1 कुरिन्थि 6:18 - Garhwali

¹⁸ इलै हे मेरा भै-बैंणो, एक-दुसरा का दगड़ा मा गळत सम्बन्ध रखण से भागा, किलैकि दुसरा पाप मनखि का सरील तैं नुकसान नि पौंछन्दिन, मगर जु लोग गळत सम्बन्ध रखण मा लग्यां रौनदिन, वु अपणा सरील का खिलाप मा पाप करदिन।

गढवली नयो नियम

¹⁸ व्यभिचार बट्टी बचयां रावा, मनिख्युं द्वारा किये ग्यां और पाप वेकी देह तैं उथग प्रभावित नि करद जथग यु करद, पर व्यभिचार कन वलो अपड़ी ही देह का विरुद्ध मा पाप करद।

1 कुरिन्थि 6:18 ပူးပေါင်းရင်းမြစ်များ

रोमियों 1:24

इलै परमेस्वर न ऊंका मन की बुरी इच्छाओं का मुताबिक ऊंतैं ऊंका हाल पर छोड़याली, ताकि ऊ अपणा मनों की गळत इच्छाओं तैं पूरु कना रा। अर अपणा-अपणा सरील तैं एक-दुसरा का दगड़ा मा गळत सम्बन्ध रखी के खुद तैं नास कैरी द्‍या।

1 कुरिन्थि 6:9

हे मेरा भै-बैंणो, धोखा मा नि रा। क्या तुम नि जणद्‍यां इन्द्रया लोग परमेस्वर का राज का वारिस नि होला जन कि, अन्यो करण वळा, गळत सम्बन्ध रखण वळा, मूरत पूजा करण वळा, दुसरि जनानि पर गळत नजर रखण वळा, हवस रखण वळा, अर ना ही वु बैख जु कि कै दुसरा बैख का दगड़ा मा गळत सम्बन्ध रखदिन,

2 कुरिन्थि 12:21

अर मितैं ईं बात कि चिन्ता च कि जब मि तुमरा पास फिर से औलु, अर अगर जु तुमरा बीच मा भौत सा लोग अभि भि अपणा पुरणा पापों मा ही फंस्यां छिन, अर अपणा मनों मा गळत विचार रखदिन, या सरील का गळत सम्बन्ध रखणा छिन, जौन अपणा यों पापों से पस्ताप नि कैरी त मितैं तुमरि खातिर दीन होण पोड़लु, अर पिता परमेस्वर का समणि रुंण पोड़लु।

गलातियों 5:19

किलैकि जब मनखि अपणा सरील की इच्छा तैं पूरि करदु त वेका काम साफ-साफ पता लगि जनदिन, जन कि दुसरा बैख या जनानि पर गळत नजर रखण, गन्दा काम करण, हवस,

इफिसुस 5:3

अर तुम लोगु का बीच मा गळत सम्बन्ध रखण, कै भि किसम का गन्दा काम करण या लालच करण बिल्कुल भि नि होण चयेणी, किलैकि पिता परमेस्वर न तुमतै पवित्र होण खुणि बुलयूं च, इलै तुमरो सभौ पवित्र हो।

कुलुसी 3:5

इलै तुम दुनियां कि ऊं बातों खुणि अपणा पापि सभौ तैं खतम कैरी द्‍या जु कि पाप करौन्दिन, जन कि सरील का गळत सम्बन्ध रखण, अशुद्धता, हवस, बुरी इच्छा, अर लालच करण जु कि मूरत पूजा का बराबर च।

1 थिस्सलुनीकी 4:3

अर परमेस्वर की मनसा इन्‍नि च की तुम पवित्र बणा, अर खुद तैं दुसरो का दगड़ा मा गळत सम्बन्ध रखण से बच्यां रा।

1 थिस्सलुनीकी 4:5

अर बिस्वास नि करण वळा लोगु, का जन सरील का गळत सम्बन्ध रखण की इच्छा नि रखा जु की परमेस्वर तैं नि जणदिन।

2 तीमुथियुस 2:22

हे तीमुथियुस, इलै तू ज्वानी की बुरी इच्छाओं बटि बचि के रौ, अर पिता परमेस्वर की नजर मा एक धरमी जीवन जीण सीख, अर भरोसा का काबिल बण, अर एक-दुसरा का दगड़ा मा मेल-जोल अर प्यार से रौ। अर ऊं लोगु का दगड़ा मा रौ जु साफ मन से प्रभु को नौ लिनदिन, अर वे पर बिस्वास करदिन।

इब्रानी 13:4

ब्यौ सब लोगु का बीच मा आदर की बात समझै जौ, अर पति अर पत्‍नी एक-दुसरा खुणि वफादार रा, किलैकि परमेस्वर गळत सम्बन्ध रखण वळा लोगु तैं, अर एक बैख या जनानि पर गळत नजर रखण वळो तैं जरुर दण्ड द्‍यालु।

1 पतरस 2:11

हे मेरा प्यारा भै-बैंणो, तुम लोग ईं दुनियां मा परदेसी अर मुसाफिर लोगु का जन छाँ, अर मि तुम से बिन्ती करदु कि तुम ईं दुनियां कि बुरी इच्छाओं से बचि के रा, अर यू वु इच्छा छिन जु कि तुमरा आत्मा का दगड़ा मा लड़ै कनि रौनदिन।