1 कुरिन्थि 2:10 - Garhwali

¹⁰ अर पिता परमेस्वर न तयार करीं बातों तैं हम पर पवित्र आत्मा का द्‍वारा परगट कैरी, किलैकि वेको पवित्र आत्मा सब बातों की छानबीन करदु, इख तक कि परमेस्वर का सब गैरा राजों को भि।

गढवली नयो नियम

¹⁰ पर पिता परमेश्वर ल ऊं तैं अपड़ी पवित्र आत्मा का द्वारा हम प्रेरितों पर प्रगट कैरी, किलैकि पवित्र आत्मा बट्टी कुछ भि छिपयूं नि च, उ हर बातों तैं जंणदु च, इख तक की पिता परमेश्वर का भेद कि बातों तैं भि जंणदु, जु अभि तक मनिख्युं तैं पता नि च।

1 कुरिन्थि 2:10 ပူးပေါင်းရင်းမြစ်များ

मत्ती 13:11

अर वेन ऊंतैं जबाब दिनी, “तुमतै त परमेस्वर का राज का भेदों तैं बिंगण को ज्ञान दियूं च, मगर ऊं लोगु तैं ना।

मत्ती 16:17

तब यीशु न वेतैं जबाब देई, “हे योना का नौना शमौन, तू धन्य छैई, किलैकि त्वे पर या बात कै मनखि न ना, बल्किन मा स्वर्ग मा रौण वळा मेरा पिता परमेस्वर न परगट कैरी।

लूका 10:21

अर उबरि यीशु पवित्र आत्मा बटि खुश ह्‍वेके बोन्‍न लगि गै, “हे मेरा पिता, स्वर्ग अर धरती का प्रभु, मि तुमरो धन्यवाद करदु, हाँ पिता किलैकि तुमतै यू ही अच्छु लगि, कि यू सब बात समझदारों अर अकलमन्दो बटि छिपै जौ, अर ऊं लोगु पर परगट किये जौ जु बच्‍चों का जन छिन।

लूका 2:26

अर पवित्र आत्मा न वेतैं बतयूं छौ कि, “जब तक तू प्रभु का भेज्यां मसीह तैं नि देखि दिली, तब तक तेरी मौत नि होण।”

यूहन्ना 14:26

फिर भि वे मददगार तैं, याने कि पवित्र आत्मा, जैतैं पिता मेरा नौ से भेजलु, उ तुमतै सब कुछ सिखौलु। अर जु कुछ मिन तुमतै बतै, वु सब कुछ उ तुमतै याद करालु।

यूहन्ना 16:13

पर जब उ सच्‍चै को आत्मा आलु, त उ तुमतै पूरु सच्‍चै को बाटु बतालु। अर उ अपणी तरफा बटि कुछ भि नि बोललु, पर जु कुछ भि उ सुणलु उन्‍नि बतालु। अर होण वळी बातों तैं उ तुम पर परगट करलु।

1 कुरिन्थि 14:30

अर अगर समुदाय का बीच बैठयां लोगु मा बटि कै का द्‍वारा राज की कुई बात परगट किये जाणि हो, त जु पैलि बुलण छौ वेतैं चुप ह्‍वे जाण चयेणु।

1 कुरिन्थि 2:11

अर कुई भि मनखि कै का मन कि बात तैं नि जाणि सकदु, केवल उई जाणि सकदु जैका मन मा वा बात हो, ठिक उन्‍नि परमेस्वर का मन मा ज्वा बात होलि, वींतैं केवल पवित्र आत्मा ही जणदु।

गलातियों 1:12

किलैकि उ शुभ समाचार नऽ त मितैं कै मनखि न दिनी, अर ना ही मितैं कैन सिखै, बल्किन मा वु त खुद यीशु मसीह न मि पर परगट कैरी।

इफिसुस 3:3

अर जन कि मिन तुमतै वे राज का बारा मा थुड़ा भौत पैलि भि लिखी के बतै छौ, कि उ राज मि पर दिब्य दरसन का द्‍वारा परगट किये गै।

इफिसुस 3:5

अर पैलि जमना का लोगु का बीच मा उ राज ये तरीके से ऊं पर परगट नि किये गै, जन की वेन आज का दिन पवित्र आत्मा का द्‍वारा हम पर परगट कैरी। हम जु कि पवित्र खास चेला अर वेका रैबर्या छां।

1 तीमुथियुस 4:1

अर पवित्र आत्मा साफ-साफ बुल्दु, कि औण वळा दिनों मा कुछ लोग बिस्वास बटि भटकी जाला, अर भरमौण वळी आत्मा का उपदेसों अर खबेसों की शिक्षा पर मन लगाला।

1 पतरस 1:12

अर ऊं लोगु पर इन परगट किये गै, कि सेवा की जौं बातों का बारा मा बतये जाणु च वु ऊं खुणि ना, बल्किन मा औण वळी पीढ़ी का लोगु खुणि छिन, याने कि हम लोगु खुणि। अर जु कुछ भि ऊंन पवित्र आत्मा का द्‍वारा पै, उ शुभ समाचार ऊंन हमतै सुणै, अर यों ही बातों तैं स्वर्गदूत बड़ी इच्छा रखी के दिखण चाणा छिन।

1 यूहन्ना 2:20

मगर तुमरो अभिषेक त पवित्र परमेस्वर का द्‍वारा होयुं च, इलै ही तुम पूरि सच्‍चै तैं जणद्‍यां।

1 यूहन्ना 2:27

हे मेरा भै-बैंणो, यीशु मसीह न तुमरो अभिषेक पवित्र आत्मा का द्‍वारा कर्युं च। अर जब तक वेको पवित्र आत्मा तुम मा बणु रौन्दु, तब तक तुमतै सिखौणु खुणि कै की जरुरत नि च, किलैकि पवित्र आत्मा को अभिषेक तुमतै हरेक चीज का बारा मा सिखौन्दु, कि कु जि बात सच्‍चि छिन अर कु झूठ्‍ठी। इलै पवित्र आत्मा की शिक्षा तैं स्वीकार कैरिके वेको पालन कैरा, अर यीशु मसीह की संगत मा बणयां रा।

दिब्य दरस 1:1

ईं किताब मा वु बात लिखी छिन जौं तैं यीशु मसीह न अपणा दिब्य दरसन का द्‍वारा मि पर परगट कैरी। अर यू सब बात वेन पिता परमेस्वर बटि पैनी, ताकि उ अपणा सेवकों पर ऊं घटनाओं का राज तैं परगट कैरो जु कि भौत जल्द पूरि होण वळी छिन। अर यों सब बातों तैं यीशु न अपणा स्वर्गदूत का द्‍वारा मि यूहन्‍ना पर परगट कैरी, मि जु कि यीशु को सेवक छौं।

दिब्य दरस 2:24

“मगर तुम लोगु मा बटि कुछ लोग इन छिन जु कि इजेबेल की शिक्षा का मुताबिक नि चलदिन। अर तुम लोग शैतान की छिपी बातों का बारा मा भि नि जणद्‍यां। अर मि तुम लोग पर जादा भार नि डललु।