1 कुरिन्थि 3:13 - Garhwali

¹³ अर जब प्रभु सब लोगु को न्याय करलु, त हरेक मनखि का काम परगट ह्‍वे जाला कि वेन कन काम कैरी, किलैकि जन सोने की परख आग से किये जान्दी, ठिक उन्‍नि आग सब कुछ परगट कैरी द्‍याली अर इन साबित करली कि हरेक मनखि का काम कन्द्रया छिन।

गढवली नयो नियम

¹³ पर जब पिता परमेश्वर सभियूं कु न्याय करलो, त आग हर एक आदिम का कामों तैं प्रगट कैरी द्याली; अर व आग हर एक का कामों तैं परखैलि कि कन छिनी।

1 कुरिन्थि 3:13 ပူးပေါင်းရင်းမြစ်များ

मत्ती 10:15

अर मि तुमतै सच्‍चि मा बतै देन्दु, कि जन हालत सदोम अर अमोरा की खराब ह्‍वे छै, वे नगर की हालत वेसे भि खतरनाक खराब होलि।”

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

लूका 2:35

अर येका द्‍वारा भौत सरा लोगु का मनों का विचार परगट ह्‍वे जाला। अर मरियम सुण, एक तलवार तेरी जिकुड़ी का आर-पार छेद कैरी द्‍याली।”

रोमियों 2:16

अर यू सब कुछ आखिरी का दिन मा होलु, जब पिता परमेस्वर यीशु मसीह का द्‍वारा लोगु का गुप्‍त कामों को न्याय करलु। अर जै शुभ समाचार को परचार मि करदु उ यू ही च।

रोमियों 2:5

मगर तुम लोग त अपणा निठुर अर ढीट मन का कारण वेका खतरनाक दिन खुणि, याने कि जै दिन मा परमेस्वर को सच्‍चु न्याय परगट होलु, तुम वेका गुस्सा तैं अपणा खिलाप मा और भि जादा बढौणा छाँ।

1 कुरिन्थि 1:8

अर पिता परमेस्वर तुमतै आखिरी का दिन तक बिस्वास मा और भि जादा मजबूत करलु, ताकि हमरा प्रभु यीशु मसीह का दिन पर जब उ न्याय करलु, त तुम निरदोष ठैरा।

1 कुरिन्थि 3:12

हाँ, इन भि ह्‍वे सकदु च कि कुछ लोग बुनियाद पर सोना, चांदी या मैंगा ढुंगो की चिणैं करला, पर कुछ इन भि छिन जु कि लखड़ा, या घास-घूस रखी के चिणैं करला।

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

2 तीमुथियुस 1:18

अर मि इन आस रखदु कि आखिरी मा होण वळा न्याय का दिन पर प्रभु उनेसिफुरुस पर दया कैरो। किलैकि तू अच्छे से जणदी छैई, कि इफिसुस नगर मा उनेसिफुरुस न कथगा अच्छी सेवा कैरी छै।

2 तीमुथियुस 3:9

पर अब यू लोग कभि अगनै नि जै सकदिन कि लोगु तैं अपणी बातों मा फंसा। किलैकि जन यन्‍नेस अर यम्ब्रेस की मूरखता को पता चलि गै छौ, ठिक उन्‍नि गळत शिक्षा तैं देण वळा लोगु की मूरखता भि सभ्यों का समणि परगट ह्‍वे जालि।

2 तीमुथियुस 4:8

अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

इब्रानी 10:25

अर एक-दुसरा का दगड़ा बिस्वासी समुदाय मा औण-जाण की संगती तैं नि छोड़ा, किलैकि तुम मा बटि कुछ लोग इन कना छिन, पर तुमतै एक-दुसरे की हिम्मत बढौण चयेणी। अर या बात मि इलै बोन्‍नु छौं किलैकि तुम जणदा छाँ कि प्रभु को वापस औण को दिन नजदीक ऐ गै, इलै इन करण मा लग्यां रा।

1 पतरस 1:7

अर जन सोना तैं परखणु खुणि आग की जरुरत होन्दी ताकि उ खरु बणौ, ठिक उन्‍नि तुमरा जीवनों मा अजमैस इलै औन्दी, ताकि तुम बिस्वास मा परखै जा अर खरा निकळि सैका। पर हे मेरा दगड़्यों, मि तुमतै बतै देन्दु, कि तुमरो बिस्वास त खतम ह्‍वे जाण वळा सोना से भि भौत जादा कीमती च। इलै जब तुम अजमैसों मा बटि निकळि के मजबूत होनद्‍यां, त यीशु मसीह का औण का बगत मा तुमतै पूरि तारीफ, बडै अर पूरु आदर जरुर मिललु।

1 पतरस 4:12

हे मेरा प्यारा भै-बैंणो, तुमरि अजमैस आग का द्‍वारा तुमतै परखणु खुणि किये जाणि च, पर मि तुमतै बतै देन्दु कि तुम ईं बात पर ताजुब नि कैरा,

2 पतरस 3:10

मगर प्रभु को वु दिन एक चोर का जन अचानक से ऐ जालु, अर वे दिन आसमान बड़ी आवाज कैरिके नास ह्‍वे जालु। अर सब चीज बड़ी खतरनाक गरमी से गैळ जालि, धरती अर जु कुछ भि वेमा च वु सब कुछ खतम ह्‍वे जालु।

2 पतरस 3:7

मगर परमेस्वर का वे ही वचन का द्‍वारा आज को यू आसमान अर या धरती आग का द्‍वारा भसम करणु खुणि रखै गै, अर न्याय का दिन तक याने कि भक्‍ति नि करण वळा लोगु का नास होण तक यू इन्‍नि रखै जाला।

दिब्य दरस 20:12

तब मिन राजगद्‍दी का समणि छुटा-बड़ा सब मुरयां लोगु तैं खड़ु होयुं देखि, अर किताब खुलै गैनी अर वेका बाद एक और किताब खुलै गै ज्वा कि जीवन की किताब च। अर यों किताबों मा लिखी बातों का मुताबिक ही, सब मुरयां लोगु को न्याय ऊंका कामों का मुताबिक किये गै।