1 कुरिन्थि 4:19 - Garhwali

¹⁹ पर अगर जु प्रभु कि मनसा ह्‍वेलि, त मि भौत जल्द ही तुमरा पास औलु। अर जु लोग बड़ु मोन कैरिके फूली गैनी, मि उख पौंछी के ऊंतैं दिखलु की ऊंकी शिक्षा क्या च? क्या ऊंमा परमेस्वर की सामर्थ छैई च या ना।

गढवली नयो नियम

¹⁹ पर जु प्रभु कि मनसा हवेलि त मि तुम म भौत जल्दी औलु, अर उ जु बड़ो मोन का हवे गैनी ऊं तैं न पर ऊंकी शिक्षाओं अर सामर्थ तैं भि जांणि जौलु।

1 कुरिन्थि 4:19 ပူးပေါင်းရင်းမြစ်များ

खास चेलों 18:21

अर जब पौलुस उख बटि जाण लगि गै, त वेन इन बोलि के ऊं बटि विदै ले कि, “अगर जु परमेस्वर की इच्छा होलि, त मि तुम लोगु का पास फिर औलु।” तब पौलुस न इफिसुस नगर बटि पाणि का जाज से अपणी यात्रा शुरु कैरी।

खास चेलों 19:21

अर यों सब बातों का बाद पौलुस न मकिदुनिया अर अखया मुलकों बटि ह्‍वेके यरूशलेम नगर जाण को विचार कैरी, अर वेन अपणा मन मा सोची कि, “वेका बाद त मितैं रोम भि जाण जरुरी च।”

खास चेलों 20:2

अर वे पूरा मुलक मा जान्द दौं वेन प्रभु का भौत सा वचनों का द्‍वारा बिस्वासी लोगु की हिम्मत बढै, अर तब पौलुस इख बटि निकळि के यूनान देस कू चलि गै।

रोमियों 15:32

अगर पिता परमेस्वर की इच्छा इन्‍नि होलि, त मि तुमरा पास बड़ी खुशी से औलु, अर तुमरा पास ऐके कुछ आराम करलु अर नयू जोस पौलु।

1 कुरिन्थि 11:34

अर अगर कैतैं जादा ही भूक लगि च, त वु अपणा घौर मा पैलि ही खै ल्यो, ताकि इकट्‍ठा होण का बगत पर तुम दण्ड पौण की वजा नि बणा। अर जु-जु बात अभि भि रै गैनी ऊं सब बातों तैं मि फिर से तुमरा पास ऐके खुद ही सुधारी द्‍यूलु।

1 कुरिन्थि 14:5

मि चान्दु, कि तुम सभ्या का सभि ऊं सब भाषाओं मा बात कैरा, जु कि तुमुन सिखी नि छिन, मगर मि इन भि चान्दु, कि तुम सभ्या का सभि भविष्यबाणी कैरा, किलैकि जु मनखि भविष्यबाणी करदु उ वे मनखि से बढी के च जु अलग-अलग भाषा मा बात करदु। अर अगर दुसरि भाषा बोन्‍न वळु मनखि अपणी बातों को मतलब आम बोल-चाल मा नि बतै सैको, त वेकी बुलिं बातों से बिस्वासी समुदाय का लोग मजबूत नि ह्‍वे सकदिन।

1 कुरिन्थि 16:5

हे मेरा दगड़्यों, मिन मकिदुनिया मुलक कू जाण, अर मि इन सुचणु छौं कि उख बटि मि सीदा तुमरा इख औंऽऽ,

1 कुरिन्थि 16:7

अर मि नि चान्दु कि मि अभि बाटा मा तुम से बस मुलाकात कैरिके चलि जौ, अगर प्रभु कि मनसा होलि, त मि तुमरा दगड़ा मा कुछ बगत तक रौण चान्दु।

1 कुरिन्थि 2:6

हे मेरा दगड़्यों, जब मि कैतैं सिखौन्दु, त वे बगत मि मनखि का ज्ञान का मुताबिक बात नि करदु, मगर यीशु मसीह पर बिस्वास कैरिके जु ज्ञान मितैं मिलदु मि वेका मुताबिक ही बात करदु। अर यू सब त वेका पिछनै अटल ह्‍वेके चलण से मिलदु। अर ना ही मि ईं दुनियां का ज्ञानी अर अधिकारी लोगु का जन बात करदु। पर सुणा, ईं दुनियां का अधिकारीयों को अधिकार खतम होण वळु च।

1 कुरिन्थि 4:18

अर कुछ लोग त बड़ु मोन कैरिके इन फूली गैनी, जन कि मिन अब तुमरा बीच मा औण ही नि होलु।

1 कुरिन्थि 4:6

हे मेरा भै-बैंणो, मिन तुमरा फैदा का बानो ही अपणु अर अपुल्‍लोस भै को उदारण देके तुमतै यू बात बतैनि, ताकि तुम लोग हमरा उदारण से या बात सिखी जा कि, “जन लिख्यूं च वेसे भैर नि जाण।” अर या बात अच्छी नि च कि तुम महान बणण कि कोसिस कैरा, अर फिर कै एक मनखि का तरफा ह्‍वे जा, अर दुसरो को तिरिस्कार कैरा।

2 कुरिन्थि 1:23

अर मि तुमतै बतै देन्दु कि मि तुमरा पास कुरिन्थि नगर मा इलै नि औंऽऽ, ताकि तुम मेरी फटकार से बचि जा, अर या बात सच्‍च च अर यां को गवा पिता परमेस्वर च।

2 कुरिन्थि 10:9

हे मेरा दगड़्यों, मि या चिठ्‍ठी तुम खुणि इलै नि लिखणु, कि तुम यों तैं पैढी के डौऽरी जा।

इब्रानी 6:3

इलै अब जब पिता परमेस्वर की मनसा च त तुमतै भि बच्‍चा नि रौण चयेणु, बल्किन मा बड़ु ह्‍वे जाण चयेणु।

याकूब 4:15

इलै तुमतै इन बोन्‍न चयेणु कि, “अगर जु प्रभु की मनसा ह्‍वेलि, त हम बच्यां रौला, अर ये काम या वे काम तैं करुला।”