1 कुरिन्थि 3:16 - Garhwali

¹⁶ क्या तुम नि जणद्‍यां कि तुम लोग परमेस्वर का मन्दिर छाँ? अर परमेस्वर की पवित्र आत्मा तुम मा वास करदी,

गढवली नयो नियम

¹⁶ सच मा तुम जंणदा छा, कि तुम पिता परमेश्वर कु मन्दिर छा, अर पिता परमेश्वर कु पवित्र आत्मा तुम मा रौंदो च।

1 कुरिन्थि 3:16 ပူးပေါင်းရင်းမြစ်များ

यूहन्ना 14:17

अर दुनियां का लोग वेतैं स्वीकार नि कैरी सकदिन, किलैकि ऊ नऽ त वेतैं दिखदिन अर ना ही जणदिन। पर तुम वेतैं जणदा छाँ, किलैकि उ तुमरा दगड़ा मा रौन्दु च अर उ तुम मा होलु।

रोमियों 6:16

अर क्या तुम नि जणद्‍यां, जब तुम खुद तैं एक गुलाम की तरौं दुसरो का सुपुर्द कैरी देन्द्‍यां, तब तुम उई काम करद्‍यां, जन तुमरो मालिक चान्दु। अर ठिक उन्‍नि जु मनखि पाप की सेवा करदु वेका बदला मा वे खुणि मौत रखी च, अर जु मनखि पिता परमेस्वर की आज्ञा को पालन करदु वांका बदला मा वे खुणि सदनि को जीवन रख्युं च।

रोमियों 6:3

क्या तुम लोग या बात नि जणद्‍यां कि यीशु मसीह का नौ का द्‍वारा पाणि मा डुबकी लेके जु बपतिस्मा हमतै मिली, वेका द्‍वारा हम वेकी मौत मा भि हिस्सेदार बण ग्यां?

रोमियों 8:11

अर पिता परमेस्वर न यीशु मसीह तैं मुरदो मा बटि ज्यून्द कैरी, अर वेकी पवित्र आत्मा तुम लोगु मा वास करदी, त जन वेन यीशु मसीह तैं मुरदो मा बटि ज्यून्द कैरी, उई तुमरा नास होण वळा सरील तैं भि अपणा पवित्र आत्मा का द्‍वारा मुरदो मा बटि ज्यून्द करलु। अर इन वु इलै करलु, किलैकि वेकी पवित्र आत्मा तुम मा भि वास करदी।

रोमियों 8:9

पर अगर जु पिता परमेस्वर को पवित्र आत्मा सच्‍चि मा तुम मा वास करदु, त ईं बात तैं जाणि ल्या, कि तुम लोग ईं दुनियां मा पाप का वस मा नि छाँ, बल्किन तुम मा पवित्र आत्मा को वास च। अर जै मनखि मा प्रभु यीशु को पवित्र आत्मा वास नि करदु, वु मनखि यीशु मसीह को नि ह्‍वे सकदु।

1 कुरिन्थि 3:17

अगर कुई परमेस्वर का मन्दिर तैं नास करलु त परमेस्वर वेतैं नास करलु, किलैकि परमेस्वर को मन्दिर पवित्र च, अर वु मन्दिर तुम छाँ।

1 कुरिन्थि 3:9

अर हम पिता परमेस्वर की सेवा करण वळा छां। अर हम तुम लोगु की भलै खुणि ही काम कना छां, किलैकि तुम लोग पिता परमेस्वर को पुंगड़ु छाँ जैमा मेनत किये जाणि च, अर अब वेमा घौर बणण की तयार होणी च।

1 कुरिन्थि 5:6

अर तुमतै क्या लगदु, कि बड़ु मोन कन ठिक बात च? अर क्या तुम नि जणद्‍यां कि, “अगर थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु।”

1 कुरिन्थि 6:16

अर क्या तुम यू भि नि जणद्‍यां, कि जब एक मनखि कै वेश्या का दगड़ा मा सिन्दु, त वु दुईया का दुई एक बदन ह्‍वे जनदिन? किलैकि परमेस्वर इन बुल्दु कि, “वु दुईया का दुई एक सरील होला।”

1 कुरिन्थि 6:19

क्या तुम नि जणद्‍यां, कि तुमरो सरील पवित्र आत्मा को मन्दिर च? जु कि तुमतै पिता परमेस्वर की तरफा बटि मिल्यूं च, अर तुमरा भितर वास करदु,

1 कुरिन्थि 6:9

हे मेरा भै-बैंणो, धोखा मा नि रा। क्या तुम नि जणद्‍यां इन्द्रया लोग परमेस्वर का राज का वारिस नि होला जन कि, अन्यो करण वळा, गळत सम्बन्ध रखण वळा, मूरत पूजा करण वळा, दुसरि जनानि पर गळत नजर रखण वळा, हवस रखण वळा, अर ना ही वु बैख जु कि कै दुसरा बैख का दगड़ा मा गळत सम्बन्ध रखदिन,

1 कुरिन्थि 9:13

अर क्या तुम नि जणद्‍यां, कि जु लोग मन्दिर मा सेवा करदिन, ऊ मन्दिर का खाणुक तैं भि खनदिन, अर जु वेदी का पास सेवा करदिन वु वेदी मा चड़ईं भेंट मा बटि खनदिन?

1 कुरिन्थि 9:24

हे मेरा भै-बैंणो, तुम त जणदा ही छाँ कि दौड़ मा त सब लोग भगदिन, मगर इनाम त एक आदिम लि जान्दु। इलै तुम भि उन्‍नि भागा ताकि जीत जा।

2 कुरिन्थि 6:16

अर मनखि खुद परमेस्वर को मन्दिर च, किलैकि ज्यून्द परमेस्वर अपणी पवित्र आत्मा का द्‍वारा हम मा रौन्दु, इलै मूरतों का दगड़ा मा परमेस्वर का मन्दिर को कुई रिश्ता नि च। अर जन कि पवित्रशास्‍त्र मा भि लिख्यूं च की परमेस्वर इन बुल्दु कि, “मि ऊंमा रौलु, अर ऊंका दगड़ा मा चललु, अर मि ऊंको परमेस्वर होलु, अर ऊ मेरा लोग होला।”

1 तीमुथियुस 3:15

किलैकि अगर जु मेरा औण मा देर ह्‍वे जालि त त्वेतै इन पता होण चयेणु, कि परमेस्वर का परिवार मा एक मनखि तैं कनकै रौण चयेणु। किलैकि यू त ज्यून्दा परमेस्वर को बिस्वासी समुदाय च अर यू बिस्वासी लोग शुभ समाचार की सच्‍चै को एक खम्बा अर बुनियाद का जन छिन।

2 तीमुथियुस 1:14

अर जै शुभ समाचार की शिक्षा त्वेतै दिईं च तू वीं शिक्षा तैं ऊं बटि बचै के रख जु गळत शिक्षा तैं देन्दिन, अर यू सब कुछ त्वेमा रौण वळा पवित्र आत्मा की मदद से किये जौ।

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

याकूब 4:4

हे बिस्वासघात करण वळा लोगु, क्या तुम नि जणद्‍यां, कि दुनियां की बुरी बातों से प्यार करण को मतलब, परमेस्वर बटि नफरत करण च? इलै जु कुई ईं दुनियां की बुरी बातों से प्यार करदु, उ खुद अफ तैं परमेस्वर को दुसमन बणै देन्दु।

1 पतरस 2:5

त तुम भि वे ज्यून्दा ढुंगा का जन आत्मिक घौर बणि जन्द्‍यां। अर यू काम इलै किये जान्दु, ताकि तुम पवित्र पुरोहितों को एक दल बणि जा, अर यीशु मसीह का द्‍वारा पिता परमेस्वर खुणि इन आत्मिक बलिदान चड़ा जु कि वेतैं स्वीकार हो।

1 यूहन्ना 4:12

अर कैन भि परमेस्वर तैं कभि नि देखि, पर अगर जु हम एक-दुसरा से प्यार करद्‍यां, त पिता परमेस्वर हम मा वास करदु, अर वेको प्यार हम मा सिद्ध ह्‍वे जान्दु।