1 कुरिन्थि 3:8 - Garhwali

⁸ पौद लगौण वळु अर देख-रेख करण वळु दुईया का दुई एक ही जन छिन, अर ऊंतैं ऊंकी मेनत का मुताबिक ध्याड़ि दिये जालि, हाँ, जु कुछ भि हमुन कैरी।

गढवली नयो नियम

⁸ मिल तुम तैं शुभ संदेश सुणये अर परमेश्वर का वचन तैं सिखांण शुरू कैरी, अर अपुल्लोस तुम तैं लगातार सिखांणु ही रै, पर हम द्वीयूँ कु एक ही मकसद च, कि हर एक मनिख अपड़ी ही मेहनत का अनुसार पिता परमेश्वर बट्टी ईनाम पौ।

1 कुरिन्थि 3:8 ပူးပေါင်းရင်းမြစ်များ

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

लूका 19:19

अर वेन वेकू बोलि, ‘तू भि पांच नगरों को अधिकारी ह्‍वे जा।’

रोमियों 2:6

अर पिता परमेस्वर हरेक मनखि बटि वेका कामों का मुताबिक हिसाब-किताब ल्यालु।

1 कुरिन्थि 15:58

इलै हे मेरा प्यारा भै-बैंणो, तुम मजबूत बणा अर बिस्वास मा अटल बणयां रा। अर खुद तैं प्रभु का सुपुर्द कैरी द्‍या, किलैकि तुम जणदा ही छाँ कि तुमरि कठिन मेनत प्रभु मा बेकार नि जान्दी।

1 कुरिन्थि 3:14

अगर कै मनखि कि चिणीं दिवाल बुनियाद समेत टिकी राली, त न्याय का दिन पर वेतैं वेको इनाम जरुर मिललु।

1 कुरिन्थि 3:7

इलै जैन पौद लगै या जैन वेकी देख-रेख कैरी वु कुछ खास नि छिन, मगर पिता परमेस्वर ही सब कुछ च, जु कि वेतैं बढौन्दु।

1 कुरिन्थि 3:9

अर हम पिता परमेस्वर की सेवा करण वळा छां। अर हम तुम लोगु की भलै खुणि ही काम कना छां, किलैकि तुम लोग पिता परमेस्वर को पुंगड़ु छाँ जैमा मेनत किये जाणि च, अर अब वेमा घौर बणण की तयार होणी च।

1 कुरिन्थि 4:15

हालांकि, सच्‍चै का बाटा पर चलौणु खुणि तुमरा पास सिखौण वळा हजारों गुरु ह्‍वे सकदिन, मगर तुमरा भौत बुबा नि छिन। ठिक उन्‍नि मि भि तुम खुणि एक बुबा का जन बणि ग्यों, किलैकि मिन ही तुमतै शुभ समाचार का बारा बतै, अर मेरा द्‍वारा ही तुमुन प्रभु यीशु मसीह पर बिस्वास कैरी।

1 कुरिन्थि 9:7

अर इन्द्रयो सिपै कु च, जु सेवा मा हो मगर अपणु खर्च खुद ही उठौन्दु हो? अर इन्द्रयो मनखि कु च, जु अंगूर का बगिचा बणवौ, मगर वेका फल नि खौऽ? या इन्द्रयो चरवाह कु च जु भेड़ों की देखभाल करदु हो, मगर ऊंको दूद नि पीन्दु हो?

गलातियों 6:4

इलै हरेक मनखि तैं अपणा-अपणा काम की जाँच-पड़ताल करण चयेणी, अर अपणी तुलना दुसरो का कामों का दगड़ा मा नि करण चयेणी, तब जु कुछ भि तुमुन कैरी होलु वे काम पर तुमतै गर्व होलु।

गलातियों 6:5

किलैकि हरेक मनखि न अपणी-अपणी जबाबदारी खुद ही उठौण।

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

1 पतरस 5:4

अर जब परधान चरवाह यीशु परगट होलु, त तुमतै वु मुकुट मिललु जैकी सान कभि खतम नि होलि।

2 यूहन्ना 1:8

अर जै काम खुणि हमुन मेनत कैरी, कखि तुम वेतैं हरचै नि द्‍या, इलै अपणा जीवनों खुणि चेतन रा, ताकि तुमतै वेको इनाम मिली सैको।

दिब्य दरस 2:23

मि वींका बच्‍चों तैं महामारी भेजि के मरलु, ज्यां से कि बिस्वासी समुदाय का सब लोग जाणि जाला कि मि उई छौं जु कि मनखियों का मन अर दिल की बातों तैं जणदु च, अर मि हरेक तैं वेका कामों का हिसाब से द्‍यूलु।

दिब्य दरस 22:12

तब यीशु न मिकू बोलि, “देख मि जल्द ही औण वळु छौं, अर हरेक मनखि तैं वेका कामों का मुताबिक बदला मा दिये जालु।