1 कुरिन्थि 6:14 - Garhwali

¹⁴ अर जन पिता परमेस्वर न प्रभु यीशु मसीह तैं मुरदो मा बटि ज्यून्द कैरी, ठिक उन्‍नि उ हमतै भि अपणी सामर्थ से मुरदो मा बटि ज्यून्द करलु।

गढवली नयो नियम

¹⁴ यांका अलावा, हमारी देह बहुत खास छिनी, किलैकि जन कै पिता परमेश्वर ल प्रभु यीशु तैं मुर्दों मा बट्टी ज्यूँदो कनु कु अपड़ी सामर्थ कु इस्तेमाल कैरी छो, इलै उ हम तैं भि मुर्दों मा बट्टी ज्यूँदो करलो।

1 कुरिन्थि 6:14 ပူးပေါင်းရင်းမြစ်များ

खास चेलों 17:31

अर मि तुमतै बतै देन्दु, कि वेन एक दिन ठैर्युं च वे दिन उ पूरि दुनियां को न्याय धरमी रीति से करलु, अर न्याय करणु खुणि परमेस्वर न वे मनखि तैं चुण्यूं भि च, जु कि यीशु ही च। अर परमेस्वर न वेतैं मुरदो मा बटि ज्यून्दु कैरिके या बात साबित भि कैरियाली।”

खास चेलों 2:24

पर यीशु तैं परमेस्वर न मौत का बन्धनों मा बटि छुड़ै के ज्यून्दु कैरी, किलैकि या बात ह्‍वे ही नि सकदी छै कि मौत वेतैं अपणा वश मा रखो।

खास चेलों 2:32

अर ये ही यीशु तैं परमेस्वर न मौत मा बटि ज्यून्दु कैरी, अर ईं बात का गवा हम सभि छां।

रोमियों 8:11

अर पिता परमेस्वर न यीशु मसीह तैं मुरदो मा बटि ज्यून्द कैरी, अर वेकी पवित्र आत्मा तुम लोगु मा वास करदी, त जन वेन यीशु मसीह तैं मुरदो मा बटि ज्यून्द कैरी, उई तुमरा नास होण वळा सरील तैं भि अपणा पवित्र आत्मा का द्‍वारा मुरदो मा बटि ज्यून्द करलु। अर इन वु इलै करलु, किलैकि वेकी पवित्र आत्मा तुम मा भि वास करदी।

1 कुरिन्थि 15:23

अर जन पिता परमेस्वर न यीशु मसीह तैं मुरदो मा बटि सबसे पैलि ज्यून्द कैरी, ठिक उन्‍नि जब यीशु वापस आलु त ऊं सभ्यों तैं भि मौत मा बटि ज्यून्द करलु जु वे पर बिस्वास करदिन।

2 कुरिन्थि 13:4

अर या बात सच्‍च च कि जब यीशु मसीह तैं क्रूस पर चड़ये गै, त उ कमजोर लगणु छौ। मगर या बात भि सच्‍च च कि पिता परमेस्वर न वेतैं अपणी महान ताकत से मुरदो मा बटि ज्यून्द कैरी, अर अब वु सदनि खुणि ज्यून्द च। अर ठिक उन्‍नि हम भि कमजोर मनखि छां, मगर हमरु रिश्ता यीशु मसीह का दगड़ा मा भौत गैरु च, इलै तुमतै अनुसासन मा लौणु खुणि मि पिता परमेस्वर की ताकत को इस्तेमाल करलु।

2 कुरिन्थि 4:14

अर हमतै यू भि यकीन च कि जै पिता परमेस्वर न प्रभु यीशु तैं ज्यून्दु कैरी, उ हमतै भि वेका दगड़ा मा ज्यून्दु करलु, अर उ हम सभ्यों तैं यीशु का दगड़ा मा रौण खुणि अपणा समणि खड़ु भि करलु।

फिलिप्पी 3:21

अर वेका पास सब कुछ अपणा वश मा करण की ताकत च, अर वांको इस्तेमाल कैरिके उ हमरा नास होण वळा सरील तैं कभि नास नि होण वळा सरील मा बदलि द्‍यालु।

1 थिस्सलुनीकी 4:14

किलैकि हम यू बिस्वास करद्‍यां, कि यीशु मोरि अर फिर ज्यून्दु भि ह्‍वे गै। इलै हम इन भि बिस्वास करद्‍यां, कि जब यीशु मसीह वापस आलु तब जु लोग वे पर बिस्वास कैरिके मोरि गैनी, ऊं बिस्वासियों तैं भि परमेस्वर मौत बटि ज्यून्दु करलु, अर वु भि यीशु का दगड़ा मा आला।