1 कुरिन्थि 5:8 - Garhwali

⁸ अर तुम जु यीशु मसीह पर बिस्वास करद्‍यां, इलै हरेक किसम कि बुरै अर दुसमनी तैं छोड़ि द्‍या, किलैकि यां मा तुमरि कुई भलै नि च। त आ, हम ईं सच्‍चि शिक्षा को पालन कैरा, अर वु भि बड़ी इमानदारी से।

गढवली नयो नियम

⁸ इलै मि बुल्दो कि, हम तैं हमेशा पिता परमेश्वर का पवित्र लुखुं का जन बरतौ कन चयणु च; हम तैं बुरा ढंग ल अपड़ो जीवन नि जींण चयणु च, जन कि हम ल मसीह पर विश्वास कन से पैली कैरी छो, यांका बजाय, हम तैं पिता परमेश्वर की आज्ञाओं तैं मनण चयणु च अर हमेशा ईमानदार अर सचो हूंण चयणु च।

1 कुरिन्थि 5:8 ပူးပေါင်းရင်းမြစ်များ

मत्ती 16:12

तब जैके ऊंकी समझ मा ऐ कि यीशु रुट्‍टीयों का खमीर का बारा मा ना, बल्किन मा फरीसी अर सदूकी दल का लोगु की शिक्षा से बचि के रौणु कू बोन्‍नु छौं।

मत्ती 16:6

तब यीशु न ऊंतैं चितै के बोलि, “सुणा, फरीसी अर सदूकी दल का लोगु का खमीर से बचि के रा।”

मरकुस 8:15

वेन ऊंतैं चितै के बोलि, “सुणा, फरीसी दल का लोगु अर हेरोदेस अन्तिपास का खमीर से बचि के रा।”

लूका 12:1

अर जब यीशु शास्‍त्री का इख बटि ऐ गै, त यीशु तैं मिलणु खुणि बिजांम लोगु की भीड़ इकट्‍ठा ह्‍वे गै, अर लोगु की संख्या इथगा छै, कि वु एक-दुसरा पर फरक्योंणा छा। तब यीशु न सबसे पैलि अपणा चेलों कू बोलि कि, “सुणा, फरीसी लोगु का ढोंग रुपी खमीर से चौकस रा।

यूहन्ना 1:47

यीशु न नतनएल तैं अपणी तरफा औन्द देखि के वेका बारा मा बोलि, “देखा, यू सच्‍चु इस्राएली च जैमा कुई कपट नि च।”

1 कुरिन्थि 3:3

किलैकि तुम अभि भि दुनियां की बातों का मुताबिक ही चलद्‍यां। अर या बात मि इलै बोन्‍नु छौं, किलैकि तुम लोग एक-दुसरा तैं देखि के खार खन्द्‍यां अर तुमरा बीच मा झगड़ा भि होनदिन। त अब तुम मितैं इन बता क्या फिर तुम दुनियां का लोगु का जन नि छाँ? अरे, तुम त ऊंका जन ही चाल चलणा छाँ।

1 कुरिन्थि 5:1

हे मेरा दगड़्यों, तुमरा इख बटि मेरा पास इन खबर ऐ, कि तुमरा बीच मा गळत सम्बन्ध रखै जाणा छिन, अर वु भि इन्द्रया गळत सम्बन्ध जु की वु लोग भि नि रखदिन जु कि बिस्वासी नि छिन। किलैकि मिन इन सुणी कि एक आदिम न अपणी सौतेली माँ तैं अपणु बणैयालि।

1 कुरिन्थि 5:6

अर तुमतै क्या लगदु, कि बड़ु मोन कन ठिक बात च? अर क्या तुम नि जणद्‍यां कि, “अगर थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु।”

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

2 कुरिन्थि 2:17

अर हम ऊं ठगों की तरौं नि छां जु कि अपणा फैदा खुणि परचार को काम करदिन, पर हम त शुभ समाचार तैं बड़ी इमानदारी से सुणौन्द्‍यां, अर यीशु मसीह का द्‍वारा दियां अधिकार से परमेस्वर का वचन को परचार करद्‍यां। अर यू सब हम इन जाणि के करद्‍यां कि पिता परमेस्वर हमतै दिखणु च।

2 कुरिन्थि 8:8

हे मेरा दगड़्यों, इन बोलि के मि तुमतै कुई आदेस नि देणु छौं, बल्किन मा मि तुमरो ध्यान ईं बात पर लगौण चाणु कि तुमरो प्यार कथगा सच्‍चु च अर तुमतै दुसरो की कथगा चिन्ता च।

इफिसुस 6:24

अर जु लोग हमरा प्रभु यीशु मसीह से कभि नि खतम होण वळु प्यार करदिन, ऊं सभ्यों पर परमेस्वर की किरपा होणी रौ। आमीन।

1 पतरस 4:2

अर अब हम अपणा बच्यां जीवन तैं ईं दुनियां की इच्छा का मुताबिक ना, बल्किन मा परमेस्वर की मनसा का मुताबिक चला।