-अपणा जीवनों तैं एक बलिदान का रुप मा वे खुणि चड़ै द्‍या, अर वेकी महान सेवा खुणि खुद तैं दे द्‍या। अर या ही बात तुम खुणि सच्‍चि पूजा का जन च ज्वा की तुमतै करण चयेणी।

रोमियों 6:19

अर पिता परमेस्वर की बात तुमरा समझ से भैर छिन, इलै मि तुमतै या बात बतौण चान्दु, कि पैलि तुमुन खुद तैं ईं दुनियां का गळत कामों अर वेका विचारों खुणि खुद तैं वेका सुपुर्द कैरिके रख्युं छौ इलै तुम वेका गुलाम बणि गै छा। मगर अब मि तुम से बिन्ती करदु कि तुम परमेस्वर की सच्‍चै खुणि खुद तैं वेका सुपुर्द कैरी द्‍या, ताकि तुम वेका सेवक बणि के पवित्र लोग बणि सैका।

1 कुरिन्थि 10:31

इलै चै तुम खा या प्या, जु कुछ भि कैरा वां से पिता परमेस्वर की बडै हो।

1 कुरिन्थि 7:23

अर जब की यीशु मसीह न अपणी जान देके त्वेतै अफ खुणि खरीदयाली, इलै तू वेका अलावा कै और को गुलाम नि बण।

गलातियों 3:13

अर मसीह न हमतै नियम-कानूनों का असगार से छुड़ै, अर क्रूस पर चैड़ि के हमरा पापों को असगार खुद पर ले दिनी, किलैकि लिख्यूं च, “जु कुई भि क्रूस पर चड़ये जालु वे पर परमेस्वर को असगार लग्यूं च।”

फिलिप्पी 1:20

अर मेरी पूरि आस अर इच्छा या च, कि मि वचन तैं फैलाण मा कै भि तरीके से नि सरमौ। अर मितैं इन भि बिस्वास च, कि मेरा जीवन का द्‍वारा यीशु मसीह तैं पूरु आदर-सम्मान हमेसा मिलणु रौ, अब चै मि ज्यून्दु रौ या मोरि जौ।

इब्रानी 9:12

अर ईं दुनियां वळा तम्बू मा जब महा पुरोहित सालभर मा एक बार भितर जान्दु छौ, त उ बलिदान मा चड़यां बखरों अर बोड़ो का ल्वे तैं दगड़ा मा लि जान्दु छौ, ताकि लोगु तैं ऊं पर लग्यां पापों का इळजाम से माफी मिली जौ। अर मूसा का दियां नियम-कानूनों का मुताबिक जब लोग परमेस्वर की नजर मा अशुद्ध ह्‍वे जान्दा छा, त वु वेकी भक्‍ति का काबिल नि रौन्दा छा। अर जब तक ऊं लोगु पर बलिदान मा चड़यां बखरों अर सांड़ो को ल्वे, अर बछरों की राख छिड़के नि जौ तब तक ऊ लोग शुद्ध नि मणै जान्दा छा। मगर हमरा यीशु मसीह न इन नि कैरी, बल्किन मा वु खुद अपणु ल्वे देके वीं पवित्र जगा मा एक ही बार गै, अर इन कैरिके वेन सदनि खुणि हमतै पापों से छुटकारु दे दिनी।

1 पतरस 1:18

किलैकि तुम जणदा ही छाँ, कि तुमुन अपणा पितरों बटि गळत जीवन जीण को तौर-तरीका ही पै, वे तौर-तरीका से अब तुमुन छुटकारु पयेलि। अर यू छुटकारु तुमतै नास होण वळा सोना-चांदी की चीजों से नि मिली,

1 पतरस 2:9

पर तुम लोग परमेस्वर का द्‍वारा चुण्यां वंशज छाँ, अर राजा खुणि खास पवित्र पुरोहितों को समाज, जौं पर पिता परमेस्वर को अधिकार च। अर पिता परमेस्वर न ही तुमतै अन्धेरा मा बटि निकळि के अपणा महान उज्याळा मा बुलै, इलै अब तुम वेका कामों का बारा मा वेकी तारीफ कैरा।

2 पतरस 2:1

अर जन इस्राएली लोगु का बीच मा झूठ्‍ठा रैबर्या निकळि के ऐ गै छा, अर वु खुद तैं परमेस्वर को रैबर्या बतौन्दा छा, ठिक उन्‍नि तुम लोगु का बीच मा भि कुछ झूठ्‍ठा गुरु निकळि के आला। अर ऊ लोग झूठ्‍ठी शिक्षा को परचार बड़ी चालाकी से तुमरा बीच मा करला, इख तक कि ऊ हमरा यीशु मसीह तैं भि नकारी द्‍याला जैन ऊंतैं अपणु खून देके खरीदी, मगर इन कैरिके ऊ भौत जल्द नास ह्‍वे जाला।

दिब्य दरस 5:9

अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”