1 कुरिन्थि 5:7 - Garhwali

⁷ अर जन यहूदी लोग फसह का त्योवार तैं मनौण से पैलि अपणा-अपणा घौर बटि खमीर तैं निकाळि के ढोळि देन्दिन, ठिक उन्‍नि तुम भि वे आदिम तैं अपणा समुदाय बटि बेदखल कैरी द्‍या, किलैकि तुम यीशु मसीह पर बिस्वास करद्‍यां अर पवित्र छाँ। अर एक उई त च जु हमतै पापों से छुटकारु देण का खातिर मेम्‍ना का रुप मा बलिदान किये गै।

गढवली नयो नियम

⁷ जन ही फसह कु त्यौहार मनांण से पैली यहूदी लोग अपड़ा घौरों बट्टी सभि खमीर तैं निकलदींनि, इलै तुम तैं यु अनैतिक आदिम तैं मण्डलि बट्टी भैर निकाली दींण चयणु च। फिर तुम रुठी जन हवे जांण ज्यांमा खमीर नि हूंद; ज्यांको मतलब च कि तुम एक विश्वासियों कु झुंड हवेला, जै झुंड मा पाप नि होलो किलैकि जब तुम ल मसीह पर विश्वास कैरी, तब पिता परमेश्वर ल तुम तैं भितर बट्टी शुद्ध कैरी। किलैकि मसीह ल हम तैं अपड़ा बलिदान का द्वारा हमारा पापों बट्टी छुटकारो द्ये।

1 कुरिन्थि 5:7 ပူးပေါင်းရင်းမြစ်များ

मत्ती 13:33

अर यीशु न ऊंतैं एक और उदारण देके बोलि, “परमेस्वर को राज खमीर का जन च जैतैं एक जनानि न तीन पाथा आटा मा खमीर मिलै, अर उ पूरु आटु खमीर बणि गै।”

मरकुस 14:12

अर तब अखमीरी रुट्‍टी का त्योवार को पैलु दिन ऐ, अर ये दिन पर लोग फसह का त्योवार खुणि मेम्‍ना को बलिदान करदिन। तब चेलों न यीशु बटि पूछी, “गुरुजी, तुम कख चन्द्‍यां, कि हम तुम खुणि फसह खाण की तयारी कैरा?”

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

यूहन्ना 1:36

अर वेन यीशु तैं जान्द देखि के बोलि, “अफार देखा, यू परमेस्वर को भेज्यूं मेम्‍ना च।”

यूहन्ना 19:14

अर यू दिन फसह का त्योवार की तयारी को दिन छौ। अर उबरि दिन की करीब बारह बजणी छै। तब पिलातुस न यहूदियों खुणि बोलि, “देखा तुमरो राजा।”

रोमियों 3:25

अर या पिता परमेस्वर की योजना छै, ज्वा कि वेन मनखि का समणि रखी कि लोग अपणा-अपणा पापों से पस्ताप कैरा। इलै वेन यीशु मसीह तैं ईं दुनियां मा भेजि अर वेको ल्वे क्रूस पर बुगये गै, ताकि जु कुई वे पर बिस्वास कैरो, पिता परमेस्वर वेका पापों अर वे पर लग्यां इळजामो तैं माफ कैरी सैको। अर पुरणा जमना मा वेन लोगु का पापों का हिसाब से ऊंतैं जादा दण्ड नि दिनी अर इन वेन इलै कैरी, किलैकि उ धरमी अर सबर रखण वळु च।

1 कुरिन्थि 10:17

जब कि बिस्वास मा त हम भौत सा लोग छां, मगर फिर भि हमरि रुट्‍टी एक ही च, अर वु यीशु मसीह च। अर अलग-अलग होण का बाद भि हम मसीह मा एक छां।

इफिसुस 4:22

इलै अपणा-अपणा जीवन का वे पुरणा बुरा चाल-चलन तैं छोड़ि द्‍या, जु कि भरमौण वळी इच्छाओं तैं रखदु, अर अपणा बुरा सभौ का मुताबिक बिस्वासी लोगु तैं भ्रष्‍ट कैरी देन्दु।

दिब्य दरस 5:12

अर ऊ ऊँची आवाज मा इन गाणा छा कि, “हे बलिदान होयां मेम्‍ना तुमरि ताकत अर सामर्थ, तुमरो धन, अकल अर आदर-सम्मान, अर तुमरि बडै होणी रौ, किलैकि तुम ही तारीफ पौण का लैख छाँ।”