1 कुरिन्थि 4:15 - Garhwali

¹⁵ हालांकि, सच्‍चै का बाटा पर चलौणु खुणि तुमरा पास सिखौण वळा हजारों गुरु ह्‍वे सकदिन, मगर तुमरा भौत बुबा नि छिन। ठिक उन्‍नि मि भि तुम खुणि एक बुबा का जन बणि ग्यों, किलैकि मिन ही तुमतै शुभ समाचार का बारा बतै, अर मेरा द्‍वारा ही तुमुन प्रभु यीशु मसीह पर बिस्वास कैरी।

गढवली नयो नियम

¹⁵ चाहे मसीह मा तुम्हरा मार्गदर्शन कनु कु हजारों अगुवा किलै नि हों, पर मि ही एक पिता का जन छों, किलैकि मि पैली आदिम छों, जु तुम मा शुभ सन्देश ले के औं, जैका द्वारा तुम ल मसीह यीशु पर विश्वास कैरी।

1 कुरिन्थि 4:15 ပူးပေါင်းရင်းမြစ်များ

रोमियों 15:20

पर मेरा मन कि इच्छा या च कि जख-जख यीशु मसीह का नौ को परचार अभि तक नि ह्‍वे, मि उख-उख जैके शुभ समाचार सुणौ, ताकि कखि इन ना हो कि लोग बोला कि यू त दुसरा लोगु का कर्यां काम मा अपणु हक दिखाणु च।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

1 कुरिन्थि 15:1

हे मेरा भै-बैंणो, जु शुभ समाचार मिन तुमतै पैलि सुणै छौं, वेतैं तुमुन स्वीकार कैरी, अर वेमा तुम अटल भि छाँ, उई वचन मि तुमतै याद दिलौणु छौं।

1 कुरिन्थि 3:10

अर मि वे जानकार मिस्‍त्री का जन छौं, जु कि मजबूत घौर बणौन्दु अर बुनियाद का डांग तैं बड़ी मजबूती से रखदु, अर यू दान मितैं पिता परमेस्वर न देई। अर इन्‍नि और लोग भि छिन, जु कि मेरी रखी बुनियाद पर घौर बणौण को काम कना छिन, मगर जरुरी बात त या च कि हरेक मिस्‍त्री अच्छी चिणैं कनु च।

1 कुरिन्थि 3:6

मिन सिरफ सच्‍चि शिक्षा की पौद लगै, त अपुल्‍लोस न वीं पौद की देख-रेख कैरी, मगर परमेस्वर ही च जु कि वीं पौद तैं बढौन्दु,

1 कुरिन्थि 3:8

पौद लगौण वळु अर देख-रेख करण वळु दुईया का दुई एक ही जन छिन, अर ऊंतैं ऊंकी मेनत का मुताबिक ध्याड़ि दिये जालि, हाँ, जु कुछ भि हमुन कैरी।

1 कुरिन्थि 9:12

अर जब दुसरा लोग तुम पर इन हक जतै सकदिन, त क्या हमरु तुम पर और भि जादा हक नि बणदु? पर फिर भि हमुन इन नि कैरी। अर इन हमुन इलै कैरी, ताकि हम मसीह का शुभ समाचार का परचार मा कुई रुकावट नि बणा, इलै हम हरेक दुख तैं सौणा छां।

1 कुरिन्थि 9:14

ये ही ढंग से प्रभु न भि ठैरै कि जु लोग शुभ समाचार सुणौन्दिन, ऊंकी कमै शुभ समाचार का द्‍वारा ही हो।

1 कुरिन्थि 9:16

अर जु शुभ समाचार मि सुणौन्दु, वीं बात पर मिन बड़ु मोन नि कैरी, किलैकि यू काम मेरु अपणु च। अगर जु मि शुभ समाचार नि सुणौलु, त मि पर हाय च।

1 कुरिन्थि 9:18

अर इन्दरि हालत मा मितैं कुई इनाम नि मिलण। मगर जब मि शुभ समाचार को परचार करदु, त वेका बदला मा मि कै बटि कुछ नि लेन्दु। अर ना ही मि शुभ समाचार मा अपणा अधिकारो को इस्तेमाल करदु।

1 कुरिन्थि 9:23

अर यू सब कुछ मि शुभ समाचार की वजै से करदु, ताकि मि शुभ समाचार तैं दुसरो लोगु मा बांटि सैकु।

2 कुरिन्थि 4:5

अर हम लोग अपणु परचार नि कना छां, बल्किन मा हम त यू परचार कना छां कि यीशु मसीह ही प्रभु च। अर हम भि वेकी आज्ञा को पालन कैरिके दीन बणयां, ताकि हम तुमरि सेवा कैरी सैका।

गलातियों 3:24

इलै जबरि तक हम यीशु मसीह पर बिस्वास करण वळा नि ह्‍वे ग्यां, तबरि तक ऊं नियम-कानूनों न हमतै सिखै अर हमरि इन जबाबदारी छै कि हम ऊं नियम-कानूनों का मुताबिक चला। पर अब यीशु मसीह पर बिस्वास करण से हम नियम-कानूनों से आजाद ह्‍वे ग्यां, अर परमेस्वर की नजर मा धरमी ठैरै ग्यां।

गलातियों 3:25

अर अब जब हम खुणि बिस्वास करण को एक बाटु खुलि गै, इलै हम नियम-कानून का अधीन नि छां।

गलातियों 4:19

हे मेरा बच्‍चों, मि तुम खुणि फिर से परसव जन पीड़ा सौंणु छौं। अर या पीड़ा तब तक राली, जबरि तक मसीह को रुप तुमरा भितर फिर से बणि के तयार नि ह्‍वे जौ।

2 तीमुथियुस 4:3

किलैकि इन्द्रयो बगत आलु, कि लोग सच्‍चा उपदेस तैं सुनण पसन्द नि करला। अर अपणा मन की बुरी इच्छाओं का मुताबिक खुद खुणि इन्द्रया उपदेस देण वळो तैं इकट्‍ठा करला, जु कि इन्दरि बात ऊंतैं सिखाला जु ऊंतैं सुनण मा अच्छी लगदी हो।

तीतुस 1:4

अर तीतुस या चिठ्‍ठी मि त्वे खुणि लिखणु छौं, किलैकि हम दुईया का दुई एक ही प्रभु पर बिस्वास करद्‍यां। इलै तू मेरा सच्‍चा नौना का जन छैई। अर मि प्रार्थना करदु कि, पिता परमेस्वर अर हमतै बचौण वळा प्रभु यीशु मसीह की किरपा अर शान्ति त्वेतै मिलु।

फिलेमोन 1:19

अर मि पौलुस खुद अपणा हाथळ त्वे खुणि लिखणु छौं, कि मि ऐके सब कुछ चुकै द्‍यूलु। अर मितैं यू याद दिलौण कि कुई जरुरत नि च कि तेरु पराण ही मेरु करजदार च।

याकूब 1:18

अर वेन अपणी इच्छा का मुताबिक सच्‍चा वचन का द्‍वारा हमतै नयू जनम देई, ताकि जु कुछ भि वेन बणै ऊं सभ्यों मा बटि हम पैलु इनाम बणि जा।

1 पतरस 1:23

किलैकि तुमतै एक नयू जीवन दिये गै, जु कि वे बीज का जन च जु कि कभि खतम नि ह्‍वे सकदु, बल्किन मा यू त पिता परमेस्वर का वचन द्‍वारा दियूं च, जु कि ज्यून्द अर सदनि तक रौण वळु च।