1 कुरिन्थि 2:15 - Garhwali

¹⁵ अर पवित्र आत्मा का द्‍वारा बतयां बाटा पर चलण वळु मनखि, सब बातों की जाँच-पड़ताल करदु, मगर उ मनखि कै का द्‍वारा नि परखै जान्दु।

गढवली नयो नियम

¹⁵ उ लोग जु तैं पवित्र आत्मा मिली च, उ ऊं सभि चीजों तैं समझी सकदींनि जु पवित्र आत्मा सिखांद। पर जूं लुखुं मा पवित्र आत्मा नि च ऊं लुखुं की विचारों तैं नि समझी सकदींनि जु मा पवित्र आत्मा च।

1 कुरिन्थि 2:15 ပူးပေါင်းရင်းမြစ်များ

यूहन्ना 7:17

अर अगर कुई परमेस्वर की मनसा पर चलण चान्दु, त उ यू जाणि जालु, कि यू उपदेस परमेस्वर की तरफा बटि च, या फिर मि अपणी तरफा बटि बोन्‍नु छौं।

खास चेलों 16:3

अर पौलुस चान्दु छौ, कि तीमुथियुस वेका दगड़ा मा अऽ। इलै वेन वे मुलक का यहूदी लोगु का बाना वेको खतना करवै, ताकि उ वेकू कुछ नि बोलि सैका। किलैकि यहूदी लोग जणदा छा, कि वेको बुबा यूनानी जाति को च।

1 कुरिन्थि 14:37

अर अगर तुमरा बीच मा कुई मनखि इन सुचदु कि उ पिता परमेस्वर को रैबर्या च, या वेतैं पवित्र आत्मा को बरदान मिल्यूं च, त उ ईं बात तैं स्वीकार कैरो जु मि तुम खुणि लिखणु छौं, यू आदेस मितैं प्रभु की तरफा बटि मिल्यूं च।

1 कुरिन्थि 3:1

हे मेरा भै-बैंणो, जब मि तुमरा इख छौ, त मिन तुमतै यीशु मसीह की सच्‍चि शिक्षा का बारा मा वे तरीके से नि बतै जन मि ऊंतैं बतौन्दु, जु लोग बिस्वास मा मजबूत छिन अर जौं का पास पवित्र आत्मा को दान च। मगर मिन देखि कि तुम लोग अभि भि दुनियां की बातों पर ही चलद्‍यां, इलै मि तुमतै बच्‍चों का जन बिंगौन्दु।

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

गलातियों 6:1

हे मेरा बिस्वासी भै-बैंणो, अगर तुम लोगु मा बटि कुई मनखि पाप करद पकड़ै जान्दु, त तुम जु पवित्र आत्मा का मुताबिक चलद्‍यां, तुम वे मनखि तैं बड़ा प्यार से सच्‍चै का बाटा पर वापिस लौण की पूरि कोसिस कैरा। अर अपणु भि ध्यान रखा कखि तुम लोग भि वे ही पाप मा नि फंसी जा।

फिलिप्पी 1:10

ताकि तुम भलै अर बुरै की बातों मा बटि भलै की बातों तैं जादा से जादा स्वीकार कैरी सैका, अर यीशु मसीह का वापस औण का दिन तक एक खरु अर निरदोष मनखि बणि के रै सैका।

कुलुसी 1:9

इलै हे मेरा भै-बैंणो, जब बटि हमुन तुमरा बारा मा सुणी, त हम भि तुम लोगु खुणि प्रार्थना कना रौन्द्‍यां। अर हम इन प्रार्थना करद्‍यां, कि तुम लोग पूरा आत्मिक तरीके से परमेस्वर का ज्ञान मा अर वेकी मनसा तैं बिंगण मा भरपूर होन्दी जा।

1 थिस्सलुनीकी 5:21

मगर यों भविष्यबाणियों तैं परखा, कि परमेस्वर की तरफा बटि छैं छिन या नि छिन, अर अगर जु परमेस्वर की तरफा बटि छिन त ऊंतैं स्वीकार कैरा।

इब्रानी 5:14

पर अन्‍न त बड़ा लोगु खुणि च, जु कि अपणा जीवन का तजुर्बो का द्‍वारा भलै अर बुरै का बीच मा फरक कैरी सकदिन।

1 यूहन्ना 2:20

मगर तुमरो अभिषेक त पवित्र परमेस्वर का द्‍वारा होयुं च, इलै ही तुम पूरि सच्‍चै तैं जणद्‍यां।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।