1 कुरिन्थि 3:10 - Garhwali

¹⁰ अर मि वे जानकार मिस्‍त्री का जन छौं, जु कि मजबूत घौर बणौन्दु अर बुनियाद का डांग तैं बड़ी मजबूती से रखदु, अर यू दान मितैं पिता परमेस्वर न देई। अर इन्‍नि और लोग भि छिन, जु कि मेरी रखी बुनियाद पर घौर बणौण को काम कना छिन, मगर जरुरी बात त या च कि हरेक मिस्‍त्री अच्छी चिणैं कनु च।

गढवली नयो नियम

¹⁰ पिता परमेश्वर का वे वरदान का अनुसार, जु मि तैं दिए गै, मिल बुद्धिमान राजमिस्त्री का जन नींव डाली, अर अब कुई दूसरो वे घौर तैं बनांणु च। पर हर एक आदिम चौकनों रौ, कि उ वीं नींव पर वे घौर तैं कन कै बनांणु च।

1 कुरिन्थि 3:10 ပူးပေါင်းရင်းမြစ်များ

मत्ती 24:45

अर यीशु न उदारण मा ऊंकू बोलि, “उ वफादार अर अकलमन्द नौकर कु च, जैको मालिक वेतैं सब नौकरों को मुखिया बणौ, ताकि उ ऊंतैं बगत-बगत खाणुक को समान द्‍यो।

मत्ती 7:24

“इलै जु कुई मेरा यों वचनों तैं सुणी के वेका मुताबिक चलदु, उ वे अकलमन्द मनखि का जन च जैन अपणु घौर पौड़ पर बणै।

लूका 11:35

इलै ध्यान रखा, कि कखि तुमरो उज्याळु अन्धेरा मा नि बदलि जौ।

लूका 21:8

तब यीशु न ऊंकू बोलि, “जब तुम लड़ै अर दंगों का बारा मा सुणिल्या, त घबरै नि जयां, किलैकि यों सब बातों को पैलि होण जरुरी च। पर वे बगत भि अन्त तुरन्त नि आलु, अर भौत सरा लोग मेरा नौ से आला अर बुलला कि, ‘मि उई छौं,’ अर इन भि बुलला कि उ ‘बगत नजदीक ऐ गै।’ पर मि तुमतै बतै देन्दु कि, तुम कै का पिछनै नि जयां, इलै चौकस रा कखि कुई तुमतै भरमै नि द्‍यो।”

खास चेलों 18:27

अर अप्पुलोस की मनसा छै कि वु समुन्दर का दुसरा छाला अखया मुलक मा जौ। इलै बिस्वासी भै-बैंणो न वेको हौसला बढै, अर अखया का बिस्वासी भै-बैंणो कू चिठ्‍ठी लिखी के बतै कि वेको स्वागत बड़ा प्यार से किये जौ। अर जब अप्पुलोस इख पौंछी, त इख पौंछण पर अखया का जौं लोगु न प्रभु की बड़ी किरपा की वजै से बिस्वास कैरी छौ, वेन ऊं बिस्वासी लोगु की भौत मदद कैरी।

रोमियों 1:5

अर वेका द्‍वारा हम लोगु न परमेस्वर की किरपा अर वेको खास चेला होण को पद पै, ताकि हरेक जाति का लोग यीशु मसीह का नौ पर बिस्वास कैरा अर वेकी आज्ञाओं तैं माणा।

रोमियों 12:3

अर ज्वा किरपा पिता परमेस्वर न मि पर कैरी, वेका मुताबिक मि तुमतै बतै देन्दु, कि तुम भि भौत कुछ छाँ इन दिखौणु खुणि तुम लोगु का समणि खुद तैं परगट नि कैरा, बल्किन मा जु बिस्वास पिता परमेस्वर न तुमतै सौंपी, वेका बारा मा ध्यान से सोच-विचार कैरा।

रोमियों 15:15

मगर मि इन चान्दु, कि तुम लोग ऊं सब बातों तैं याद रखा, इलै ही मि तुम खुणि खुलि के लिखदु। अर यू मिन इलै कैरी, किलैकि पिता परमेस्वर न अपणी किरपा से मितैं यू खास दान दियूं च।

रोमियों 15:20

पर मेरा मन कि इच्छा या च कि जख-जख यीशु मसीह का नौ को परचार अभि तक नि ह्‍वे, मि उख-उख जैके शुभ समाचार सुणौ, ताकि कखि इन ना हो कि लोग बोला कि यू त दुसरा लोगु का कर्यां काम मा अपणु हक दिखाणु च।

1 कुरिन्थि 3:11

अर यीशु मसीह पर बिस्वास करण की ज्वा बुनियाद तुम मा रखै गै, अब वेका अलावा कुई दुसरो नि च, अर ना ही कुई अब वेका मथि दुसरि बुनियाद रखी सकदु।

1 कुरिन्थि 9:2

अर अगर दुसरा लोग ईं बात तैं स्वीकार नि करदिन, कि मि भि प्रभु यीशु को एक खास चेला छौं त कुई बात नि च, मगर हे मेरा दगड़्यों, तुम ईं बात तैं स्वीकार कैरा किलैकि जब मिन तुमतै शुभ समाचार सुणै, त तुमुन बिस्वास कैरी इलै तुम ईं बात का सबूत छाँ कि मि वेको खास चेला छौं।

2 कुरिन्थि 10:15

हे मेरा भै-बैंणो, हम दुसरा बिस्वासी लोगु की मेनत पर कभि भि बड़ु मोन नि करद्‍यां, अर या बात मि इलै बोन्‍नु छौं किलैकि हमुन ऊंका काम मा कुई मेनत भि नि कैरी। अर हम इन उम्मीद करद्‍यां कि जन-जन तुम बिस्वास मा मजबूत होन्दी जैल्या, तन-तन तुम ये काम तैं फैलाण मा हमरि मदद जरुर करिल्या।

इफिसुस 2:20

तुम लोग एक मन्दिर छाँ। अर जु लोग खास चेला अर परमेस्वर का रैबर्या छिन, वु वेकी बुनियाद छिन। अर ये मन्दिर का कुणों को ढुंगो खुद यीशु मसीह च।

कुलुसी 1:29

अर इलै ही मि येतैं पूरु करणु खुणि कड़ी मेनत करदु, अर बड़ी जनतौ-जहैत करदु अर यू मि यीशु मसीह की दिईं सामर्थ का द्‍वारा करदु, ज्वा कि मेरा भितर काम कनि च।

कुलुसी 4:17

अर भै अरखिप्पुस कू बुलयां, कि सेवा को जु काम प्रभु न त्वेमा सौप्युं च वेतैं तू ध्यान से कैरी।

1 तीमुथियुस 4:16

हाँ, तू इन्‍नि कनु रै, किलैकि इन कैरिके तू खुद तैं अर सुनण वळो तैं बचै दिली।

2 तीमुथियुस 2:15

अर तू भौत मेनत कैर, ताकि तेरी मेनत देखि के परमेस्वर त्वेतै सेवा करण का लैख समझु। अर तू अच्छा काम करण वळु, अर परमेस्वर का सच्‍चा वचन तैं अच्छा से सिखौण वळु बण, ताकि वेका द्‍वारा कुई त्वेतै छुटो नि समझु।

याकूब 3:1

हे मेरा भै-बैंणो, तुम मा बटि भौत लोग उपदेस देण वळा नि बणा। किलैकि तुम जणदा छाँ, कि हम उपदेस देण वळो को न्याय दुसरो से भि जादा सख्‍तै से होण।

1 पतरस 4:11

जैतैं उपदेस देण को बरदान मिल्यूं च, उ इन बोलो जन कि पिता परमेस्वर का शब्द हो। अर जैतैं सेवा करण को बरदान मिल्यूं च, वेतैं पिता परमेस्वर की दिईं ताकत से सेवा करण चयेणी, ताकि हरेक बात मा यीशु मसीह का द्‍वारा पिता परमेस्वर की बडै हो। हाँ, सब बातों मा पूरु आदर-सम्मान सदनि तक वेतैं ही मिलु। आमीन।

2 पतरस 3:15

अर जरा ईं बात का बारा मा सोचा कि हमरु प्रभु सबर रखण मा कथगा महान च जु कि हमतै इन मौका देणु च, कि सब बचि जा। अर ईं बात का बारा मा हमरा प्यारा भै पौलुस न भि बड़ी समझदारी से तुम खुणि चिठ्‍ठी मा लिखी, किलैकि पिता परमेस्वर न वेतैं ऊं बातों तैं बिंगणु खुणि अकल दिनी।

दिब्य दरस 21:14

अर ये नगर की दिवाल बारह बुनियादो पर खड़ि छै, अर ऊं पर यीशु का बारह खास चेलों का नौ लिख्यां छा।

दिब्य दरस 21:19

अर दिवाल की बुनियाद सब किसम का मैंगा मणियों से सजीं छै। लाल रंग को पैलु मणि सूर्यकान्त छौ। नीला रंग को दुसरो मणि नीलम छौ, भूरणयां रंग को तिसरु मणि गौदन्ती छौ। अर हरयां रंग को चौथुँ मणि पन्‍ना छौ।